စံးထီၣ်ပတြၢၤ 146:4 - Sgaw Karen Common Bible

⁴ တုၤမ့ၢ်အသးဟးထီၣ်ကွံာ်ဒီးက့ၤက့ၤဝဲဆူအဟီၣ်ခိၣ်, ဒီးအတၢ်ကူၣ်တၢ်ဖးဟးဂူာ်ဟးဂီၤကွံာ်လၢ မုၢ်တနံၤဃီဒၣ်လဲာ်န့ၣ်လီၤ.

စံးထီၣ်ပတြၢၤ 146:4 Iomraidhean Croise

လံာ်တၢ်ကဲထီၣ်အခီၣ်ထံး 2:7

ဒီးယွၤ, ကစၢ်ယွၤဟံးန့ၢ်ဟီၣ်ခိၣ်ကပံာ်တနီၤဒီး တ့လီၤပာ်လီၤပှၤကညီ လၢဟီၣ်ခိၣ်ကပံာ်အံၤန့ၣ်လီၤ. အဝဲအူသဖှိနုာ်တၢ်မူအသါဆူအနါဒ့တဖၣ်အပူၤဒီးပှၤကညီစးထီၣ်အိၣ်မူဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်တၢ်ကဲထီၣ်အခီၣ်ထံး 6:17

ယကပျဲထံလုၣ်ဘၢတၢ်လၢဟီၣ်ခိၣ်ချၢလၢတၢ်မၤဟးဂီၤကယဲၢ်တၢ်လၢ အမူခဲလၢာ်န့ၣ်လီၤ. တၢ်လၢအမူလၢဟီၣ်ခိၣ်ချၢခဲလၢာ်ကသံဝဲဒၣ်န့ၣ်လီၤ.

လံာ်စီၤယိၤဘး 14:10

ဘၣ်ဆၣ်ပှၤကညီသံဝဲဒီးမ့ၢ်တၢ်အကတၢၢ်လၢအဂီၢ်န့ၣ်လီၤ. သံဝဲ, ဒီးအန့ၣ်တစုမ့ၢ်အအိၣ်ဝဲဖဲလဲၣ်.

လံာ်စီၤယိၤဘး 14:21

အဖိခွါတဖၣ်ဒိးန့ၢ်ဘၣ်တၢ်လၤကပီၤ, ဘၣ်ဆၣ်ဒီးအဝဲတသ့ၣ် ညါဘၣ်ဝဲဘၣ်. ဖဲအဝဲသ့ၣ်ဘၣ်တၢ်ဆီၣ်လီၤအီၤ, ဒီးအဝဲတဘၣ်တၢ်ဒုးသ့ၣ်ညါအီၤဘၣ်.

လံာ်စီၤယိၤဘး 17:1

ယဂံၢ်ယဘါလၢာ်လံ. ယတၢ်အိၣ်မူကကတၢၢ်ဘူးထီၣ်လံ. ယသူၣ်လီၤဘှံးသးလီၤတီၤလီၤ. တၢ်သွၣ်ခိၣ်အိၣ်ကတဲာ်ကတီၤအသးလၢယဂီၢ်လီၤ.

လံာ်စီၤယိၤဘး 17:11

ယမုၢ်နံၤမုၢ်သီတဖၣ်လဲၤပူၤကွံာ်ဝဲ, ယတၢ်ကူၣ်ထီၣ်ဖးလီၤတဖၣ် တကဲထီၣ်လိၣ်ထီၣ်ဘၣ်. ယတၢ်မုၢ်လၢ်လၢာ်ကွံာ်လံ.

လံာ်စီၤယိၤဘး 27:3

ဖဲယသးသမူအိၣ်ဒံးလၢယပူၤဒီးကစၢ်ယွၤဒုးသါထီၣ်သါလီၤ ယၤအဖၢမုၢ်န့ၣ်,

စံးထီၣ်ပတြၢၤ 104:29

ဖဲနပာ်တဒၢနမဲာ်န့ၣ်ဒီးအဝဲသ့ၣ်အသူၣ်ပျံၤသးဖုးဝဲ, ဒီးဖဲနထုးကွံာ်အတၢ်သါန့ၣ်ဒီးအဝဲသ့ၣ်သံဝဲ ဒီးက့ၤဝဲဆူဟီၣ်ခိၣ်အကမူၣ်လီၤ.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

စံးထီၣ်ပတြၢၤ 90:3

နဒုးဃၣ်က့ၤပှၤကညီဆူဖၣ်ဆါ, ဒီးစံး, “ပှၤကညီဖိသ့ၣ်ဧၢ, က့ၤက့ၤဆူလီၢ်ခံန့ၣ်တက့ၢ်.”

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:6

အတၢ်အဲၣ်တၢ်ကွံ, အတၢ်သးဟ့, အတၢ်သးဂဲၤတဖၣ်သံကွံာ်ခဲလၢာ်ဃုာ် ဒီးအဝဲသ့ၣ်လီၤ. အဝဲသ့ၣ်တမၤဃုာ်လၢၤကဒီးတၢ်လၢတၢ်မၤအသးလၢဟီၣ်ခိၣ်အံၤတမံၤ လၢ်လၢ်အပူၤဘၣ်.

လံာ်ယၡါယၤ 2:22

ပာ်နတၢ်သန့ၤနသးလၢပှၤကညီလၢအသံသ့အံၤအပူၤလၢၤ တဂ့ၤ. အဝဲသ့ၣ်အလုၢ်အပှ့ၤမ့ၢ်မနုၤလဲၣ်.

လံာ်သးသယုၢ်တၢ် 4:20

အဝဲသ့ၣ်ဖီၣ်န့ၢ်ပတၢ်အိၣ်မူအဂံၢ်ထံး, စီၤပၤလၢယွၤဃုထၢ တ့ၢ်, ပှၤတဂၤလၢပနာ်တ့ၢ်အီၤလၢကကဟုဘံၣ်ကယာ်ဘၢပှၤလၢပှၤဂုာ်ဆူၣ် ပျီဆူၣ်တၢ်ကိးဖုဒဲးအစုပူၤန့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.