စံးထီၣ်ပတြၢၤ 146:10 - Sgaw Karen Common Bible

¹⁰ ယွၤကဲစီၤပၤလီၤစိၤလီၤထီလီၤ. စံယိၣ်ဧၢ, နကစၢ်ယွၤကပၢတၢ်အစိၤစိၤအဃၣ်ဃၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 146:10 Iomraidhean Croise

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 147:12

ယရူၤၡလ့ၣ်ဧၢ, စံးထီၣ်ပတြၢၤယွၤတက့ၢ်. စံယိၣ်ဧၢ, စံးထီၣ်ပတြၢၤနကစၢ်ယွၤတက့ၢ်.

လံာ်တၢ်ဟးထီၣ်ကွံာ် 15:18

နဲဒၣ်, ယွၤဧၢ, နကမ့ၢ်စီၤပၤအစိၤစိအဃၣ်ဃၣ်လီၤ.”

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 52:7

တၢ်ထံၣ်ဘၣ်ပှၤစိာ်တၢ်ကစီၣ်တဂၤဟဲခီဂာ်ကစၢၢ်ကလိတဖၣ်, ဟဲစိာ်ဃုာ်ဝဲတၢ်သးခုဒီးတၢ်ဃူတၢ်ဖိးအကစီၣ်န့ၣ်, မ့ၢ်မးတၢ်လီၤလးဆံးဒိၣ်လဲၣ်. အဝဲဘိးဘၣ်သ့ၣ်ညါတၢ်မၤနၢၤဒီးစံးဘၣ်ဝ့ၢ်စံယိၣ်, နကစၢ်ယွၤမ့ၢ်စီၤပၤလီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”