စံးထီၣ်ပတြၢၤ 145:5 - Sgaw Karen Common Bible

⁵ အဝဲသ့ၣ်ကကတိၤတၢ်လၢ နလၤကပီၤဒီး နတၢ်ကဟုကညီၢ်အဂ့ၢ်, ဒီးယကဆိကမိၣ်တၢ်ယိာ်လၢ နတၢ်မၤလီၤလးတဖၣ်အဂ့ၢ်န့ၣ်လီၤ.

စံးထီၣ်ပတြၢၤ 145:5 Iomraidhean Croise

လံာ်တၢ်ကဲထီၣ်အခီၣ်ထံး 24:63

ဒီးဖဲမုၢ်ဟါလီၤသီသီအကတီၢ်န့ၣ်အဝဲဟးထီၣ်ဒ်သိးကဟးကသုၣ် ကသီလၢစံာ်ပျီပူၤဒီးထံၣ်ဝဲကီၤလၤအူးတဖၣ်ဟဲဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:9

သးဝံၣ်စံးထီၣ်ပတြၢၤယွၤ, တဲတၢ်လီၤလးတဖၣ်လၢအဝဲမၤတ့ၢ်ဝဲန့ၣ်တက့ၢ်.

စံးထီၣ်ပတြၢၤ 105:2

သးဝံၣ်ထီၣ်အီၤ, သးဝံၣ်စံးထီၣ်ပတြၢၤအီၤတက့ၢ်. တဲဖျါထီၣ်ကယဲၢ်အတၢ်မၤလီၤလး ခဲလၢာ်န့ၣ်တက့ၢ်.

စံးထီၣ်ပတြၢၤ 111:3

ကယဲၢ်တၢ်လၢအမၤဝဲတဖၣ်န့ၣ်လၢပှဲၤဝဲဒီးတၢ်လၤတၢ်ကပီၤ ဒီးတၢ်ကဟုကညီၢ်န့ၣ်လီၤ. အတၢ်တီတၢ်လိၤန့ၣ်မ့ၢ်တၢ်လီၤစိၤလီၤထီလီၤ.

စံးထီၣ်ပတြၢၤ 119:27

ဒုးနၢ်ပၢၢ်ယၤလၢ နတၢ်သိၣ်တၢ်သီအကျဲတဖၣ်န့ၣ်တက့ၢ်. ဒီးယကဆိကမိၣ်တၢ်လၢ နတၢ်မၤလီၤလးတဖၣ်အဂ့ၢ်န့ၣ်လီၤ.

စံးထီၣ်ပတြၢၤ 71:24

ဒီးယပျ့ၤကစံးကတိၤနတၢ်တီတၢ်လိၤ အတၢ်မၤစၢၤသ့သ့တနံၤလီၤ. အဂ့ၢ်ဒ်အံၤ, ပှၤလၢအဃုမၤဟးဂီၤယၤတဖၣ်န့ၣ် အမဲာ်ဆှးဒီးဘၣ်တၢ်ပာ်မဲာ်ဆှးအီၤလီၤ.

စံးထီၣ်ပတြၢၤ 72:18

စံးထီၣ်ပတြၢၤယွၤ, အံၣ်စရ့လးအကစၢ်ယွၤ လၢအမၤတၢ်လီၤလးထဲတဂၤဧိၤန့ၣ်တက့ၢ်.

စံးထီၣ်ပတြၢၤ 96:3

တဲဖျါထီၣ်အလၤကပီၤလၢပှၤကလုာ်တဖၣ်အကျါ, ဒီးအတၢ်မၤလီၤလးတဖၣ်လၢ ပှၤဂီၢ်မုၢ်ခဲလၢာ်အကျါတက့ၢ်.

လံာ်ယၡါယၤ 12:4

မုၢ်တနံၤကဟဲဝဲဖဲပှၤကသးဝံၣ်ထီၣ်, “ဟ့ၣ်ထီၣ်တၢ်စံးဘျုးစံးဖှိၣ်ဆူယွၤအအိၣ်တက့ၢ်. ကိးထီၣ်အီၤလၢကမၤစၢၤနၤအဂီၢ်တက့ၢ်. တဲဘၣ်ပှၤကလုာ်ခဲလၢာ်လၢတၢ်လၢအဝဲမၤတ့ၢ်ဝဲတက့ၢ်. တဲဘၣ်အဝဲသ့ၣ်လၢယွၤအံၤဒိၣ်ဝဲထဲလဲၣ်ထဲလဲၣ်န့ၣ်တက့ၢ်.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်သိၣ်လီၤသီလီၤတၢ် 32:3

ယကစံးထီၣ်ပတြၢၤယွၤအမံၤ, ဒီးအဝဲအပှၤဂီၢ်မုၢ်ကတဲတၢ်ဘၣ်ထွဲဒီးအဝဲအတၢ်ဒိၣ်တၢ်မုၢ်အဂ့ၢ်န့ၣ်လီၤ.