စံးထီၣ်ပတြၢၤ 145:3 - Sgaw Karen Common Bible

³ ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤ အါအါကလဲာ်လီၤ. ဒီးမ့ၢ်အဒိၣ်ဝဲဆံးဒိၣ်လဲၣ်န့ၣ်ပနၢ်ပၢၢ်တတုာ်ဘၣ်.

စံးထီၣ်ပတြၢၤ 145:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:25

ယွၤန့ၣ်ဒိၣ်ဝဲ, ဒီးကြၢးဘၣ်တၢ်စံးထီၣ်ပတြၢၤအီၤဒိၣ်ဒိၣ် ကလဲာ်န့ၣ်လီၤ. အဝဲကြၢးဒိးဘၣ်တၢ်လၤကပီၤဒိၣ်န့ၢ်ဒံးကစၢ်အဂၤတဖၣ်ခဲလၢာ် လီၤ.

လံာ်စီၤယိၤဘး 26:14

ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.

လံာ်စီၤယိၤဘး 36:26

ကွၢ်ကွၢ်, ကစၢ်ယွၤမ့ၢ်တၢ်အဒိၣ်အထီ, ဒီးပတသ့ၣ်ညါ ဘၣ်အီၤဘၣ်. ဒီးပဃုကွၢ်အနံၣ်အလါအတၢ်ဂံၢ်တသ့ဘၣ်.

လံာ်စီၤယိၤဘး 37:23

ကစၢ်ယွၤအစိအကမီၤန့ၣ်ဒိၣ်ဝဲတုၤဒၣ်လဲာ်ပဟဲဘူးဒီးအီၤ တန့ၢ်ဘၣ်. အဝဲတီဝဲလိၤဝဲဒီးစံၣ်ညီၣ်တၢ်တီလၢအတၢ်ဘၣ် ထွဲဒီးပှၤကညီန့ၣ်လီၤ.

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

လံာ်စီၤယိၤဘး 9:10

အဝဲမၤတၢ်ဒိၣ်တၢ်ထီလၢပှၤကနၢ်ပၢၢ်အီၤတသ့ဒီးတၢ်လီၤ လးတဖၣ်လၢပှၤကဂံၢ်အီၤတသ့ဘၣ်ဒၣ်လဲာ်န့ၣ်လီၤ.

စံးထီၣ်ပတြၢၤ 139:6

နတၢ်သ့ၣ်ညါဒ်အံၤလီၤလးကဲၣ်ဆိးလၢယဂီၢ်, အိၣ်ထီၣ်ထီဝဲ, ယနၢ်ပၢၢ်ယဲတသ့ဘၣ်.

စံးထီၣ်ပတြၢၤ 147:5

ပယွၤန့ၣ်ဒိၣ်ဝဲ, ဒီးအစိအကမီၤအိၣ်အါမးလီၤ. အတၢ်ကူၣ်သ့ကူၣ်ဘၣ်န့ၣ်တၢ်ထိၣ်အီၤတဲာ်အီၤ တသ့ဘၣ်.

စံးထီၣ်ပတြၢၤ 48:1

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤအဒိၣ်အအါ လၢပကစၢ်ယွၤအဝ့ၢ်ပူၤ, လၢအကစၢၢ်စီဆှံအလိၤန့ၣ်လီၤ.

စံးထီၣ်ပတြၢၤ 96:4

အဂ့ၢ်ဒ်အံၤ, ယွၤန့ၣ်ဒိၣ်ဝဲ ဒီးကဘၣ်တၢ်စံးထီၣ်ပတြၢၤအီၤဒိၣ်ဒိၣ်အါအါန့ၣ်လီၤ. အဝဲကဘၣ်တၢ်ပျံၤအီၤဒိၣ်န့ၢ်ဒံး ကစၢ်ခဲလၢာ်တက့ၢ်န့ၣ်လီၤ.

လံာ်ယၡါယၤ 40:28

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.