စံးထီၣ်ပတြၢၤ 145:15 - Sgaw Karen Common Bible

¹⁵ ကယဲၢ်တၢ်အိၣ်ဒီးအသးသမူခဲလၢာ် ကွၢ်ထီၣ်နၤလၢတၢ်မုၢ်လၢ်အပူၤ, ဒီးနဟ့ၣ်အဝဲသ့ၣ်လၢတၢ်အီၣ်ဖဲ အဝဲသ့ၣ်လိၣ်ဘၣ်ဝဲဒၣ်န့ၣ်လီၤ.

စံးထီၣ်ပတြၢၤ 145:15 Iomraidhean Croise

လံာ်တၢ်ကဲထီၣ်အခီၣ်ထံး 1:30

မ့မ့ၢ်, လၢကယဲၢ်ဆၣ်ဖိကီၢ်ဖိအမံၤတဖၣ်ဒီးကယဲၢ်ထိၣ်ဧိၤလံာ်ဧိၤတဖၣ်အဂီၢ်န့ၣ်, ယဟ့ၣ်အီၤလၢနီၣ်ဧိၤမံၤဧိၤဒီးတပံၢ်တမါအကလုာ် ကလုာ်လၢတၢ်အီၣ်အဂီၢ်လီၤ.” ဒီးတၢ်မၤအသးဒ်န့ၣ်လီၤ.

စံးထီၣ်ပတြၢၤ 104:21

ခ့ယုၢ်ဖိတဖၣ်ကညီၤထီၣ်ထွဲအဆၣ်အခံ, ဖဲအဃုအီၣ်အဆၣ်လၢ ကစၢ်ယွၤဟ့ၣ်လီၤအီၤန့ၣ်လီၤ.

စံးထီၣ်ပတြၢၤ 104:27

တၢ်ခဲလၢာ်အံၤန့ၣ်ကွၢ်ထီၣ်နၤ, ဒ်သိးလၢအကတီၢ်ဘၣ်န့ၣ်, နကဟ့ၣ်လီၤအီၤလၢအတၢ်အီၣ်လီၤ.

စံးထီၣ်ပတြၢၤ 136:25

ဟ့ၣ်လီၤတၢ်အီၣ်တၢ်အီလၢကယဲၢ်တၢ်လၢ အအိၣ်ဒီးအသးသမူခဲလၢာ်န့ၣ်လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 145:9

ယွၤန့ၣ်ဂ့ၤဝဲလၢပှၤခဲလၢာ်အဂီၢ်, ဒီးအတၢ်သးကညီၤန့ၣ်အိၣ်ဝဲလၢကယဲၢ်တၢ်လၢ အတ့လီၤဝဲခဲလၢာ်အဂီၢ်န့ၣ်လီၤ.

လံာ်ယိၤအ့လး 2:22

ဆၣ်ဖိကီၢ်ဖိသ့ၣ်ဧၢ, ပျံၤတၢ်တဂ့ၤ. တၢ်အီၣ်ဆၣ်အလီၢ်တဖၣ်လါဟ့ဝဲ, သ့ၣ်တဖၣ်သၣ်ထီၣ်ဝဲ, ချၢၣ်ဒၢအထူၣ်ဒီးစပံးမုၢ်တဖၣ်အိၣ်အါအါဂီၢ်ဂီၢ်န့ၣ်လီၤ.

လံာ်မးသဲ 6:26

ကွၢ်ထိၣ်ဖိလံာ်ဖိလၢတၢ်ဖးဖီတဖၣ်တက့ၢ်. အဝဲသ့ၣ်တဖှံတၢ်ချံဘၣ်. တကူးတၢ်ဘၣ်ဒီးတဂၢ်ဖှိၣ်တၢ်လၢသိၣ်ပူၤဖီပူၤဘၣ်. ဘၣ်ဆၣ်ဒီးသုပၢ်အိၣ်လၢမူခိၣ်အံးထွဲကွၢ်ထွဲလုၢ်အီၣ်လုၢ်အီအဝဲသ့ၣ်လီၤ. သုဝဲဒၣ်အံၤသုလုၢ်ဒိၣ်ပှ့ၤဒိၣ်အါန့ၢ်အဝဲသ့ၣ်တမ့ၢ်ဘၣ်ဧါ.

လံာ်လူၤကၣ် 12:24

ကွၢ်စိးဝၣ်ဃးတဖၣ်တက့ၢ်. အဝဲသ့ၣ်တဖှံလီၤတၢ်ချံမ့ၢ်ဂ့ၤ, ကူးက့ၤတၢ်မ့ၢ်ဂ့ၤန့ၣ်ဘၣ်. အဝဲသ့ၣ်အဒၢးလၢအကပာ်ဖှိၣ်တၢ်မ့ၢ်ဂ့ၤ, ဘုဖီမ့ၢ်ဂ့ၤတအိၣ်ဘၣ်. ကစၢ်ယွၤလုၢ်အီၣ်လုၢ်အီအဝဲသ့ၣ်လီၤ. သုလုၢ်သုပှ့ၤဒိၣ်န့ၢ်ဒံးထိၣ်တဖၣ်တက့ၢ်လီၤ.

မၤတၢ် 17:25

ဒ်န့ၣ်အသိးအဝဲတလိၣ်ဘၣ်တၢ်လၢပှၤကညီဟ့ၣ်ဝဲသ့ခီဖျိ အဖံးမၤတၢ်လၢအဝဲအဂီၢ်နီတမံၤန့ၣ်ဘၣ်. အဂ့ၢ်ဒ်အံၤ, အဝဲအနီၢ်ကစၢ်ဒၣ်ဝဲမ့ၢ်ပှၤလၢအဟ့ၣ်ပှၤကိးဂၤဒဲးလၢတၢ်မူ ဒီးတၢ်သါဒီးတၢ်အဂုၤအဂၤခဲလၢာ်န့ၣ်လီၤ.