စံးထီၣ်ပတြၢၤ 145:10 - Sgaw Karen Common Bible

¹⁰ ယွၤဧၢ, နတၢ်မၤခဲလၢာ်ကစံးထီၣ်ပတြၢၤနၤ, ဒီးနပှၤစီဆှံခဲလၢာ်ကစံးထီၣ်ပတြၢၤနၤလီၤ.

စံးထီၣ်ပတြၢၤ 145:10 Iomraidhean Croise

စံးထီၣ်ပတြၢၤ 103:22

ကယဲၢ်တၢ်လၢယွၤတ့လီၤဝဲကိးမံၤဒဲး လၢအအိၣ်ဝဲလၢအဘီအမုၢ်အပူၤ တမံၤလၢ်လၢ်သ့ၣ်ဧၢ, စံးထီၣ်ပတြၢၤယွၤတက့ၢ်. ယသးဧၢ, စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 149:5

မ်ကစၢ်ယွၤအပှၤဂီၢ်မုၢ်သူၣ်ဖှံသးညီ လၢအတၢ်မၤနၢၤအပူၤ, ဒီးသးဝံၣ်တၢ်လၢ တၢ်သးခုဒီနၤညါတက့ၢ်.

စံးထီၣ်ပတြၢၤ 19:1

မူခိၣ်လီၣ်ဖျါထီၣ်ကစၢ်ယွၤအလၤကပီၤ, ဒီးမူကပိာ်လိၤပာ်ဖျါ အစုအတၢ်ဖံးတၢ်မၤန့ၣ်လီၤ.

စံးထီၣ်ပတြၢၤ 22:23

“စံးထီၣ်ပတြၢၤအီၤ, သုဝဲပှၤလၢအမ့ၢ်ယွၤအခ့အပှၤသ့ၣ်ဧၢ, မၤလၤကပီၤအီၤ, သုဝဲပှၤလၢ အလီၤစၢၤလၢစီၤယၤကိာ်သ့ၣ်ဧၢ, ဘူၣ်ထီၣ်ဘါထီၣ်အီၤ, သုဝဲပှၤအံၣ်စရ့လးဖိသ့ၣ်ဧၢ,

စံးထီၣ်ပတြၢၤ 30:4

သးဝံၣ်စံးထီၣ်ပတြၢၤယွၤ, ကယဲၢ်အပှၤဂီၢ်မုၢ်လၢ အသူၣ်တီသးလိၤသ့ၣ်ဧၢ သ့ၣ်နီၣ်ထီၣ်တၢ်လၢ ကစၢ် ယွၤမၤဝဲ, ဒီးစံးဘျုးအီၤတက့ၢ်. ယွၤအပှၤစီဆှံသ့ၣ်ဧၢ, သးဝံၣ်စံးထီၣ်ပတြၢၤယွၤ, ကယဲၢ်အပှၤဂီၢ်မုၢ်လၢ အသူၣ်တီသးလိၤဧၢ သ့ၣ်နီၣ်ထီၣ်အမံၤစီဆှံ ဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 30:5

အဂ့ၢ်ဒ်အံၤ, အတၢ်သးထီၣ်အိၣ်တစိၢ်ဖိ ဒီးအဘျုးအဖှိၣ်န့ၣ်အိၣ်တစိၤသးလီၤ. မဲာ်ထံမဲာ်နိမ့ၢ်ယွၤလီၤဝဲလၢမုၢ်နၤ, ဘၣ်ဆၣ်, လၢမုၢ်ဂီၤန့ၣ်တၢ်သူၣ်ခုသးခုဟဲဝဲလီၤ.

စံးထီၣ်ပတြၢၤ 32:11

သုဝဲပှၤတီပှၤလိၤသ့ၣ်ဧၢ, သးခုဒီးသူၣ်ဖှံသးညီ လၢတၢ်လၢယွၤမၤတ့ၢ်အဃိန့ၣ်တက့ၢ်. သုဝဲပှၤလၢအဒိကနၣ်အီၤသ့ၣ်ဧၢ, ကိးထီၣ်လၢတၢ်သူၣ်ခုသးခုအဃိန့ၣ်တက့ၢ်.

စံးထီၣ်ပတြၢၤ 57:9

ကစၢ်ယွၤဧၢ, လၢပှၤဂီၢ်မုၢ်အကျါန့ၣ်, ယကစံးဘျုးနၤ, ဒီးလၢပှၤကလုာ်တဖၣ်အကျါန့ၣ်ယကသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 68:26

လၢပှၤဂီၢ်မုၢ်အကျါန့ၣ်စံးထီၣ်ပတြၢၤယွၤတက့ၢ်. “စံးထီၣ်ပတြၢၤယွၤ, သုဝဲစီၤယၤကိာ်အစၢၤအသွဲၣ်သ့ၣ်ဧၢ.”

စံးထီၣ်ပတြၢၤ 69:35

အဂ့ၢ်ဒ်အံၤ, ယွၤကအုၣ်က့ၤခီၣ်က့ၤစံယိၣ်, ဒီးကသူၣ်ထီၣ်က့ၤယူဒၤအဝ့ၢ်တဖၣ် ဒီးအခ့အပှၤသ့ၣ်တဖၣ်ကအိၣ်ကဆိးဖဲန့ၣ်ဒီး ကန့ၢ်ဘၣ်ကီၢ်န့ၣ်လီၤ.

စံးထီၣ်ပတြၢၤ 97:12

သုဝဲပှၤတီပှၤလိၤသ့ၣ်ဧၢ, သူၣ်ခုသးခုလၢ တၢ်လၢယွၤမၤတ့ၢ်အဃိန့ၣ်တက့ၢ်. သ့ၣ်နီၣ်ထီၣ်က့ၤတၢ်လၢကစၢ်ယွၤစီဆှံမၤတ့ၢ်ဝဲ, ဒီးစံးထီၣ်ပတြၢၤအီၤန့ၣ်တက့ၢ်.

လံာ်ယၡါယၤ 44:23

ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.