စံးထီၣ်ပတြၢၤ 145:1 - Sgaw Karen Common Bible

¹ ယကစၢ်ယွၤဒီးယစီၤပၤဧၢ, ယကပာ်ထီၣ်ထီနၤဒီးစံးထီၣ်ပတြၢၤနမံၤ လီၤစိၤလီၤထီန့ၣ်လီၤ.

စံးထီၣ်ပတြၢၤ 145:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:13

ခဲကနံၣ်အံၤ, ပကစၢ်ယွၤဧၢ, ပဟ့ၣ်ထီၣ်နၤလၢတၢ်စံးဘျုးစံး ဖှိၣ်, ဒီးပစံးထီၣ်ပတြၢၤနမံၤလၤဒိၣ်ကပီၤအါန့ၣ်လီၤ.

စံးထီၣ်ပတြၢၤ 100:1

ကယဲၢ်ဟီၣ်ခိၣ်ဖိခဲလၢာ်သ့ၣ်ဧၢ, ကိးထီၣ်ယွၤလၢတၢ်သူၣ်ဖှံသးညီအပူၤန့ၣ်တက့ၢ်.

စံးထီၣ်ပတြၢၤ 118:28

နမ့ၢ်ယကစၢ်ယွၤဒီးယစံးဘျုးစံးဖှိၣ်နၤလီၤ. ယကတဲဖျါထီၣ်နတၢ်ဒိၣ်တၢ်မုၢ်န့ၣ်လီၤ.

စံးထီၣ်ပတြၢၤ 145:21

ယထးခိၣ်ကကတိၤတၢ်စံးထီၣ်ပတြၢၤယွၤ, ဒီးကယဲၢ်တၢ်ဖံးတၢ်ညၣ်ခဲလၢာ် ကစံးထီၣ်ပတြၢၤ အမံၤစီဆှံအစိၤစိၤအဃၣ်ဃၣ်လီၤ.

စံးထီၣ်ပတြၢၤ 146:2

ယကစံးထီၣ်ပတြၢၤအီၤဖဲယအိၣ်မူဒံးအဖၢမုၢ်, ယကသးဝံၣ်ထီၣ်အီၤတစိၤဒၣ်ယၤလီၤ.

စံးထီၣ်ပတြၢၤ 149:2

မ်အံၣ်စရ့လးသးခုလၢကစၢ်လၢအတ့လီၤအီၤ အပူၤန့ၣ်တက့ၢ်. မ်ပှၤစံယိၣ်ဖိအသူၣ်ဖှံသးညီလၢ အစီၤပၤအပူၤတက့ၢ်.

စံးထီၣ်ပတြၢၤ 30:1

ယွၤဧၢ, ယပာ်ထီၣ်ထီနၤ, မ့ၢ်လၢနမၤပူၤဖျဲးယၤ, ဒီးတပျဲယဒုၣ်ယဒါသးခုလၢ ယဖီခိၣ်အဃိန့ၣ်လီၤ.

စံးထီၣ်ပတြၢၤ 30:12

ဒ်သိးယသးအသုတအိၣ်ဘှီၣ်တဂ့ၤ ဒီးကစံးထီၣ်ပတြၢၤနၤအဂီၢ်လီၤ. ယွၤ, ယကစၢ်ယွၤဧၢ, ယကစံးထီၣ်ပတြၢၤနၤလီၤထူလီၤယိာ်လီၤ.

စံးထီၣ်ပတြၢၤ 30:2

ယွၤ, ယကစၢ်ယွၤဧၢ, ယကိးထီၣ်နၤလၢတၢ်မၤစၢၤအဂီၢ်, ဒီးနမၤဘျါက့ၤလံယၤလံ.

စံးထီၣ်ပတြၢၤ 34:1

ယကစံးထီၣ်ပတြၢၤယွၤကိးဆၢကိးကတီၢ်ဒဲး, ယတဆိကတီၢ်လၢယတၢ်စံးထီၣ်ပတြၢၤအီၤဘၣ်.

စံးထီၣ်ပတြၢၤ 44:4

နမ့ၢ်ယစီၤပၤဒီးယကစၢ်ယွၤ, နဟ့ၣ်တၢ်မၤနၢၤလၢ နအပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 45:1

တၢ်ကတိၤဃံလၤတဖၣ်မၤပှဲၤယတၢ်ဆိကမိၣ် ဖဲယကွဲးတၢ်သးဝံၣ်အံၤလၢစီၤပၤအဂီၢ်န့ၣ်လီၤ. ဒ်ပှၤကွဲးလံာ်သ့အထိၣ်ဒံးအသိး ယပျ့ၤချ့လၢထါအဂီၢ်န့ၣ်လီၤ.

စံးထီၣ်ပတြၢၤ 45:6

ဘီမုၢ်လၢကစၢ်ယွၤဟ့ၣ်တ့ၢ်နၤအံၤ ကအိၣ်ဝဲအစိၤစိၤအဃၣ်ဃၣ်န့ၣ်လီၤ. နပၢနပှၤဂီၢ်မုၢ်လၢတၢ်တီတၢ်လိၤအပူၤ,

စံးထီၣ်ပတြၢၤ 5:2

ကနၣ်ယတၢ်ကိးထီၣ်လၢတၢ်မၤစၢၤအဂီၢ်, ယကစၢ်ယွၤဒီးယစီၤပၤဧၢ, အဂ့ၢ်ဒ်အံၤ, ယဃ့ဘါထုကဖၣ်တၢ်လၢနၤလီၤ.

စံးထီၣ်ပတြၢၤ 5:3

ယွၤဧၢ, လၢမုၢ်ဂီၤန့ၣ်နနၢ်ဟူယကလုၢ်, ဒီးလၢမုၢ်ဟဲထီၣ်အကတီၢ်န့ၣ် ယလုၢ်ထီၣ်ယတၢ်ထုကဖၣ်ဒီးခိးကွၢ်လၢ်နၤလီၤ.

စံးထီၣ်ပတြၢၤ 52:9

ယကစံးဘျုးနၤထီဘိ ကစၢ်ယွၤဧၢ, မ့ၢ်လၢနမၤတ့ၢ်တၢ်အံၤအဃိလီၤ. ယကမုၢ်လၢ်တၢ်လၢနမံၤလီၤ. အဂ့ၢ်ဒ်အံၤ, ဂ့ၤဝဲလၢပှၤလၢအအဲၣ်နၤအကျါလီၤ.

စံးထီၣ်ပတြၢၤ 68:4

သးဝံၣ်ထီၣ်ကစၢ်ယွၤ, သးဝံၣ်စံးထီၣ်ပတြၢၤအမံၤန့ၣ်တက့ၢ်. ကတဲာ်ကတီၤကျဲတဘိလၢပှၤလၢလဲၤခီဂာ်တၢ်လၢ ပှၢ်မုၢ်ကနၢတဂၤအဂီၢ်န့ၣ်တက့ၢ်. အမံၤမ့ၢ်ယွၤလီၤ. သူၣ်ဖှံသးညီလၢအမဲာ်ညါတက့ၢ်.

စံးထီၣ်ပတြၢၤ 75:9

ဘၣ်ဆၣ်ယကသူၣ်ခုသးခုထီဘိ, ယကသးဝံၣ်စံးထီၣ်ပတြၢၤ စီၤယၤကိာ်အကစၢ်ယွၤန့ၣ်လီၤ.

စံးထီၣ်ပတြၢၤ 95:3

အဂ့ၢ်ဒ်အံၤ, ယွၤမ့ၢ်ကစၢ်ယွၤဖးဒိၣ်တဂၤ, ဒီးစီၤပၤဖးဒိၣ်တဂၤလၢကယဲၢ်ကစၢ် ခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 96:2

သးဝံၣ်ထီၣ်ယွၤ, စံးထီၣ်ပတြၢၤအမံၤ, စံၣ်တဲၤတဲလီၤအတၢ်အုၣ်က့ၤခီၣ်က့ၤအကစီၣ်, ကိးနံၤဒဲးတက့ၢ်.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 38:20

ယွၤဧၢ, နမၤဘျါတ့ၢ်ယၤလံ. ပကဒ့တနၢ်သီတူၢ်တဖၣ်ဒီးသးဝံၣ် နတၢ်စံးထီၣ်ပတြၢၤလီၤ. ပကသးဝံၣ်စံးထီၣ်ပတြၢၤတၢ်လၢနတၢ်လုၢ်ဟံၣ်အပူၤလၢပသးသမူ တစိၤဒၣ်ပှၤလီၤ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်မၤလကံ 1:14

ဒီးပှၤလၢအအၢၣ်လီၤအသးလၢကလုၢ်ထီၣ်ဆၣ်ဖိကီၢ်ဖိလၢ အဂ့ၤဘၣ်ဆၣ်လုၢ်ထီၣ်ဆၣ်ဖိကီၢ်ဖိလၢတဂိာ်တသီၣ်န့ၣ်မ့ၢ် ပှၤလီတၢ်ဒီးဘၣ်ဆိၣ်အၢဝဲလီၤ. အဂ့ၢ်ဒ်အံၤ, မ့ၢ်စီၤပၤဖးဒိၣ်ဒီး ပှၤကလုာ်ခဲလၢာ်ပျံၤယၤလီၤ.”

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.