စံးထီၣ်ပတြၢၤ 144:7 - Sgaw Karen Common Bible

⁷ ယူာ်လီၤနစုလၢ တၢ်ထီၣ်ထီ, ထုးထီၣ်ကွံာ်ယၤလၢ ထံယိာ်ပူၤဒီးမၤပူၤဖျဲးယၤ, အုၣ်က့ၤခီၣ်က့ၤယၤလၢ ပှၤတခီဘီမုၢ် တဖၣ်အစိကမီၤအပူၤတက့ၢ်.

စံးထီၣ်ပတြၢၤ 144:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:17

ယွၤယူာ်လီၤအစုလၢထးတခီဒီးဟံးထီၣ်ယၤန့ၣ်လီၤ. အဝဲထုးထီၣ်ကွံာ်ယၤလၢထံယိာ်တဖၣ်အပူၤန့ၣ်လီၤ.

လံာ်စီၤနဃ့မယၤ 9:2

ဒီးအဝဲသ့ၣ်မၤလီၤဖးအသးဒီးပှၤတခီဘီမုၢ်ဖိတဖၣ်န့ၣ်လီၤ. ဒီးအဝဲသ့ၣ်ကူသိးဝဲထၢၣ်တၢ်ကံးညာ်ဒီးဖှံအခိၣ်လၢဟီၣ်ခိၣ် အကမူၣ်ဒ်အမ့ၢ်တၢ်သူၣ်အုးသးအုးအတၢ်ပနီၣ်န့ၣ်လီၤ. ဒီးအဝဲသ့ၣ်ဂဲၤဆၢထၢၣ်ဒီးတဲလီၤကျဲၤလီၤတၢ်ဒဲးဘးတဖၣ်လၢ အဝဲသ့ၣ်ဒီးအမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲန့ၣ်လီၤ.

စံးထီၣ်ပတြၢၤ 124:4

ဒီးထံဒိၣ်ထီၣ်ကစိာ်ကွံာ်ပှၤ ဒီးထံကလုၣ်ဘၢပှၤ,

စံးထီၣ်ပတြၢၤ 144:11

အုၣ်က့ၤခီၣ်က့ၤယၤလၢယဒုၣ်ယဒါအအၢအသီတဖၣ်, မၤပူၤဖျဲးယၤလၢပှၤတခီဘီမုၢ်ဖိအစိအကမီၤ, ပှၤတဖၣ်လၢ တတဲတၢ်မ့ၢ်တၢ်တီနီတစုဒီး မၤကဘျံးကဘျၣ်ဒၣ်လဲာ်တၢ်လၢ အမၤတၢ် ဆိၣ်အပူၤန့ၣ်တက့ၢ်.

စံးထီၣ်ပတြၢၤ 18:16

ယွၤယူာ်ဃီၤအစုလၢထးဒီးဟံးဃာ်ယၤလီၤ. အဝဲထုးထီၣ်ယၤလၢထံယိာ်တဖၣ်အပူၤလီၤ.

စံးထီၣ်ပတြၢၤ 18:17

အဝဲမၤပူၤဖျဲးယၤလၢယဒုၣ်ယဒါလၢအဆူၣ်တဖၣ်, ဒီးပှၤလၢအသးဟ့ယၤခဲလၢာ်အစုပူၤ, အဂ့ၢ်မ့ၢ်လၢအဝဲသ့ၣ်မ့ၢ် ပှၤဆူၣ်ကဲၣ်ဆိးလၢယဂီၢ်အဃိန့ၣ်လီၤ.

စံးထီၣ်ပတြၢၤ 18:44

ပှၤတခီဘီမုၢ်ဖိတဖၣ်တီၤလီၤကဒွံကျိာ်လၢယမဲာ်ညါ ဒီးဖဲအနၢ်ဟူယကလုၢ်န့ၣ်, ဒိကနၣ်ဝဲလီၤ.

စံးထီၣ်ပတြၢၤ 54:3

အဂ့ၢ်ဒ်အံၤ, ပှၤပာ်ထီၣ်ထီအသးတဖၣ် ဂဲၤဆၢထၢၣ်ထီဒါယၤ, ပှၤမၤတၢ်အၢတဖၣ်ဃုယသးလီၤ. အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ

လံာ်မၤလကံ 2:11

ပှၤကီၢ်ယူဒၤဖိတဖၣ်မၤဟးဂီၤကွံာ်အတၢ်အၢၣ်လီၤအီလီၤဒီး ကစၢ်ယွၤဒီးမၤတၢ်လၢအလီၤပျံၤဖးဒိၣ်လၢဝ့ၢ်ယရူၤၡလ့ၣ်အပူၤ ဒီးလၢထံကီၢ်ဒီဘ့ၣ်အပူၤန့ၣ်လီၤ. အဝဲသ့ၣ်မၤဘၣ်အၢဘၣ်သီတၢ်လုၢ်ဟံၣ်လၢယွၤအဲၣ်ဝဲန့ၣ်လီၤ. ပိာ်ခွါတဖၣ်ဒိးတ့ဒိးဖျီအသးဒီးပိာ်မုၣ်တဖၣ်လၢအဘါ ထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ.

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.