စံးထီၣ်ပတြၢၤ 143:6 - Sgaw Karen Common Bible

⁶ ယယူာ်ထီၣ်ယစုဆူနအိၣ်လၢတၢ်ထုကဖၣ်အပူၤ, ယသးအံၤသူအသးလၢနၤဒ် ဟီၣ်ခိၣ်အဃ့အသိးန့ၣ်လီၤ. စ့လၤ

စံးထီၣ်ပတြၢၤ 143:6 Iomraidhean Croise

လံာ်စီၤယိၤဘး 11:13

စီၤယိၤဘးဧၢ, ပာ်လိၤပာ်ဘၣ်က့ၤနသးတက့ၢ်. ယူာ်ဃီၤနသးဆူကစၢ်ယွၤအအိၣ်န့ၣ်တက့ၢ်.

လံာ်စီၤယိၤဘး 7:2

ဒ်ကုၢ်တဂၤလၢအဆၢန့ၢ်တၢ်ကဒုအသိး, ဒီးဒ်ပှၤမၤတၢ်ဖိတဂၤလၢ အခိးကွၢ်လၢ်အဘူးအလဲအသိးန့ၣ်လီၤ.

စံးထီၣ်ပတြၢၤ 42:3

ဖဲယဒုၣ်ယဒါတဖၣ်သံကွၢ်ယၤတထံၣ်ဃီလၢ “နကစၢ်ယွၤအိၣ်ဖဲလဲၣ်” န့ၣ်ဒီး, ယမဲာ်ထံမဲာ်နိမ့ၢ်ယတၢ်အီၣ်လၢ မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 44:20

ပမ့ၢ်ဆိကတီၢ်တ့ၢ်ပတၢ်ဘူၣ်ထီၣ်ဘါထီၣ်ကစၢ်ယွၤ ဒီးထုကဖၣ်ထီၣ်တၢ်ဆူပှၤတခီဘီမုၢ်အယွၤန့ၣ်ဒီး,

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

စံးထီၣ်ပတြၢၤ 84:2

ယသးဆၢလဲၤဘၣ်ဆူယွၤအဂၢၤတဖၣ်အပူၤ, တုၤယလီၤဘှါဝဲဒၣ်န့ၣ်လီၤ. ယသးဒီးယညၣ်သးဝံၣ်တၢ်လၢတၢ်သူၣ်ခုသးခု ဆူကစၢ်ယွၤလၢအမူဝဲတဂၤအအိၣ်န့ၣ်လီၤ.

စံးထီၣ်ပတြၢၤ 88:10

မ့ၢ်နမၤတၢ်လီၤလးတဖၣ်လၢပှၤသံအဂီၢ်ဧါ. မ့ၢ်အဝဲသ့ၣ်ဂဲၤဆၢထၢၣ်ဒီးစံးထီၣ်ပတြၢၤနၤဧါ. စ့လၤ

စံးထီၣ်ပတြၢၤ 88:9

ယမဲာ်ချံတဖၣ်အဂံၢ်စၢ်ဘါစၢ်လၢတၢ်နးတၢ်ဖှီၣ်အဃိလီၤ. ယွၤဧၢ, ယကိးထီၣ်နၤကိးမုၢ်နံၤမုၢ်နၤဒဲး, ယယူာ်ထီၣ်ယစုဆူနအိၣ်လၢ တၢ်ထုကဖၣ်အပူၤလီၤ.

လံာ်တၢ်ဟးထီၣ်ကွံာ် 9:29

ဒီးစီၤမိၤၡ့စံးဘၣ်အီၤ, “တဘျီဃီဖဲယဟးထီၣ်လၢဝ့ၢ်ပူၤ ဒီးယကယူာ်ထီၣ်ယစုဒီးဃ့ကညးယွၤလီၤ. လီသီၣ်ကဆိကတီၢ်ဝဲ, ဒီးသူၣ်တလီၤလၢၤဘၣ်ဝဲဘၣ်, တုၤနုၤတစုနကသ့ၣ်ညါလၢဟီၣ်ခိၣ်အံၤမ့ၢ်ယွၤအတၢ်လီၤ.

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”