စံးထီၣ်ပတြၢၤ 143:10 - Sgaw Karen Common Bible

¹⁰ သိၣ်လိယၤဒ်သိးယကမၤတၢ်ဘၣ်နသးတက့ၢ်. အဂ့ၢ်ဒ်အံၤ, နမ့ၢ်ယကစၢ်ယွၤလီၤ. မ်နသးလၢအဂ့ၤန့ၣ်ဆှၢယၤလၢကျဲလၢ အမုာ်အပၢၤန့ၣ်တက့ၢ်.

စံးထီၣ်ပတြၢၤ 143:10 Iomraidhean Croise

လံာ်စီၤနဃ့မယၤ 9:20

လၢနတၢ်ဂ့ၤတၢ်ဝါအပူၤန့ၣ်, နတဲဘၣ်အဝဲသ့ၣ်တၢ်လၢအ ကြၢးမၤဝဲ, နလုၢ်အီၣ်တ့ၢ်အဝဲသ့ၣ်လၢကိၣ်မၤနၤဒီးဟ့ၣ်အီၤထံလၢကအီဝဲ အဂီၢ်န့ၣ်လီၤ.

စံးထီၣ်ပတြၢၤ 118:28

နမ့ၢ်ယကစၢ်ယွၤဒီးယစံးဘျုးစံးဖှိၣ်နၤလီၤ. ယကတဲဖျါထီၣ်နတၢ်ဒိၣ်တၢ်မုၢ်န့ၣ်လီၤ.

စံးထီၣ်ပတြၢၤ 119:12

ယွၤဧၢ, မ်နဘၣ်တၢ်စံးထီၣ်ပတြၢၤနၤတက့ၢ်. သိၣ်လိယၤလၢနတၢ်မၤလိာ်န့ၣ်တက့ၢ်.

စံးထီၣ်ပတြၢၤ 119:35

ဆှၢယၤလၢနတၢ်မၤလိာ်အကျဲန့ၣ်တက့ၢ်. အဂ့ၢ်ဒ်အံၤ, ယမုာ်လၤတၢ်လၢအပူၤလီၤ.

စံးထီၣ်ပတြၢၤ 139:24

ဒီးကျဲအအၢလၢယပူၤမ့ၢ်အိၣ်, တအိၣ်လဲၣ်န့ၣ်ကွၢ်, ဒီးဆှၢယၤလၢကျဲအထူအယိာ်အပူၤတက့ၢ်.

စံးထီၣ်ပတြၢၤ 140:6

ယစံးဘၣ်ယွၤ, “နမ့ၢ်ယကစၢ်ယွၤလီၤ. ယွၤဧၢ,” ကနၣ်ယဃ့ကညးတၢ်အသီၣ်န့ၣ်တက့ၢ်.

စံးထီၣ်ပတြၢၤ 22:1

ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်တ့ၢ်ယၤလဲၣ်. ဘၣ်မနုၤလၢနအိၣ်ယံၤလၢတၢ်မၤစၢၤယၤအဂီၢ်, နယံၤဒီးယတၢ်ကအုကစွါအတၢ်ကတိၤ တဖၣ်န့ၣ်လဲၣ်.

စံးထီၣ်ပတြၢၤ 23:3

မၤက့ၤယသး, ဆှၢယၤလၢကျဲအတီအလိၤတဖၣ်အပူၤ လၢအမံၤအဃိလီၤ.

စံးထီၣ်ပတြၢၤ 25:12

ပှၤလၢအစူၢ်ယွၤန့ၣ်, ကမၤလိန့ၢ်တၢ်လၢအီၤဘၣ်ဃး ကျဲလၢအဝဲသ့ၣ်ကြၢးပိာ်ထွဲဝဲဒၣ်န့ၣ်လီၤ.

စံးထီၣ်ပတြၢၤ 27:11

ယွၤဧၢ, တၢ်လၢနဆၢလၢယကမၤန့ၣ်, သိၣ်လိယၤတက့ၢ်. ဒီးဆှၢယၤလၢကျဲအမုာ်အပၢၤအပူၤ, အဂ့ၢ်မ့ၢ်လၢယအိၣ်ဒီးဒုၣ်ဒါအါဂၤအဃိန့ၣ်လီၤ.

စံးထီၣ်ပတြၢၤ 31:14

ဘၣ်ဆၣ်ယတၢ်နာ်အံၤအိၣ်လၢနပူၤ, ယွၤဧၢ, နမ့ၢ်ယကစၢ်ယွၤလီၤ.

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

လံာ်ယၡါယၤ 29:10

ယွၤမၤဃၢတ့ၢ်သုမဲာ်ဖံးတုၤသုကလီၤဆူတၢ်မံယိာ်အပူၤလီၤ. ဝံတဖၣ်ကြၢးမ့ၢ်ပှၤဂီၢ်မုၢ်အမဲာ်ချံတဖၣ်, ဘၣ်ဆၣ်ကစၢ်ယွၤ ကးဘၢတ့ၢ်အဝဲသ့ၣ်အမဲာ်ချံလီၤ.

လံာ်ယၡါယၤ 63:14

ဒ်ဂီၤဘုၣ်ဂီၤဖံးတဖၣ်ဘၣ်တၢ်ဆှၢနုာ်အီၤဆူဟီၣ်ခိၣ်ညၣ်ထ့ၣ် အတြီၤတပူၤအသိး, ယွၤဟ့ၣ်တ့ၢ်အပှၤဂီၢ်မုၢ်လၢတၢ်အိၣ်ဘှံးလီၤ. အဝဲဆှၢတ့ၢ်အပှၤဂီၢ်မုၢ်ဒီးဟဲစိာ်ဃီၤတၢ်လၤကပီၤလၢအမံၤအဂီၢ်လီၤ.

လံာ်မံကၤ 4:2

ဒီးအပှၤဂီၢ်မုၢ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်အဒီခိၣ်, ဆူအံၣ်စရ့လးအကစၢ်ယွၤအတၢ်လုၢ်လီၢ်တက့ၢ်. အဂ့ၢ်ဒ်အံၤ, ကသိၣ်လိပှၤလၢတၢ်လၢအအဲၣ်ဒိး ပကမၤအီၤတဖၣ်, ပကလဲၤတၢ်လၢကျဲတဖၣ်လၢအဃုထၢန့ၢ်ပှၤလီၤ. အဂ့ၢ်ဒ်အံၤ, ယွၤအတၢ်သိၣ်လိဟဲလၢဝ့ၢ်ယရူၤၡလ့ၣ်, ဒီးကတိၤတၢ်လၢစံယိၣ်ဆူအပှၤဂီၢ်မုၢ်အအိၣ်လီၤ”.

လံာ်တၢ်ဂံၢ် 9:22

ကမ့ၢ်ဒၣ်ဝဲခံသီ, တလါ, တနံၣ်, မ့တမ့ၢ်ယံာ်န့ၢ်အဝဲန့ၣ်မ့ၢ် ဂ့ၤ, ဖဲတၢ်အၢၣ်အိၣ်ဒံးဝဲလၢဒဲစီဆှံအဖီခိၣ်န့ၣ်အဝဲသ့ၣ်တသုး အသးဆူညါဘၣ်. မ့မ့ၢ်ဖဲတၢ်အၢၣ်သုးထီထီၣ်အသးန့ၣ်, အဝဲသ့ၣ်သုးအသးန့ၣ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်ယိၤဟၣ် 14:26

မ့မ့ၢ်, ပှၤမၤစၢၤတၢ်သးစီဆှံလၢပၢ်ကမၢလီၤအီၤလၢယမံၤ အပူၤန့ၣ်, ကသိၣ်လိသီလိသုတၢ်ခဲလၢာ်ဒီးကဒုးသ့ၣ်နီၣ်ထီၣ် သုတၢ်လၢယစံးဘၣ်တ့ၢ်သုခဲလၢာ်န့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 15:30

ဒီပုၢ်ဝဲၢ်သ့ၣ်ဧၢ, ခီဖျိပကစၢ်ယ့ၣ်ၡူးခရံာ်ဒီးခီဖျိတၢ်အဲၣ်တၢ်ကွံလၢ ကစၢ်ယွၤအသးဟ့ၣ်လီၤဝဲန့ၣ်, ယသဆၣ်ထီၣ်သုခံလၢသုကဃ့ထုကဖၣ်ယွၤသပှၢ်ပှၢ်ဃုာ်ဒီးယၤလၢ ယဂီၢ်န့ၣ်လီၤ.

ရိမ့ၤ 5:5

တၢ်မုၢ်လၢ်အံၤတဒုးသးဟးဂီၤပှၤဘၣ်, မ့ၢ်လၢကစၢ်ယွၤလူလီၤဂၢ်လီၤအတၢ်အဲၣ်လၢပသးပူၤခီဖျိ သးစီဆှံ, လၢအမ့ၢ်ကစၢ်ယွၤအတၢ်ဟ့ၣ်ပှၤအဃိန့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

ရိမ့ၤ 8:26

ဒ်န့ၣ်အသိးယွၤအသးစ့ၢ်ကီးဟဲလၢကမၤစၢၤပှၤအဂီၢ်, ဒ်ပမ့ၢ်ပှၤဂံၢ်စၢ်ဘါစၢ်တဖၣ်အသိးလီၤ. အဂ့ၢ်ဒ်လဲၣ်န့ၣ်, ပကြၢးဃ့ထုကဖၣ်တၢ်ဒ်လဲၣ်န့ၣ်ပတသ့ၣ်ညါဘၣ်. ယွၤအသးဒၣ်ဝဲဃ့သကွံၢ်ကညးကစၢ်ယွၤလၢပဂီၢ်လၢတၢ် ကအုကစွါဖးဒိၣ်လၢပတဲဖျါလၢတၢ်ကတိၤတသ့ဒၣ်လဲာ်ဘၣ် အပူၤန့ၣ်လီၤ.

အ့းဖ့းစူး 4:30

တဘၣ်မၤသးအုးယွၤအသးစီဆှံတဂ့ၤ. အဂ့ၢ်ဒ်အံၤယွၤအသးစီဆှံမ့ၢ်ကစၢ်ယွၤအတၢ်စဲပနီၣ်ဃာ် သုလၢတၢ်အုၣ်က့ၤခီၣ်က့ၤအမုၢ်တနံၤအဂီၢ်န့ၣ်လီၤ.

အ့းဖ့းစူး 5:9

အဂ့ၢ်ဒ်အံၤ, တၢ်ကပီၤမ့ၢ်တၢ်လၢအဟ့ၣ်ထီၣ်ကယဲၢ်မ့ၢ်တၢ် အဂ့ၤ, တၢ်တီတၢ်လိၤဒီးတၢ်အမ့ၢ်အတီခဲလၢာ်လီၤ.

၂ တံၤမသ့း 1:7

အဂ့ၢ်ဒ်လဲၣ်န့ၣ်, သးလၢကစၢ်ယွၤဟ့ၣ်လီၤတ့ၢ်ပှၤန့ၣ်တဒုး ကဲထီၣ်ပှၤလၢ, ပှၤလၢအပျံၤတၢ်ဘၣ်. မ့မ့ၢ်ယွၤအသးမၤပှဲၤ ပသးဒီးတၢ်စိတၢ်ကမီၤ, တၢ်အဲၣ်တၢ်ကွံ, ဒီးတၢ်ပၢၤသူၣ်ပၢၤသးန့ၣ်လီၤ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.