စံးထီၣ်ပတြၢၤ 143:1 - Sgaw Karen Common Bible

¹ ယွၤဧၢ, နၢ်ဟူယတၢ်ထုကဖၣ်တက့ၢ်. လၢနတၢ်တီတၢ်လိၤအပူၤန့ၣ် ဒိကနၣ်လၢ်ယတၢ်ဃ့ကညး ဒီးစံးဆၢလၢ်ယၤလၢနတၢ်သးတီအပူၤန့ၣ်တက့ၢ်.

စံးထီၣ်ပတြၢၤ 143:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:25

ဒီးခဲအံၤ, ကစၢ်ယွၤဧၢ, မၤလၢထီၣ်ပှဲၤထီၣ်တၢ်အၢၣ်လီၤအီ လီၤလၢနမၤတ့ၢ်ဘၣ်ဃးယၤဒီးယစၢၤယသွဲၣ်တဖၣ်အဂ့ၢ်တဘိယူာ်ဃီ ဒီးမၤတၢ်လၢနစံးတ့ၢ်လၢနကမၤအီၤတဖၣ်န့ၣ်တက့ၢ်.

စံးထီၣ်ပတြၢၤ 140:6

ယစံးဘၣ်ယွၤ, “နမ့ၢ်ယကစၢ်ယွၤလီၤ. ယွၤဧၢ,” ကနၣ်ယဃ့ကညးတၢ်အသီၣ်န့ၣ်တက့ၢ်.

စံးထီၣ်ပတြၢၤ 17:1

ယွၤဧၢ, ဒိကနၣ်ယတၢ်ဃ့ကညးလၢ တၢ်တီတၢ်လိၤအဂီၢ်န့ၣ်တက့ၢ်. ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဒိကနၣ်ယတၢ်ထုကဖၣ်အတီအလိၤန့ၣ်တက့ၢ်.

စံးထီၣ်ပတြၢၤ 31:1

ယွၤဧၢ, ယသန့ၤယသးလၢနၤလီၤ. မ်ယသုတမဲာ်ဆှးဘၣ်နီတဘျီတဂ့ၤ. လၢနတၢ်တီတၢ်လိၤအပူၤန့ၣ်, ကစၢ်ယွၤဧၢ မၤပူၤဖျဲးယၤတက့ၢ်.

စံးထီၣ်ပတြၢၤ 71:2

မၤပူၤမၤဖျဲးယၤဒီးအုၣ်က့ၤခီၣ်က့ၤယၤလၢ နတၢ်တီတၢ်လိၤအပူၤန့ၣ်တက့ၢ်. ဒိးနနၢ်လၢယၤဒီးအုၣ်က့ၤခီၣ်က့ၤယၤတက့ၢ်.

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.