စံးထီၣ်ပတြၢၤ 142:4 - Sgaw Karen Common Bible

⁴ တုၤယကွၢ်တၢ်လၢယကပိာ်ကပၤန့ၣ်ဒီး ယတထံၣ်န့ၢ်ဘၣ်ပှၤလၢကမၤစၢၤယၤနီတဂၤဘၣ်. ပှၤမၤပူၤဖျဲးယၤတအိၣ်ဘၣ်. ပှၤကွၢ်ထွဲယၤတအိၣ်ဘၣ်.

စံးထီၣ်ပတြၢၤ 142:4 Iomraidhean Croise

လံာ်စီၤယိၤဘး 11:20

မ့မ့ၢ်ပှၤတတီတလိၤတဖၣ် ကကွၢ်တၢ်ဝးဝးလၢ တၢ်သးဟးဂီၤအပူၤဒီး ထံၣ်ဘၣ်ဝဲလၢတၢ်ထူၣ်ဖျဲး အဂီၢ်ကျဲတအိၣ်နီတဘိဘၣ်. အဝဲသ့ၣ်အတၢ်မုၢ် လၢ်ထဲတမံၤဧိၤမ့ၢ်ဒၣ်တၢ်သံကဟဲဝဲန့ၣ်လီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 140:6

ယစံးဘၣ်ယွၤ, “နမ့ၢ်ယကစၢ်ယွၤလီၤ. ယွၤဧၢ,” ကနၣ်ယဃ့ကညးတၢ်အသီၣ်န့ၣ်တက့ၢ်.

စံးထီၣ်ပတြၢၤ 141:9

ပၢၤယၤလၢပျံၤသကွီၤလၢပှၤပာ်လီၤလၢယဂီၢ် ဒီးလၢပှၤမၤတၢ်အၢတဖၣ်အထုဝၣ်ခီန့ၣ်တက့ၢ်.

စံးထီၣ်ပတြၢၤ 143:4

ယအိၣ်လၢတၢ်သးဟးဂီၤဖးဒိၣ်အပူၤအဃိ, ယအိၣ်ကတဲာ်ကတီၤလံယသးလၢ ယကဟ့ၣ်လီၤကွံာ်ယသးန့ၣ်လီၤ.

စံးထီၣ်ပတြၢၤ 31:11

ယဒုၣ်ယဒါခဲလၢာ်, လီၤဆီဒၣ်တၢ်ပှၤလၢ ယဃၢၤတဖၣ်မၤယၤဒ်တၢ်လီၤသးဘၣ်အၢ, ပှၤလၢအသ့ၣ်ညါယၤတဖၣ်ပျံၤယၤ, တုၤအထံၣ်ယၤလၢကျဲဒီးဃ့ၢ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 69:20

တၢ်ဒုၣ်ဒွဲၣ်ဒုးသူၣ်ကၢ်သးလီၤတ့ၢ်ယၤ, တုၤဒၣ်လဲာ်ယအိၣ်လၢ တၢ်သူၣ်ဟးဂီၤသးဟးဂီၤအပူၤန့ၣ်လီၤ. ယကွၢ်လၢ်ပှၤလၢအကသးကညီၤတၢ်, ဘၣ်ဆၣ်တအိၣ်နီတဂၤဘၣ်. ဒီးပှၤလၢအမၤမုာ်တၢ်တဖၣ်, ဘၣ်ဆၣ်ယတထံၣ်န့ၢ်နီတဂၤဘၣ်.

စံးထီၣ်ပတြၢၤ 88:18

ယတံၤသကိးတဖၣ်လၢ အဘူးကတၢၢ်ဒီးဒၣ်လဲာ်န့ၣ် နပျဲအညိကွံာ်ယၤလီၤ. ဖဲယလဲၤတပူၤလၢ်လၢ်အလီၢ်န့ၣ် အိၣ်ဒၣ်ထဲတၢ်ခံးတၢ်နၤန့ၣ်လီၤ.

စံးထီၣ်ပတြၢၤ 88:8

နမၢယတံၤသကိးသ့ၣ်တဖၣ်ညိကွံာ်ယၤ, ဒီးယကဲထီၣ်တၢ်သး ဘၣ်အၢလၢ အဝဲသ့ၣ်အဂီၢ်လီၤ. ယဘၣ်တၢ်ကဝီၤဃာ်ယၤဒီး ယထူၣ်ဖျဲးထီၣ်တသ့ဘၣ်.

လံာ်ယံးရမံယၤ 18:22

ဆှၢလီၤပှၤမၤတၢထီၣ်တၢလီၤတၢ်တဖုလၢကဂုာ်ဆူၣ်ပျီဆူၣ် အဟံၣ်အဃီတဖၣ်လၢတၢ်ကဟ့ၣ်ပလီၢ်ဆိအပူၤတက့ၢ်. မ်အဝဲသ့ၣ် ဟီၣ်ကိးပသူထီၣ်လၢတၢ်ပျံၤတၢ်ဖုးအပူၤန့ၣ်တက့ၢ်. အဝဲသ့ၣ်ခူၣ်တ့ၢ် တၢ်ပူၤတပူၤလၢယကလီၤတဲာ်နုာ်အဂီၢ်ဒီးပာ်လီၤတ့ၢ်ထုတဖၣ် လၢကဖီၣ်န့ၢ်ယၤအဂီၢ်လီၤ.

လံာ်ယံးရမံယၤ 25:35

သုကပူၤဖျဲးအဂီၢ်ကျဲတအိၣ် နီတဘိဘၣ်.

လံာ်ယံးရမံယၤ 30:17

ယကဒုးအိၣ်ဆူၣ်အိၣ်ချ့ကဒီးသုလီၤ. ယကမၤဘျါက့ၤသု ပူၤလီၢ်ပူၤကျဲတဖၣ်န့ၣ်လီၤ. သုဒုၣ်သုဒါတဖၣ် မ့ၢ်စံးလၢ, ‘ဝ့ၢ်စံယိၣ်မ့ၢ်တၢ်ဘၣ်တၢၤကွံာ် အလီၢ်တပူၤ, ပှၤတကနၣ်ဃုာ်အီၤ နီတဂၤလၢၤဘၣ်’ ဒၣ်လဲာ်န့ၣ်, ယကမၤဘျါသုပူၤလီၢ်ပူၤကျဲ တဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယိၤနါ 2:8

ပှၤလၢအဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဂိာ်တသီၣ်ဘၣ်တဖၣ်န့ၣ်ညိကွံာ်အတၢ်သးတီဒီးနၤလီၤ.

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 27:1

စီၤဒၤဝံးစံးလီၤအသး, “လၢမုၢ်နံၤတဖၣ်အံၤအပူၤတနံၤနံၤ န့ၣ်စီၤစီလူးကမၤသံယၤလီၤ. တၢ်အဂ့ၤကတၢၢ်လၢယကြၢးမၤန့ၣ်, မ့ၢ်တၢ်ဃ့ၢ်ပူၤဖျဲးဆူကီၢ်ဖလ့ၡသးအပူၤလီၤ. အန့ၣ်တစု, စီၤစီလူးကဆိကတီၢ်အတၢ်လူၤဃုယၤလၢကီၢ်အံၣ်စရ့လးအပူၤဒီးယကပူၤဖျဲးလီၤ.”