စံးထီၣ်ပတြၢၤ 142:3 - Sgaw Karen Common Bible

³ တုၤယသးလီၤဘှံးလီၤဘျါဒီးသးဟးဂီၤန့ၣ်, အဝဲသ့ၣ်ညါယကဘၣ်မၤတၢ်မနုၤလဲၣ်န့ၣ်လီၤ. လၢကျဲလၢယပိာ်အီၤအပူၤန့ၣ်, ယဒုၣ်ယဒါတဖၣ် ပာ်လီၤခူသူၣ်ထုလၢယဂီၢ်လီၤ.

စံးထီၣ်ပတြၢၤ 142:3 Iomraidhean Croise

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 102:1

ယွၤဧၢ, ဒိကနၣ်ယတၢ်ထုကဖၣ်, ဒီးမ်ယတၢ်ကိးထီၣ်လၢတၢ်မၤစၢၤအဂီၢ် ဟဲထီၣ်ဆူနအိၣ်တက့ၢ်.

စံးထီၣ်ပတြၢၤ 102:4

ယဘၣ်တၢ်တီၢ်လီၤကွံာ်အီၤဒ်နီၣ်ဧိၤမံၤဧိၤလၢ အဃ့ထီၣ်ကွံာ်အသိးန့ၣ်လီၤ. ယသးပ့ၤနီၣ်လၢယကအီၣ်ယကိၣ်လီၤ.

စံးထီၣ်ပတြၢၤ 140:5

ပှၤလၢအပာ်ထီၣ်ထီအသးတဖၣ် ပာ်လီၤပျံၤသကွီၤခူသူၣ်လၢယဂီၢ်, ဒီးဒါလီၤပှာ်ဧိၤစၤဧိၤလၢကျဲလိၤ, အဝဲသ့ၣ်ဆဲထီၣ်ထုလၢယဂီၢ်လီၤ. စ့လၤ

စံးထီၣ်ပတြၢၤ 141:9

ပၢၤယၤလၢပျံၤသကွီၤလၢပှၤပာ်လီၤလၢယဂီၢ် ဒီးလၢပှၤမၤတၢ်အၢတဖၣ်အထုဝၣ်ခီန့ၣ်တက့ၢ်.

စံးထီၣ်ပတြၢၤ 143:4

ယအိၣ်လၢတၢ်သးဟးဂီၤဖးဒိၣ်အပူၤအဃိ, ယအိၣ်ကတဲာ်ကတီၤလံယသးလၢ ယကဟ့ၣ်လီၤကွံာ်ယသးန့ၣ်လီၤ.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 22:14

ယဂံၢ်ယဘါလၢာ်တ့ၢ်လံ, လၢာ်ကွံာ်ဒ်ထံလၢအလီၤဂၢ်လၢ ဟီၣ်ခိၣ်လိၤအသိးန့ၣ်လီၤ. ယဃံခဲလၢာ်လီၤဖျုကွံာ်ဝဲ, ယသးမၤအသးဒ် ဃိးလၢအပှံၢ်လီၤကွံာ်ဝဲအသိးန့ၣ်လီၤ.

စံးထီၣ်ပတြၢၤ 31:4

ထုးထီၣ်ကွံာ်ယၤလၢပှာ်လၢ အဘၣ်တၢ်ပာ်လီၤခူသူၣ်လၢယဂီၢ်တက့ၢ်. အဂ့ၢ်ဒ်အံၤ, နမ့ၢ်ယတၢ်ပူၤဖျဲးအလီၢ်လီၤ.

စံးထီၣ်ပတြၢၤ 56:6

အဝဲသ့ၣ်အိၣ်ဖှိၣ်ရိဖှိၣ်တပူၤဃီ, လၢတၢ်ခူသူၣ်, ဒီးကွၢ်ယခီၣ်ခါတဖၣ် ဒ်အဝဲသ့ၣ်ခိးကွၢ်တ့ၢ်ယသးသမူအသိးန့ၣ်လီၤ.

စံးထီၣ်ပတြၢၤ 61:2

လၢတၢ်သးဟးဂီၤဒီး တၢ်အိၣ်ယံၤဒီး ဟံၣ်အပူၤန့ၣ်ယကိးထီၣ်နၤလီၤ. ဆှၢယၤဆူတၢ်ပူၤဖျဲးအလီၢ်တတီၤန့ၣ်တက့ၢ်.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

စံးထီၣ်ပတြၢၤ 77:3

တုၤယဆိကမိၣ်ထီၣ်ကစၢ်ယွၤန့ၣ်ဒီး, ယဟီၣ်ယယၢၤယဲ, ဒီးယသးလီၤဘှါယဲလီၤ. စ့လၤ

လံာ်ယံးရမံယၤ 18:22

ဆှၢလီၤပှၤမၤတၢထီၣ်တၢလီၤတၢ်တဖုလၢကဂုာ်ဆူၣ်ပျီဆူၣ် အဟံၣ်အဃီတဖၣ်လၢတၢ်ကဟ့ၣ်ပလီၢ်ဆိအပူၤတက့ၢ်. မ်အဝဲသ့ၣ် ဟီၣ်ကိးပသူထီၣ်လၢတၢ်ပျံၤတၢ်ဖုးအပူၤန့ၣ်တက့ၢ်. အဝဲသ့ၣ်ခူၣ်တ့ၢ် တၢ်ပူၤတပူၤလၢယကလီၤတဲာ်နုာ်အဂီၢ်ဒီးပာ်လီၤတ့ၢ်ထုတဖၣ် လၢကဖီၣ်န့ၢ်ယၤအဂီၢ်လီၤ.

လံာ်သးသယုၢ်တၢ် 2:19

လၢမုၢ်နၤခီသီတနၤကျၢၤန့ၣ်ဂဲၤထၢၣ်ဝံၤ, ဂဲၤထၢၣ်ကဒီးခဲအံၤခဲအံၤလၢနကကိးပသူထီၣ်ဆူယွၤအအိၣ် တက့ၢ်. ဂၢ်လီၤနသး, ဒီးဃ့ကညးအီၤလၢကသူၣ်ကညီၤသးကညီၤနဖိတဖၣ်လၢ အသၣ်ဝံၤလီၤဒိတုၤကသံလၢကျဲကိးဘိဒဲးအသနၢၣ်တဖၣ်အဂီၢ်တက့ၢ်.

လံာ်မးသဲ 22:15

ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.