စံးထီၣ်ပတြၢၤ 142:1 - Sgaw Karen Common Bible

¹ ယကိးထီၣ်ယွၤလၢတၢ်မၤစၢၤအဂီၢ်, ယဃ့ကညးတၢ်ဒီးအီၤန့ၣ်လီၤ.

စံးထီၣ်ပတြၢၤ 142:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

စံးထီၣ်ပတြၢၤ 141:1

ယွၤဧၢ, ယကိးထီၣ်နၤလီၤ. မၤချ့ချ့လၢယဂီၢ်တက့ၢ်. တုၤယကိးထီၣ်နၤဒီး, ကနၣ်ယကလုၢ်တက့ၢ်.

စံးထီၣ်ပတြၢၤ 28:2

ဒိကနၣ်ယတၢ်ထုကဖၣ်အသီၣ်, ဖဲယကိးထီၣ်နၤလၢတၢ်မၤစၢၤအဂီၢ်, ဖဲယယူာ်ထီၣ်ယစုဆူ နတၢ်လီၢ်စီဆှံကတၢၢ်န့ၣ်တက့ၢ်.

စံးထီၣ်ပတြၢၤ 30:8

ယွၤဧၢ, ယကိးထီၣ်နၤ, ယဃ့တၢ်မၤစၢၤလၢယွၤလီၤ.

စံးထီၣ်ပတြၢၤ 32:1

ပှၤလၢအတၢ်ဒဲးဘးဘၣ်တၢ်ပျၢ်ကွံာ်အီၤ ဒီးပှၤလၢအတၢ်ကမၣ်ဘၣ်တၢ်ကျၢၢ်ဘၢကွံာ်လံအီၤသ့ၣ် တဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 54:1

ကစၢ်ယွၤဧၢ, အုၣ်က့ၤခီၣ်က့ၤယၤလၢနမံၤ ဒီးပာ်တီပာ်လိၤယၤလၢနဂံၢ်နဘါန့ၣ်တက့ၢ်.

စံးထီၣ်ပတြၢၤ 57:1

သူၣ်ကညီၤသးကညီၤယၤ, ကစၢ်ယွၤဧၢ, သူၣ်ကညီၤသးကညီၤယၤတ က့ၢ်. အဂ့ၢ်ဒ်အံၤ, ယသးသန့ၤအသးလၢနၤလီၤ. ယကဟံးန့ၢ်တၢ်အိၣ်ဘံၣ်အိၣ်ဘၢလၢနဒံးဆ့အဖီလာ် တုၤတၢ်ကိၢ်တၢ်ဂီၤအကလံၤမုၢ် လဲၤပူၤကွံာ်ယၤန့ၣ်လီၤ.

ဧ့ၤဘြံၤ 11:38

ဟီၣ်ခိၣ်တကြၢးတဘၣ်ဘၣ်ဒီးအဝဲသ့ၣ်ဘၣ်. အဝဲသ့ၣ်ဟးဝ့ၤဝီၤလၢမဲးမုၢ်ခိၣ်ဒီးလၢကစၢၢ်ခိၣ်ကလိကျါ ဒီးအိၣ်ဝဲဆိးဝဲလၢလၢၢ်ဒီးလ့အအိပူၤဒီးလၢဟီၣ်ခိၣ် အအိပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:3

အဝဲတုၤဃီၤဖဲလ့ကအိတခါ ဘူးဒီးသိအကရၢတဖၣ်လၢကျဲအကပၤ ဒီးလဲၤနုာ်ဆူလ့ကအိအပူၤဒ်သိးအကမၤဖှံထီၣ်အတၢ်ဝံတၢ်ယိးလီၤ. တၢ်န့ၣ်ဘၣ်အတီၤလၢအမ့ၢ်လ့ကအိတခါဃီဖဲစီၤဒၤဝံး ဒီးအပှၤတဖၣ်အိၣ်ခူသူၣ်ဝဲလၢလ့ကအိအလီၢ်ခံကတၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:4

ပှၤတဖၣ်စံးဘၣ်အီၤ, “တၢ်အံၤမ့ၢ်နခွဲးနယာ်လီၤ. ယွၤစံးတ့ၢ်ဝဲလၢကပာ်နဒုၣ်နဒါလၢနစိကမီၤအဖီလာ်ဒီးနမၤအီၤ ဒ်နသးအိၣ်မၤအီၤအသိးန့ၣ်သ့ဝဲဒၣ်လီၤ.” စီၤဒၤဝံးလဲၤစွါဝဲဒီးကူးတဲာ်န့ၣ်စီၤစီလူးအဆ့ကၤဖးထီတက့လီၤ. တၢ်န့ၣ်စီၤစီလူးတသ့ၣ်ညါဝဲဘၣ်.