စံးထီၣ်ပတြၢၤ 140:7 - Sgaw Karen Common Bible

⁷ ယယွၤ, ပၢဘၣ်တၢ်ခဲလၢာ်, ယတၢ်အုၣ်က့ၤခီၣ်က့ၤကစၢ်ဧၢ, နကဟုကယာ်တ့ၢ်လံယၤလၢ တၢ်ဒုးသုးအပူၤန့ၣ်လီၤ.

စံးထီၣ်ပတြၢၤ 140:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:14

အဝဲဆီထီၣ်တၢ်ဒုးတၢ်ယၤအသူၣ်ဒဲအလီၢ်တဖၣ်သကုၤကီၢ်အဒိၣ်ဒီး ပှၤဂီၢ်မုၢ်ဖဲန့ၣ်တဖၣ်ကဲထီၣ်ပှၤလၢအဝဲပၢဘၣ်အီၤန့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

စံးထီၣ်ပတြၢၤ 144:10

နဟ့ၣ်တၢ်မၤနၢၤဆူစီၤပၤတဖၣ်, ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.

စံးထီၣ်ပတြၢၤ 18:35

ယွၤဧၢ, နဟ့ၣ်ယၤလၢနတၢ်အုၣ်က့ၤခီၣ်က့ၤအကတီၤ, နစုထွဲဒုးအိၣ်ဂၢၢ်ဆိးကျၢၤယၤ, ဒီးနတၢ်မၤစၢၤဒုးမ့ၢ်ယၤလၢပှၤအဒိၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 31:15

ထီဘိယအိၣ်လၢနတၢ်အိၣ်ပှိၤယၤအပူၤလီၤ, မၤပူၤဖျဲးယၤလၢယဒုၣ်ယဒါတဖၣ်, ပှၤလၢအမၤသံယၤတဖၣ်န့ၣ်တက့ၢ်.

စံးထီၣ်ပတြၢၤ 59:17

ယဂံၢ်ယဘါဧၢ, ယကသးဝံၣ်စံးထီၣ်ပတြၢၤနၤလီၤ. နဲဒၣ်ကစၢ်ယွၤဧၢ, နမ့ၢ်ယတၢးထီၣ်ထီ, ကစၢ်ယွၤလၢအအဲၣ်ယၤလီၤ.

စံးထီၣ်ပတြၢၤ 62:2

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်နီတစဲးဘၣ်.

စံးထီၣ်ပတြၢၤ 62:7

တၢ်အုၣ်က့ၤခီၣ်က့ၤယၤ, ဒီးယလၤကပီၤန့ၣ် အိၣ်ဝဲဒီးကစၢ်ယွၤန့ၣ်လီၤ. ယဂံၢ်ယဘါအလၢၢ်, ယတၢ်ပူၤဖျဲးအလီၢ်န့ၣ်မ့ၢ်ကစၢ်ယွၤလီၤ.

စံးထီၣ်ပတြၢၤ 89:26

အဝဲဒၣ်ကကိးထီၣ်ဆူယအိၣ် “နဲဒၣ်အံၤနမ့ၢ်ယပၢ်, ယကစၢ်ယွၤ, ဒီးတၢ်အုၣ်က့ၤခီၣ်က့ၤယၤအလၢၢ်လီၤ.”

စံးထီၣ်ပတြၢၤ 95:1

အိဟဲ, မ်ပသးဝံၣ်ထီၣ်ယွၤတက့ၢ်. မ်ပကိးထီၣ်လၢတၢ်သးခုဆူပကစၢ်ယွၤလၢအမ့ၢ် တၢ်အုၣ်က့ၤခီၣ်က့ၤအလၢၢ်တက့ၢ်.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.