စံးထီၣ်ပတြၢၤ 140:5 - Sgaw Karen Common Bible

⁵ ပှၤလၢအပာ်ထီၣ်ထီအသးတဖၣ် ပာ်လီၤပျံၤသကွီၤခူသူၣ်လၢယဂီၢ်, ဒီးဒါလီၤပှာ်ဧိၤစၤဧိၤလၢကျဲလိၤ, အဝဲသ့ၣ်ဆဲထီၣ်ထုလၢယဂီၢ်လီၤ. စ့လၤ

စံးထီၣ်ပတြၢၤ 140:5 Iomraidhean Croise

လံာ်စီၤယိၤဘး 18:9

ပျံၤသကွီၤန့ၣ်မၤန့ၢ်အခီၣ်နၢၣ်ခံဒီးဟံးဃာ်အီၤန့ၣ်လီၤ.

စံးထီၣ်ပတြၢၤ 119:110

ပှၤတတီတလိၤပာ်ပျံၤသကွီၤလၢယဂီၢ်လီၤ. ဘၣ်ဆၣ်ဒီးယတဟးဖျိးကွံာ်လၢ နတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 119:69

ပှၤပာ်အသးထီၣ်ထီတဖၣ်န့ၣ်, ကူၣ်ထီၣ်ဖးလီၤတၢ်ကတိၤကဘျံးကဘျၣ် ထီဒါယၤလီၤ. ဘၣ်ဆၣ် ယစူၢ်နတၢ်သိၣ်တၢ် သီတဖၣ်လၢယသးဒီဖျၢၣ်ညါလီၤ.

စံးထီၣ်ပတြၢၤ 119:85

ပှၤပာ်ထီၣ်ထီအသးတဖၣ် ခူၣ်လီၤတၢ်ပူၤလၢယဂီၢ်လီၤ. အဝဲသ့ၣ်မ့ၢ်ပှၤလၢတဒိကနၣ် ယွၤအတၢ်သိၣ်တၢ်သီဘၣ်န့ၣ်လီၤ.

စံးထီၣ်ပတြၢၤ 142:3

တုၤယသးလီၤဘှံးလီၤဘျါဒီးသးဟးဂီၤန့ၣ်, အဝဲသ့ၣ်ညါယကဘၣ်မၤတၢ်မနုၤလဲၣ်န့ၣ်လီၤ. လၢကျဲလၢယပိာ်အီၤအပူၤန့ၣ်, ယဒုၣ်ယဒါတဖၣ် ပာ်လီၤခူသူၣ်ထုလၢယဂီၢ်လီၤ.

စံးထီၣ်ပတြၢၤ 31:4

ထုးထီၣ်ကွံာ်ယၤလၢပှာ်လၢ အဘၣ်တၢ်ပာ်လီၤခူသူၣ်လၢယဂီၢ်တက့ၢ်. အဂ့ၢ်ဒ်အံၤ, နမ့ၢ်ယတၢ်ပူၤဖျဲးအလီၢ်လီၤ.

စံးထီၣ်ပတြၢၤ 35:7

အဂ့ၢ်ဒ်အံၤ, လၢတၢ်ဂ့ၢ်တအိၣ်ဘၣ်နီတမံၤအပူၤန့ၣ်အဝဲသ့ၣ်ပာ်လီၤခူသူၣ် ပျံၤသကွီၤလၢယဂီၢ်, ဒီးခူၣ်တၢ်ပူၤယိာ်လၢယဂီၢ်လီၤ.

စံးထီၣ်ပတြၢၤ 36:11

တဘၣ်ပျဲပှၤပာ်ထီၣ်ထီအသးထီဒါယၤ, မ့တမ့ၢ်ပျဲပှၤတတီတလိၤဒုးဃ့ၢ်ကွံာ်ယၤန့ၣ်တဂ့ၤ.

စံးထီၣ်ပတြၢၤ 43:1

ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်, ဒီးဒီဒၣ်ယတၢ်ဂ့ၢ်တၢ်ကျိၤထီဒါ ပှၤတယူးတယီၣ်ယွၤန့ၣ်တက့ၢ်. မၤပူၤဖျဲးယၤလၢပှၤလီတၢ်ဒီး ပှၤအၢပှၤသီန့ၣ်တက့ၢ်.

စံးထီၣ်ပတြၢၤ 57:6

ယဒုၣ်ယဒါသ့ၣ်တဖၣ်ရၤလီၤအပှာ် ဧိၤစၤဧိၤလၢကဖီၣ်န့ၢ်ယၤအဂီၢ်လီၤ. ယဘၣ်တၢ်မၤနၢၤယၤလၢတၢ်ကိၢ်တၢ်ဂီၤန့ၣ်လီၤ. အဝဲသ့ၣ်ခူၣ်လီၤတၢ်ပူၤလၢယကျဲ, ဘၣ်ဆၣ်အကစၢ်ဒၣ်ဝဲလီၤတဲာ်လၢတၢ်ပူၤန့ၣ်လီၤ. စ့လၤ

တၢ်ကတိၤဒိ. 24:15

လီၤဂာ်ဒီးပှၤတတီတလိၤလၢအကူၣ်ထီၣ်တၢ်လၢကဂုာ်န့ၢ်ပှၤတီ ပှၤလိၤအတၢ်, မ့တမ့ၢ်, ကဟံးန့ၢ်ကွံာ်အဟံၣ်န့ၣ်တဂ့ၤ.

တၢ်ကတိၤဒိ. 29:5

နမ့ၢ်ကတိၤပတြၢၤမုာ်နၢ်နတံၤသကိးတဖၣ်ဒီး, နဆဲထီၣ်ထုတခါလၢနဂီၢ်ဒၣ်နဲလီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 18:20

တၢ်အဂ့ၤန့ၣ်ကြၢးတၢ်ဟ့ၣ်ဆၢက့ၤလၢတၢ်အၢန့ၣ်ဧါ. အန့ၣ်ဒၣ်လဲာ်အ ဝဲသ့ၣ်ခူၣ်တ့ၢ်တၢ်ပူၤတပူၤလၢယကလီၤတဲာ်နုာ်အဂီၢ်လီၤ. သ့ၣ်နီၣ်ထီၣ်က့ၤလၢယဟဲဆူနအိၣ်ဒီးကတိၤတၢ်လၢ အဝဲသ့ၣ်အခၢၣ်စးဒ်လဲၣ်, ဒ်သိးဒီးနသုတမၤအဝဲ သ့ၣ်လၢတၢ်သူၣ်ဒိၣ်သးဖျိးအပူၤတဂ့ၤအဂီၢ်န့ၣ်တက့ၢ်.

လံာ်ယံးရမံယၤ 18:22

ဆှၢလီၤပှၤမၤတၢထီၣ်တၢလီၤတၢ်တဖုလၢကဂုာ်ဆူၣ်ပျီဆူၣ် အဟံၣ်အဃီတဖၣ်လၢတၢ်ကဟ့ၣ်ပလီၢ်ဆိအပူၤတက့ၢ်. မ်အဝဲသ့ၣ် ဟီၣ်ကိးပသူထီၣ်လၢတၢ်ပျံၤတၢ်ဖုးအပူၤန့ၣ်တက့ၢ်. အဝဲသ့ၣ်ခူၣ်တ့ၢ် တၢ်ပူၤတပူၤလၢယကလီၤတဲာ်နုာ်အဂီၢ်ဒီးပာ်လီၤတ့ၢ်ထုတဖၣ် လၢကဖီၣ်န့ၢ်ယၤအဂီၢ်လီၤ.