စံးထီၣ်ပတြၢၤ 140:3 - Sgaw Karen Common Bible

³ အပျ့ၤသ့ၣ်တဖၣ်လီၤဂာ်ဒ်ဂုၢ်လၢအဖျးသံတၢ်, ဒီးအတၢ်ကတိၤတဖၣ်လီၤဂာ်ဒ် ဂုၢ်သီအစုၣ်အသိးန့ၣ်လီၤ. စ့လၤ

စံးထီၣ်ပတြၢၤ 140:3 Iomraidhean Croise

လံာ်တၢ်ကဲထီၣ်အခီၣ်ထံး 3:13

ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.” ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

စံးထီၣ်ပတြၢၤ 58:4

အဝဲသ့ၣ်အစုၣ်လီၤဂာ်ဒ် ဂုၢ်သ့ၣ်တဖၣ်လၢအအိၣ်ဒီးအစုၣ် မၤအသးလီၤဂာ်ဒီးဂုၢ်သီ လၢအနၢ်တအၢ, ဆွံတံာ်အနၢ်ပူၤ,

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 23:32

လၢခံတဂီၤန့ၣ်, နကမၤနသးဒ်ပှၤတဂၤလၢဂုၢ်တဘိလၢအအိၣ်ဒီး အစုၣ်အ့ၣ်ဘၣ်အီၤအသိးန့ၣ်လီၤ.

တၢ်ကတိၤဒိ. 6:14

ကူၣ်တၢ်အၢတထံၣ်ဃီလၢသးလၢအတမ့ၢ်တတီအပူၤ, ဒီးထိၣ်ဂဲၤထီၣ်တၢ်ကီတၢ်ခဲသကုၤဆးဒးလီၤ.

လံာ်ယၡါယၤ 59:13

ပပူထီၣ်တ့ၢ်တၢ်ထီဒါနၤ, ပညိကွံာ်တ့ၢ်နၤ, ဒီးဂ့ၢ်လိာ်တ့ၢ်လၢ ပကပိာ်နခံအဂီၢ်လီၤ. ပမၤအၢမၤနးတ့ၢ်ပှၤဂၤတဖၣ်ဒီးဃၣ်ဒူ ချၢတ့ၢ်ပသးလၢနၤလီၤ. ပတၢ်ဆိကမိၣ်တဖၣ်ကမၣ်ဝဲ, ဒီးပတၢ်ကတိၤတဖၣ်အိၣ်ထဲတၢ်လီတၢ်ဝ့ၤလီၤ.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်ယံးရမံယၤ 9:5

အဝဲသ့ၣ်ခဲလၢာ်ဆှၢကမၣ်အတံၤသကိးတဖၣ် ဒီးပှၤတတဲတၢ်မ့ၢ်တၢ်တီနီတဂၤဘၣ်. အဝဲသ့ၣ်သိၣ်လိအပျ့ၤတဖၣ်လၢကကတိၤလီတၢ်, ဒီးတပျဲစုပျၢ်ခီၣ်ဘၣ်လၢအဝဲသ့ၣ်အတၢ်မၤတၢ်ဒဲးဘး တဖၣ်န့ၣ်ဘၣ်.

လံာ်သးသယုၢ်တၢ် 3:62

အဝဲသ့ၣ်စံးကတိၤတၢ်လၢယဂ့ၢ်သ့တနံၤကျၢၤဒီးမၤထီၣ်အတၢ်ကူၣ် တၢ်တိာ်တဖၣ်လီၤ.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.