စံးထီၣ်ပတြၢၤ 140:2 - Sgaw Karen Common Bible

² အဝဲသ့ၣ်တဖၣ်န့ၣ်ကူၣ်ထီၣ်တၢ်အၢတၢ်သီလၢ အသးကံၢ်ပူၤ ဒီးထိၣ်ဟူးထိၣ်ဂဲၤ တၢ်အ့ၣ်လိာ်ဆိးက့လိာ်တဖၣ်တဘိယူၢ်ဃီန့ၣ်လီၤ.

စံးထီၣ်ပတြၢၤ 140:2 Iomraidhean Croise

စံးထီၣ်ပတြၢၤ 120:7

ဖဲယကတိၤတၢ်ဃူတၢ်ဖိးအဂ့ၢ်န့ၣ် အဝဲသ့ၣ်တဖၣ် အဲၣ်ဒိးတၢ်ဒုးတၢ်ယၤလီၤ.

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

စံးထီၣ်ပတြၢၤ 38:12

ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

စံးထီၣ်ပတြၢၤ 56:6

အဝဲသ့ၣ်အိၣ်ဖှိၣ်ရိဖှိၣ်တပူၤဃီ, လၢတၢ်ခူသူၣ်, ဒီးကွၢ်ယခီၣ်ခါတဖၣ် ဒ်အဝဲသ့ၣ်ခိးကွၢ်တ့ၢ်ယသးသမူအသိးန့ၣ်လီၤ.

စံးထီၣ်ပတြၢၤ 59:3

အဂ့ၢ်ဒ်အံၤ, ကွၢ်ကွၢ်, အဝဲသ့ၣ်ခိးခူသူၣ်ယၤလၢ ယသးသမူအဂီၢ်လီၤ. ဒုၣ်ဒါလၢအဆူၣ်တဖၣ်အိၣ်ဖှိၣ်ထီဒါယၤ, ယွၤဧၢ, တမ့ၢ်ဘၣ်လၢယမၤကမၣ်တၢ်အဃိ မ့တမ့ၢ်ယတၢ်ဒဲးဘးအဃိန့ၣ်ဘၣ်.

စံးထီၣ်ပတြၢၤ 62:3

သုဝဲခဲလၢာ်မ့ၢ်သုကထီဒါပှၤတဂၤ လၢအတဆူၣ်န့ၢ်ဒံးကရၢၢ်လၢအလီၤပှီၢ်ဘၣ်န့ၣ်ဆံးယံာ်လဲၣ်.

တၢ်ကတိၤဒိ. 12:20

တၢ်လီတၢ်ဝ့ၤအိၣ်ဝဲလၢပှၤလၢအကူၣ်အၢတၢ်တဖၣ်အသးပူၤလီၤ. မ့မ့ၢ်ပှၤလၢအမၤတၢ်လၢတၢ်ဂ့ၤအဂီၢ်တဖၣ်န့ၣ်ကထံၣ်န့ၢ်တၢ်သးခုလီၤ.

လံာ်ဟိၤၡ့ 7:6

မ့ၢ်လီၤ. အဝဲသ့ၣ်မၤကိၢ်ဃၢၣ်တၢ်ဒီးအတၢ်ကူၣ်လီၤဂာ်ဒ်ဖၣ်ကပူၤ အသိးန့ၣ်လီၤ. သီတနၤကျၢၤန့ၣ်အဝဲသ့ၣ်အတၢ်သးထီၣ်ကဲၤသဝံထီၣ်ဝဲ ဒီးလၢမုၢ်ဂီၤန့ၣ်ကဲၤကပျီၤထီၣ်ဝဲဒီးမ့ၣ်အူလၣ်တဖၣ်န့ၣ်လီၤ.

လံာ်နၤဃူၣ် 1:11

ဝ့ၢ်နံၤနဝ့ဧၢ, လၢနပူၤန့ၣ်ပှၤတဂၤလၢအပှဲၤဒီးတၢ်ကူၣ်ထီၣ်ဖးလီၤကျဲ အၢကျဲသီဒီးကူၣ်ထီၣ်ထီဒါယွၤန့ၣ်ဟဲထီၣ်ဝဲဒၣ်လီၤ.