စံးထီၣ်ပတြၢၤ 14:5 - Sgaw Karen Common Bible

⁵ ဘၣ်ဆၣ်အဝဲသ့ၣ်ကအိၣ်လၢတၢ်ပျံၤတၢ်ဖုးဖးဒိၣ်အပူၤ, အဂ့ၢ်မ့ၢ်လၢကစၢ်ယွၤအိၣ်ဒီး ပှၤတီပှၤလိၤသ့ၣ်တဖၣ်အဃိန့ၣ်လီၤ.

စံးထီၣ်ပတြၢၤ 14:5 Iomraidhean Croise

လံာ်နီၢ်အ့ၤစတၢ် 8:7

တုၤနုၤတစု, စီၤပၤအဃၤၡဝ့ရိၣ်စံးဘၣ်နီၢ်ပၤမုၣ်အ့ၤစတၢ်ဒီးပှၤယူဒၤဖိ စီၤမၢ်ဒကဲၤ, “ကွၢ်, ယဘျးထီၣ်တ့ၢ်လံစီၤဟၤမၣ်လၢအတၢ်ကူၣ် အၢခူသူၣ်ထီဒါပှၤယူဒၤဖိတဖၣ်အဃိ, ဒီးယဟ့ၣ်လီၤတ့ၢ်လံအတၢ်စုလီၢ်ခီၣ်ခိၣ်ဆူနီၢ်အ့ၤ စတၢ်လံန့ၣ်တက့ၢ်.

စံးထီၣ်ပတြၢၤ 112:2

အစၢၤအသွဲၣ်တဖၣ်ကဆူၣ်ထီၣ်လၢ ထံဧိၤကီၢ်ဧိၤအပူၤ, ပှၤအတီအလိၤတစိၤန့ၣ်ကဘၣ်တၢ်ဆိၣ်ဂ့ၤလီၤ.

စံးထီၣ်ပတြၢၤ 22:30

ပှၤလၢစိၤလၢအကဟဲသ့ၣ်တဖၣ်ကမၤအတၢ်, ပှၤကစံးဘၣ်တဲဘၣ်ပှၤလၢခံတစိၤ လၢယွၤအဂ့ၢ်န့ၣ်လီၤ.

စံးထီၣ်ပတြၢၤ 24:6

ပှၤဒ်သိးအံၤတဖၣ်မ့ၢ်ပှၤလၢအဟဲဆူကစၢ်ယွၤအအိၣ်, မ့ၢ်ပှၤလၢအဟဲဆူ စီၤယၤကိာ်အကစၢ်ယွၤအမဲာ်ညါန့ၣ်လီၤ. စ့လၤ

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 53:5

ဘၣ်ဆၣ်အဝဲသ့ၣ်အိၣ်လၢတၢ်ပျံၤဖးဒိၣ် လၢအတမၤအသးဒ်အံၤနီတဘျီဘၣ်အပူၤန့ၣ်လီၤ. အဂ့ၢ်ဒ်အံၤ, ကစၢ်ယွၤကမၤလီၤပြံလီၤပြါ အပှၤဂီၢ်မုၢ်အဒုၣ်အဒါတဖၣ်အဃံအကွဲလီၤ. အဝဲသ့ၣ်တဖၣ်ကဘၣ်တၢ်မၤမဲာ်ဆှးအီၤအဂ့ၢ်မ့ၢ်လၢ ကစၢ်ယွၤညိကွံာ်တ့ၢ်လံအဝဲသ့ၣ်အဃိန့ၣ်လီၤ.

စံးထီၣ်ပတြၢၤ 73:15

ယမ့ၢ်စံၤတ့ၢ်တၢ်ဒ်န့ၣ်အသိးဒီး ယကမ့ၢ်ပှၤတဂၤလၢ အတမၤတၢ် ဒ် နပှၤဂီၢ်မုၢ်အသိးဘၣ်လီၤ.

လံာ်တၢ်ဟးထီၣ်ကွံာ် 15:16

တၢ်ပျံၤတၢ်ဖုးနးနးကလဲာ်လီၤဘၣ်လၢအဝဲသ့ၣ် အလိၤလီၤ. အဝဲသ့ၣ်ထံၣ်ဘၣ်နဂံၢ်နဘါ, ယွၤဧၢ. ဒီးဆၢထၢၣ်လၢတၢ်မၤနၢၤတအိၣ်ဘၣ်အပူၤဃုာ်ဒီးတၢ်ပျံၤတၢ်ဖုး တုၤနပှၤဂီၢ်မုၢ်လဲၤထီၣ်ပူၤကွံာ်ဝဲတစု, နပှၤဂီၢ်မုၢ်လၢနမၤထူၣ်ဖျဲးထီၣ်အီၤလၢကုၢ်အလီၢ်န့ၣ်လီၤ.

တၢ်ကတိၤဒိ. 28:1

ပှၤတတီတလိၤဃ့ၢ်ဝဲဖဲပှၤတလူၤအဝဲသ့ၣ်နီတဂၤဘၣ်အခါန့ၣ်လီၤ. မ့မ့ၢ်ပှၤတီပှၤလိၤတဂၤန့ၣ်ဒူဝဲဒ်ခ့ယုၢ်တဒုအသိးန့ၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:15

ကယဲၢ်ပှၤဖလ့ၡသးဖိအိၣ်လၢဝ့ၢ်အဃၢၤန့ၣ်ပျံၤတၢ်ဖုးတၢ်နးနးကလဲာ်လီၤ. ပှၤဂုာ်ဆူၣ်တၢ်တဖၣ်ဒီးပှၤသုးဖိတဖၣ်လၢသူၣ်ဒဲအလီၢ်န့ၣ် ကနိးကစုာ်လၢတၢ်ပျံၤတၢ်ဖုးအပူၤလီၤ. ဟီၣ်ခိၣ်ဟူးဝဲဒီးတၢ်ပျံၤတၢ်ဖုးဖးဒိၣ်အိၣ်ထီၣ်ဝဲလီၤ.