စံးထီၣ်ပတြၢၤ 14:3 - Sgaw Karen Common Bible

³ ဘၣ်ဆၣ်အဝဲသ့ၣ်လဲၤကမၣ်တ့ၢ်လံခဲလၢာ်လံ. အဝဲသ့ၣ်ခဲလၢာ်ဟးဂီၤဝဲဒ်သိးသိးလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်. ထဲတဂၤဧိၤဒၣ်လဲာ်တအိၣ်ဘၣ်.

စံးထီၣ်ပတြၢၤ 14:3 Iomraidhean Croise

လံာ်တၢ်ကဲထီၣ်အခီၣ်ထံး 6:12

ကစၢ်ယွၤကွၢ်လီၤဟီၣ်ခိၣ်ဒီးထံၣ်ဝဲဒၣ်လၢမ့ၢ်အအၢအသီလီၤ. အဂ့ၢ်ဒ်အံၤ, ပှၤဂီၢ်မုၢ်ခဲလၢာ်အိၣ်မူလၢတၢ်အိၣ်မူအအၢ အသီတဖၣ်အပူၤန့ၣ်လီၤ.

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

လံာ်စီၤယိၤဘး 15:16

ဒီးပှၤကညီအီဝဲတၢ်အၢဒ်အမ့ၢ်တ့ၢ်ထံအသိး, မ့ၢ်မးပှၤကညီ ဟးဂီၤဝဲဒီးတဂီာ်တသီၣ်ဘၣ်တၢ်ဘၣ်.

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 14:1

ပှၤဟးဂီၤဖိစံးလၢအသးကံၢ်ပူၤ, “ကစၢ်ယွၤတအိၣ်ဘၣ်.” အဝဲသ့ၣ်ခဲလၢာ်ဟးဂီၤဝဲ ဒီးမၤတၢ်လၢအလီၤသးဘၣ်အၢလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်.

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

စံးထီၣ်ပတြၢၤ 38:5

ယပူၤလီၢ်တဖၣ်နၢအုၣ်ဒီးဒၢဖံဝဲလၢ ယတၢ်တသ့ၣ်ညါယွၤအဃိန့ၣ်လီၤ.

စံးထီၣ်ပတြၢၤ 58:3

ပှၤတတီတလိၤလဲၤကမၣ်တၢ်လၢအမိၢ်ဒၢလီၢ်အပူၤ, အဝဲသ့ၣ်မၤကမၣ်တၢ်ဒီးကတိၤကဘျံးကဘျၣ် တၢ်လၢအအိၣ်ဖျဲၣ်လံၤလံၤန့ၣ်လီၤ.

လံာ်တၢ်ဟးထီၣ်ကွံာ် 12:30

လၢမုၢ်နၤအဝဲန့ၣ်, စီၤပၤ, အဝဲအခ့အပှၤတဖၣ်ဒီးကယဲၢ်ပှၤအဲၤကူပတူးဖိခဲလၢာ်ဖုးပၢၢ်ထီၣ်ဝဲဒၣ်လီၤ. ဒီးတၢ်ဟီၣ်ကိးပသူဖးဒိၣ်အိၣ်ထီၣ်ဝဲဒၣ်လၢကီၢ်အဲၤကူပတူး ဒီဘ့ၣ်ညါအပူၤမ့ၢ်လၢဖိဝဲၢ်ကိတဖၣ်သံဝဲဒၣ်လၢဟံၣ်ကိးဖျၢၣ် ဒဲးအပူၤအဃိန့ၣ်လီၤ.

လံာ်တၢ်ဟးထီၣ်ကွံာ် 8:31

ဒီးယွၤမၤဝဲဒ်စီၤမိၤၡ့ဃ့ဝဲအသိးလီၤ. သၣ်ဘုလါတဖၣ်ဟးထီၣ်ကွံာ်လၢစီၤပၤအလိၤ, အပဒိၣ်ပပှၢ်တဖၣ်ဒီးအပှၤဂီၢ်မုၢ်အလိၤ, ဒီးတအိၣ်လီၤတဲာ်ဘၣ်နီတဘ့ၣ်ဘၣ်.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ပှၤစံၣ်တဲၤတဲလီၤတၢ် 7:29

တၢ်အံၤမ့ၢ်တၢ်လၢယမၤလိန့ၢ်တ့ၢ်ခဲလၢာ်လီၤ. ယွၤတ့လီၤပှၤကညီလိၤလိၤဒီးဘျၢဘျၢလီၤ. ဘၣ်ဆၣ်ဒီးပမၤဒၢက့ၣ်ဒၢကူလီၤပသးနးမးလီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 64:6

ပဝဲခဲလၢာ်အံၤပပှဲၤတ့ၢ်ဒီးတၢ်ဒဲးဘးတုၤပတၢ်မၤအဂ့ၤကတၢၢ် တဖၣ်ဒၣ်လဲာ်ဘၣ်အၢဘၣ်သီဝဲလၢာ်လၢာ်ဆ့ဆ့လီၤ. လၢပတၢ်ဒဲးဘးတဖၣ်အဃိပလီၤဂာ်ဒ်သ့ၣ်လၣ်တဖၣ်လၢအလီၤ ညွံးကွံာ်ဝဲဒီးဘၣ်တၢ်အူဒံကွံာ်အီၤလၢကလံၤအသိးန့ၣ်လီၤ.

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

ရိမ့ၤ 3:23

ပှၤဟီၣ်ခိၣ်ဖိခဲလၢာ်မၤတၢ်ဒဲးဘးဒီးတချုးန့ၢ်ထီၣ်ဘးကစၢ်ယွၤ အလၤကပီၤဘၣ်.

1 ကရံၣ်သူး 6:5

သုကြၢးမဲာ်ဆှးမးလီၤ. သပှၢ်ကတၢၢ်, လၢသုကျါန့ၣ်ပှၤကူၣ်ဘၣ်ကူၣ်သ့ကအိၣ်အစှၤ ကတၢၢ်တဂၤလၢအကစံၣ်ညီၣ်တၢ်ဂ့ၢ်လိာ်ဘှီလိာ် လၢခရံာ်ဖိသကိးခရံာ်ဖိအဘၢၣ်စၢၤကစီဒီလီၤသၢၣ်.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.

လံာ်သိၣ်လီၤသီလီၤတၢ် 1:35

လၢပှၤအၢပှၤသီတစိၤအံၤအကျါန့ၣ်, ပှၤတနုာ်လီၤဘၣ်နီ တဂၤဆူကီၢ်လၢအပှဲၤဒီးဟီၣ်ခိၣ်ညၣ်ထ့ၣ်လၢယအၢၣ်လီၤတ့ၢ်လၢ ယကဟ့ၣ်သုမိၢ်ပၢ်ဖံဖုလၢပျၢၤန့ၣ်ဘၣ်.