စံးထီၣ်ပတြၢၤ 14:1 - Sgaw Karen Common Bible

¹ ပှၤဟးဂီၤဖိစံးလၢအသးကံၢ်ပူၤ, “ကစၢ်ယွၤတအိၣ်ဘၣ်.” အဝဲသ့ၣ်ခဲလၢာ်ဟးဂီၤဝဲ ဒီးမၤတၢ်လၢအလီၤသးဘၣ်အၢလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်.

စံးထီၣ်ပတြၢၤ 14:1 Iomraidhean Croise

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

လံာ်စီၤယိၤဘး 15:16

ဒီးပှၤကညီအီဝဲတၢ်အၢဒ်အမ့ၢ်တ့ၢ်ထံအသိး, မ့ၢ်မးပှၤကညီ ဟးဂီၤဝဲဒီးတဂီာ်တသီၣ်ဘၣ်တၢ်ဘၣ်.

လံာ်စီၤယိၤဘး 22:13

အန့ၣ်ဒၣ်လဲာ်နသံကွၢ်, ကစၢ်ယွၤသ့ၣ်ညါတၢ်မနုၤန့ၣ်လဲၣ်. တၢ်အၢၣ်ခံးသူအိၣ်တဒၢအီၤဒီးကစံၣ်ညီၣ်ပှၤဒၣ်လဲၣ်ကသ့ဧါ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 107:17

ပှၤတနီၤမ့ၢ်ပှၤဟးဂီၤဖိလၢအတူၢ်ဘၣ်တၢ် မ့ၢ်လၢတၢ်ဒဲးဘးအဃိ, ဒီးမ့ၢ်လၢအတၢ်အၢတၢ်သီအဃိန့ၣ်လီၤ.,

စံးထီၣ်ပတြၢၤ 53:1

ပှၤဟးဂီၤဖိစံးလၢအသးကံၢ်ပူၤ “ကစၢ်ယွၤတအိၣ်ဘၣ်န့ၣ်လီၤ.” အဝဲသ့ၣ်ခဲလၢာ်ဟးဂီၤဝဲ ဒီးမၤတ့ၢ်တၢ်လီၤပျံၤတဖၣ်ဒီး ပှၤလၢအမၤတၢ်လၢအဘၣ်န့ၣ်တအိၣ်နီတဂၤဘၣ်.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

စံးထီၣ်ပတြၢၤ 92:6

ပှၤလၢအတၢ်သ့ၣ်ညါတအိၣ်, သ့ၣ်ညါတၢ်အံၤတသ့ဘၣ်. ဒီးပှၤဟးဂီၤဖိ, နၢ်ပၢၢ်တၢ်အံၤတသ့ဘၣ်.

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 13:19

တၢ်ဒိးန့ၢ်ဘၣ်တၢ်လၢနဆၢန့ၢ်ဘၣ်အီၤန့ၣ်ဂ့ၤဆံးဒိၣ်လဲၣ်. ပှၤဟးဂီၤဖိဂ့ၢ်လိာ်လၢကဃၣ်ကွံာ်အသးယံၤဒီးတၢ်အၢလီၤ.

တၢ်ကတိၤဒိ. 27:22

နမ့ၢ်ဒိတီၢ်ပှၤအမၢးတဂၤတုၤအသံတယူာ်ဘၣ်အသးဒၣ်လဲာ်န့ၣ်, နဒိတီၢ်ထုးထီၣ်ကွံာ်အတၢ်မၢးလၢအပူၤတန့ၢ်ဒံးဘၣ်.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယံးရမံယၤ 5:12

ယွၤအပှၤဂီၢ်မုၢ်သမၢကွံာ်အီၤဒီးစံးဝဲ, “ပတအဲၣ်ဒိးမၤဘၣ် ဃးပသးဒီးအီၤလၢတၢ်နီတမံၤဘၣ်. တမ့ၢ်ပကအိၣ်ဒီးတၢ်ကီတၢ်ခဲအဆၢကတီၢ်ဘၣ်. တမ့ၢ်ပက အိၣ်ဒီးတၢ်ဒုးတၢ်ယၤဒီးတၢ်သၣ်ဝံၤလီၤဒိအကတီၢ်န့ၣ်ဘၣ်.”

လံာ်ယံးရမံယၤ 6:28

အဝဲသ့ၣ်ခဲလၢာ်မ့ၢ်ပှၤပူထီၣ်တၢ်ဖိတဖၣ်အခိၣ်ကိၤဝဲ, ကိၤဝဲဒ်တိၢ်ဘီဒီးထးအသိးန့ၣ်လီၤ. အဝဲသ့ၣ်ခဲလၢာ်ဟးဂီၤ ဝဲ, ဟးဝ့ၤဝီၤဒီးရၤလီၤတၢ်သီၣ်ဝံသဲကလၤန့ၣ်လီၤ.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်လူၤကၣ် 12:20

ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 25:25

ဝံသးစူၤပာ်သူၣ်ပာ်သးဒီးကနၣ်ဃုာ်စီၤနၤဘလးန့ၣ်တဂ့ၤ. အဝဲတဂ့ၤလၢတၢ်နီတမံၤအဂီၢ်ဘၣ်. ဒ်အမံၤအခီပညီလၢအမ့ၢ်တၢ်ပျုၢ်အသိးန့ၣ်အဝဲမ့ၢ်နီၢ်နီၢ်ပှၤ အမၢးတဂၤလီၤ. တၢ်ဒိၣ်ဧၢ, ဖဲနခ့နပှၤတဖၣ်ဟဲတုၤန့ၣ်ယတအိၣ်ဘၣ်ဖဲန့ၣ်ဘၣ်.