စံးထီၣ်ပတြၢၤ 139:17 - Sgaw Karen Common Bible

¹⁷ ကစၢ်ယွၤဧၢ, နတၢ်ဆိကမိၣ်တဖၣ်န့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်ဆံးဒိၣ်လဲၣ်. မ့ၢ်တၢ်လၢအဒိၣ်ဝဲမုၢ်ဝဲနးမးလဲၣ်.

စံးထီၣ်ပတြၢၤ 139:17 Iomraidhean Croise

လံာ်တၢ်ကဲထီၣ်အခီၣ်ထံး 24:63

ဒီးဖဲမုၢ်ဟါလီၤသီသီအကတီၢ်န့ၣ်အဝဲဟးထီၣ်ဒ်သိးကဟးကသုၣ် ကသီလၢစံာ်ပျီပူၤဒီးထံၣ်ဝဲကီၤလၤအူးတဖၣ်ဟဲဝဲန့ၣ်လီၤ.

စံးထီၣ်ပတြၢၤ 31:19

နတၢ်ဂ့ၤလၢနပာ်ဖှိၣ်တ့ၢ်လၢ ပှၤလၢအပျံၤနၤအဂီၢ်, ဒီးလၢနကတဲာ်ကတီၤလၢ ပှၤလၢအသန့ၤအသးလၢနၤအဂီၢ် လၢပှၤကညီဖိအမဲာ်ညါန့ၣ်, မ့ၢ်အဒိၣ်ဆံးဒိၣ်လဲၣ်.

စံးထီၣ်ပတြၢၤ 36:7

ယွၤဧၢ, နတၢ်အဲၣ်ဂၢၢ်ကျၢၤအံၤလုၢ်ဒိၣ်ပှ့ၤဒိၣ်ဆံးဒိၣ်လဲၣ်. ပထံၣ်န့ၢ်တၢ်ကဟုဘံၣ်ကယာ်ဘၢလၢနဒံးဆ့အကဒုအဖီလာ်န့ၣ် လီၤ.

စံးထီၣ်ပတြၢၤ 40:5

ယွၤပကစၢ်ယွၤဧၢ, နမၤတ့ၢ်တၢ်လီၤလးအါမးလၢပဂီၢ်လီၤ. ပှၤဒ်သိးဒီးနၤတအိၣ်နီတဂၤဘၣ်. နအိၣ်ဒီးတၢ်ကူၣ်ထီၣ်ဖးလီၤလၢ အလီၤလးအါမးလၢပဂီၢ်န့ၣ်လီၤ. ယစံးလၢအဂ့ၢ်တလၢာ်နီတဘျီဘၣ်. အါန့ၢ်ယဂံၢ်သ့တက့ၢ်လီၤ.

စံးထီၣ်ပတြၢၤ 40:6

နတသးလီတၢ်လုၢ်တၢ်ပာ်ဒီး တၢ်လုၢ်မၤဘူၣ်တဖၣ်န့ၣ်ဘၣ်. နတဃ့တၢ်လုၢ်မ့ၣ်အူ ဒီးတၢ်လုၢ်တၢ်ဒဲးဘးန့ၣ်ဘၣ်. မ့မ့ၢ်နအိးထီၣ်ယနၢ်လၢ ယကနၢ်ဟူနၤအဂီၢ်န့ၣ်လီၤ.

စံးထီၣ်ပတြၢၤ 92:5

ယွၤဧၢ, နတၢ်မၤတဖၣ်န့ၣ်ဒိၣ်ဆံးဒိၣ်လဲၣ်. နတၢ်ဆိကမိၣ်တဖၣ်န့ၣ်ယိာ်မးလီၤ.

တၢ်ကတိၤဒိ. 8:31

သးခုဃုာ်ဒီးဟီၣ်ခိၣ်ဒီဘ့ၣ်ဒီးသးမုာ်သးခုဒီးပှၤဟီၣ်ခိၣ် ဖိန့ၣ်လီၤ.

လံာ်ယံးရမံယၤ 29:11

ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.