စံးထီၣ်ပတြၢၤ 139:16 - Sgaw Karen Common Bible

¹⁶ နထံၣ်တ့ၢ်ယၤတချုးလၢယအိၣ်ဖျဲၣ်ထီၣ်, မုၢ်နံၤတဖၣ်လၢအဘၣ်တၢ်ပာ်အီၤလၢယဂီၢ်န့ၣ် အိၣ်ကွဲးတ့ၢ်လံအသးလၢနလံာ်ပူၤ, တချုးလၢတၢ်သ့ၣ်တဖၣ် အိၣ်ထီၣ်ဒံးဘၣ်ဒၣ်လဲာ်န့ၣ်လီၤ.

စံးထီၣ်ပတြၢၤ 139:16 Iomraidhean Croise

စံးထီၣ်ပတြၢၤ 56:8

နသ့ၣ်ညါယဘၣ်ကိၢ်ဘၣ်ဂီၤဆံးအါလဲၣ်, နပာ်ကီၤဃာ်ယမဲာ်ထံအတၢ်ကွဲးနီၣ်လီၤ. အိၣ်ကွဲးအသးလၢနလံာ်ပူၤတမ့ၢ်ဘၣ်ဧါ.

လံာ်မၤလကံ 3:16

တုၤနုၤတစု, ပှၤလၢအပျံၤယွၤန့ၣ်စံးလိာ်အသးတဂၤဒီးတဂၤ, ဒီးယွၤဒိကနၣ်, ဒီးနၢ်ဟူတၢ်လၢအဝဲသ့ၣ်စံးဝဲဒၣ်န့ၣ်လီၤ. လၢအဝဲအမဲာ်ညါန့ၣ်, တၢ်ကွဲးနီၣ်အိၣ်ကွဲးလီၤအသးလၢလံာ်တဘ့ၣ် အပူၤဘၣ်ထွဲဒီးပှၤလၢအပျံၤယွၤဒီးယူးယီၣ်ပာ်ကဲအီၤန့ၣ်လီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.