စံးထီၣ်ပတြၢၤ 139:1 - Sgaw Karen Common Bible

¹ ယွၤဧၢ, နဃုကွၢ်ထံယၤဒီးနသ့ၣ်ညါယၤလီၤ.

စံးထီၣ်ပတြၢၤ 139:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:20

ယစံးအါထီၣ်နၤတၢ်မနုၤကသ့ဒံးလဲၣ်. နသ့ၣ်ညါယၤ, နခ့နပှၤအံၤလီၤ.

လံာ်စီၤပၤအခီၣ်ထံးတဘ့ၣ် 8:39

ဒိကနၣ်လၢ်အဝဲသ့ၣ်အတၢ်ထုကဖၣ်န့ၣ်တက့ၢ်. ဒိကနၣ်လၢ်အဝဲသ့ၣ်လၢနဟံၣ်အိၣ်လၢမူခိၣ်, ပျၢ်လၢ်အဝဲသ့ၣ်အတၢ်ကမၣ်, ဒီးမၤစၢၤလၢ်အဝဲသ့ၣ်တက့ၢ်. နမ့ၢ်ပှၤထဲတဂၤဧိၤလၢအသ့ၣ်ညါပှၤကညီအသးအတၢ်ဆိကမိၣ်တဖၣ်န့ၣ် လီၤ. မၤဘၣ်ပှၤတဂၤဘၣ်တဂၤဒ်ကြၢးဝဲဘၣ်ဝဲဒီးအီၤအသိး,

လံာ်စီၤပၤခံဘ့ၣ်တဘ့ၣ် 19:27

ဘၣ်ဆၣ်ဒီးယသ့ၣ်ညါနဂ့ၢ်နကျိၤခဲလၢာ်, နမၤတၢ်မနုၤလဲၣ်ဒီး နလဲၤဖဲလဲၣ်န့ၣ်လီၤ. ယသ့ၣ်ညါနသးကဲၤထီၣ်ထီဒါယၤဒ်လဲၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:18

ယစံးအါထီၣ်နၤတၢ်မနုၤကသ့န့ၣ်လဲၣ်. နသ့ၣ်ညါယၤဂ့ၤဂ့ၤဘၣ်ဘၣ်, ဒီးအန့ၣ်ဒၣ်လဲာ်နမၤလၤမၤကပီၤယၤ, နခ့နပှၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

စံးထီၣ်ပတြၢၤ 139:23

ကစၢ်ယွၤဧၢ, ဃုကွၢ်ယၤ, ဒီးသ့ၣ်ညါယသးတက့ၢ်. မၤကွၢ်ယၤ, ဒီးသ့ၣ်ညါ ယတၢ်ဆိကမိၣ်တဖၣ်န့ၣ်တက့ၢ်.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

စံးထီၣ်ပတြၢၤ 44:21

နကထံၣ်တ့ၢ်လံတၢ်အံၤသပှၢ်တၢၢ်, မ့ၢ်လၢနသ့ၣ်ညါပတၢ်ဆိကမိၣ်ခူသူၣ် သ့ၣ်တဖၣ်အဃိန့ၣ်လီၤ.

လံာ်ယံးရမံယၤ 12:3

ဘၣ်ဆၣ်ဒီးယွၤဧၢ, နသ့ၣ်ညါယၤလီၤ. နထံၣ်တၢ်လၢယမၤ ဒီးယအဲၣ်နၤဒ်လဲၣ်န့ၣ်လီၤ. တွံၢ်ယံၤကွံာ်ပှၤအၢပှၤသီတဖၣ်အံၤ ဒ်သိလၢအဘၣ်တၢ်မၤသံအီၤအသိး ဒီးပၢၤဃာ်အီၤတုၤအကတီၢ် ဘၣ်ဝဲလၢတၢ်ကမၤသံအီၤအဂီၢ်န့ၣ်တက့ၢ်.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

လံာ်လီၣ်ဖျါ 2:18

ဆူဝ့ၢ်သူၤအတံရၤတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ “အဝဲအံၤမ့ၢ်တၢ်ကစီၣ်ဟဲလၢကစၢ်ယွၤအဖိခွါ, လၢအမဲာ်ချံတဖၣ်ကဲၤကပီၤဝဲဒ်မ့ၣ်အူအသိး, လၢအခီၣ်လၣ်တဖၣ်ကပြုၢ်ကပြီၤဝဲဒ်တိၢ်ဘီလၢအဘၣ် တၢ်ထူးဘျ့ကတြ့ၣ်အီၤအသိးအအိၣ်န့ၣ်လီၤ.

လံာ်လီၣ်ဖျါ 2:23

ယကမၤသံစ့ၢ်ကီးအဝဲဒၣ်အပျဲၢ်အဘီၣ်တဖၣ်, ဒီးတုၤနုၤတစု, တၢ်အိၣ်ဖှိၣ်ကိးဖုဒဲးကသ့ၣ်ညါလၢယမ့ၢ်ပှၤတဂၤလၢအသ့ၣ် ညါပှၤကိးဂၤဒဲးအတၢ်ဆိကမိၣ်ဆိကမးဒီးအတၢ်ဆၢမိၣ်န့ၢ် သးလီတဖၣ်န့ၣ်လီၤ. ယကဟ့ၣ်ကၣ်သုဝဲတဂၤဘၣ်တဂၤ, ဒ်တၢ်ဖံးတၢ်မၤလၢအမၤဝဲအသိးန့ၣ်လီၤ.