စံးထီၣ်ပတြၢၤ 138:7 - Sgaw Karen Common Bible

⁷ တုၤယလဲၤလၢတၢ်နးတၢ်ဖှီၣ်အပူၤန့ၣ်ဒီး, နပာ်ကီၤယသးသမူ, နယူာ်ထီၣ်နစုထီဒါယဒုၣ်ယဒါအတၢ်သးထီၣ် ဒီးနစုထွဲမၤပူၤဖျဲးယၤလီၤ.

စံးထီၣ်ပတြၢၤ 138:7 Iomraidhean Croise

လံာ်စီၤယိၤဘး 13:15

ကယဲၢ်ယတၢ်မုၢ်လၢ်ခဲလၢာ်န့ၣ်လီၤမၢ်ကွံာ်, ကစၢ်ယွၤမ့ၢ် မၤသံယၤဒီးကဘၣ်တၢ်မနုၤလဲၣ်. ယကပာ်ဖျါထီၣ်ယတၢ်ဂ့ၢ် လၢအီၤလီၤ.

စံးထီၣ်ပတြၢၤ 17:7

ပာ်ဖျါထီၣ်နတၢ်အဲၣ်လီၤလးဒီးမၤပူၤမၤဖျဲးယၤတက့ၢ်. တၢ်ပူၤဖျဲးဒီးဒုၣ်ဒါ, အိၣ်ဝဲလၢနစုထွဲန့ၣ်လီၤ.

စံးထီၣ်ပတြၢၤ 18:17

အဝဲမၤပူၤဖျဲးယၤလၢယဒုၣ်ယဒါလၢအဆူၣ်တဖၣ်, ဒီးပှၤလၢအသးဟ့ယၤခဲလၢာ်အစုပူၤ, အဂ့ၢ်မ့ၢ်လၢအဝဲသ့ၣ်မ့ၢ် ပှၤဆူၣ်ကဲၣ်ဆိးလၢယဂီၢ်အဃိန့ၣ်လီၤ.

စံးထီၣ်ပတြၢၤ 18:18

ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ထီဒါယၤလီၤ. ဘၣ်ဆၣ်ယွၤမ့ၢ်ယတၢ်သန့ၤယသးအလီၢ်လီၤ.

စံးထီၣ်ပတြၢၤ 18:35

ယွၤဧၢ, နဟ့ၣ်ယၤလၢနတၢ်အုၣ်က့ၤခီၣ်က့ၤအကတီၤ, နစုထွဲဒုးအိၣ်ဂၢၢ်ဆိးကျၢၤယၤ, ဒီးနတၢ်မၤစၢၤဒုးမ့ၢ်ယၤလၢပှၤအဒိၣ်လီၤ.

စံးထီၣ်ပတြၢၤ 20:6

ဒီးခဲအံၤယသ့ၣ်ညါလၢယွၤဟ့ၣ်လီၤတၢ်မၤနၢၤ လၢအပှၤဒိးဖှူအသး, စံးဆၢအီၤလၢအမူခိၣ်စီဆှံ ဒီးဟ့ၣ်အီၤ တၢ်မၤနၢၤဖးဒိၣ်တဖၣ်လၢအစုထွဲန့ၣ်လီၤ.

စံးထီၣ်ပတြၢၤ 44:3

တမ့ၢ်လၢအနးဒၣ်ဝဲအဃိဒီးအဝဲသ့ၣ်မၤန့ၢ်ထံကီၢ်, တမ့ၢ်လၢအစုဒုၣ်စုတီၤဟ့ၣ်အီၤတၢ်မၤနၢၤန့ၣ်ဘၣ်. မ့ၢ်ဒၣ်လၢနစုထွဲဒီးနစုဒုၣ်စုတီၤ, ဒီးနမဲာ်အတၢ်ကပီၤအဃိန့ၣ်လီၤ. အဂ့ၢ်ဒ်အံၤနဘၣ်သူၣ်ဘၣ်သးလၢအဝဲသ့ၣ်န့ၣ်လီၤ.

စံးထီၣ်ပတြၢၤ 56:9

မုၢ်တနံၤလၢယကိးထီၣ်နၤန့ၣ်, ယဒုၣ်ယဒါသ့ၣ်တဖၣ်ကဃၣ်ကဒါက့ၤအသး ဆူလီၢ်ခံန့ၣ်လီၤ. တၢ်အံၤယသ့ၣ်ညါလၢကစၢ်ယွၤအိၣ်ဒီးယၤ,

စံးထီၣ်ပတြၢၤ 60:5

ဒ်သိးပှၤလၢနအဲၣ်အီၤတဖၣ်ကပူၤဖျဲးအဂီၢ်န့ၣ်, ဟ့ၣ်တၢ်မၤနၢၤလၢနစုထွဲဒီးစံးဆၢလၢ်ပှၤတက့ၢ်.

စံးထီၣ်ပတြၢၤ 77:10

အန့ၣ်ဒီးယစံး, “တၢ်လၢအမၤဘၣ်ဒိဆါယၤအဒိၣ်ကတၢၢ် မ့ၢ်ဝဲ, ကစၢ်ယွၤအစိကမီၤတအိၣ် လၢၤဘၣ်န့ၣ်လီၤ.”

စံးထီၣ်ပတြၢၤ 85:6

မၤဆူၣ်ထီၣ်က့ၤကဒီးပှၤ ဒီးပဝဲဒၣ်နပှၤဂီၢ်မုၢ်ကစံးထီၣ်ပတြၢၤနၤလီၤ.

လံာ်ယၡါယၤ 10:4

သုကဘၣ်တၢ်မၤသံသုလၢတၢ်ဒုးတၢ်ယၤအပူၤ, မ့တမ့ၢ်, တၢ်ကတွံၢ်ထီၣ်ကွံာ်သုဒ်ပှၤဃိာ်ဖိတဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 5:25

ယွၤသးဒိၣ်အပှၤဂီၢ်မုၢ်ဒီးယူာ်ထီၣ်အစုလၢကစံၣ်ညီၣ်အဝဲသ့ၣ်အဂီၢ်လီၤ. ကစၢၢ်ကလိတဖၣ်ကဟူးဝးဝဲဒီးပှၤလၢအသံတဖၣ်အစိၣ်ကဘၣ်တၢ် ပာ်တ့ၢ်အီၤလၢကျဲခိၣ်ဒ်တၢ်တပှီာ်တပှာ်တဖၣ်အသိးလီၤ. အန့ၣ်ဒၣ်လဲာ်, ယွၤအတၢ်သးဒိၣ်ထီၣ်တကတၢၢ်ဒံးဘၣ်, ဒီးအစုကယၤထီၣ်ဒံးအ သးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:17

လၢတၢ်န့ၣ်အဃိ, ယွၤတပျဲပူၤဖျဲးပှၤသးစၢ်ပိာ်ခွါနီတဂၤ ဘၣ်, ဒီးအဝဲတဒုးနဲၣ်တၢ်သးကညီၤလၢမုၣ် ကမဲဒီးဖိၣ်ဃဲနီတဂၤဘၣ်. အဂ့ၢ်ဒ်အံၤ, ပှၤခဲလၢာ်န့ၣ်အယွၤတအိၣ်ဘၣ်, အၢဝဲသီဝဲဒီးတၢ်ခဲလၢာ်လၢအစံးက တိၤဝဲန့ၣ်အၢဝဲသီဝဲလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသးလၢက စံၣ်ညီၣ်တၢ်အဂီၢ်လီၤ.

လံာ်ယၡါယၤ 9:21

ကီၢ်မနၤၡ့ၤဒီးကီၢ်အ့ဖရဲၣ်အပှၤတဖၣ်ဒုးလိာ်ယၤလိာ်အသး, ဒီးအဝဲသ့ၣ်ပာ်ဖှိၣ်အသးဒီးဒုးတၢ်ထီဒါကီၢ်ယူဒၤလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်ဝဲဘၣ်. အစုယူာ်ထီၣ်ဒံးအသး လၢကစံၣ်ညီၣ်တၢ်အဂီၢ်လီၤ.

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.