စံးထီၣ်ပတြၢၤ 138:4 - Sgaw Karen Common Bible

⁴ ယွၤဧၢ, ကယဲၢ်ဟီၣ်ခိၣ်အစီၤပၤခဲလၢာ် ကစံးထီၣ်ပတြၢၤနၤ, အဂ့ၢ်ဒ်အံၤ, အဝဲသ့ၣ်နၢ်ဟူတ့ၢ်လံ နတၢ်ကတိၤလၢနထးခိၣ်လံန့ၣ်လီၤ.

စံးထီၣ်ပတြၢၤ 138:4 Iomraidhean Croise

စံးထီၣ်ပတြၢၤ 102:15

ဒီးပှၤကလုာ်တဖၣ်န့ၣ်ကပျံၤယွၤအမံၤ ဒီးကယဲၢ်ဟီၣ်ခိၣ်အစီၤပၤခဲလၢာ် ကပျံၤအလၤကပီၤလီၤ.

စံးထီၣ်ပတြၢၤ 102:22

ဖဲပှၤကလုာ်တဖၣ် ဒီးဘီမုၢ်တဖၣ်အိၣ်ဖှိၣ်တပူၤဃီဒီး ဘူၣ်ထီၣ်ဘါထီၣ်ယွၤန့ၣ်လီၤ.

စံးထီၣ်ပတြၢၤ 22:22

ယကတဲယပှၤကလုာ်တဖၣ်တၢ်လၢနမၤတ့ၢ်, ယကစံးထီၣ်ပတြၢၤနၤလၢပှၤဂီၢ်မုၢ်အကျါန့ၣ်လီၤ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

စံးထီၣ်ပတြၢၤ 51:13

အန့ၣ်ဒီးယကဒုးနဲၣ်ပှၤမၤကမၣ်တၢ်ဖိလၢ နကျဲဧိၤကပူၤဧိၤ ဒီးပှၤတၢ်ဒဲးဘးဖိကဃၣ်လိၤက့ၤအသး ဆူနအိၣ်လီၤ.

စံးထီၣ်ပတြၢၤ 57:9

ကစၢ်ယွၤဧၢ, လၢပှၤဂီၢ်မုၢ်အကျါန့ၣ်, ယကစံးဘျုးနၤ, ဒီးလၢပှၤကလုာ်တဖၣ်အကျါန့ၣ်ယကသးဝံၣ်စံးထီၣ်ပတြၢၤနၤလီၤ.

စံးထီၣ်ပတြၢၤ 71:18

ကစၢ်ယွၤဧၢ, တုၤလီၤလၢယသးပှၢ်ဒီးခိၣ်ဝါ, ယတချုးဒုးနဲၣ်ဒံးဘၣ်နတၢ်ဂံၢ်တၢ်ဘါဒီးနစိနကမီၤ လၢကယဲၢ်ပှၤလၢအကဟဲတဖၣ်ဒံးဘၣ်န့ၣ်, လဲၤသဒၣ်ကွံာ်ဒံးယၤတဂ့ၤ.

စံးထီၣ်ပတြၢၤ 72:11

မ်စီၤပၤခဲလၢာ်ကဘါထီၣ်အီၤ ဒီးပှၤကလုာ်ခဲလၢာ်ကမၤအတၢ်တက့ၢ်.

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 21:24

ပှၤကလုာ်လၢဟီၣ်ခိၣ်ချၢတဖၣ်ကလဲၤတၢ်လၢအဝဲအတၢ် ကပီၤလီၤ. ဒီးဟီၣ်ခိၣ်အစီၤပၤတဖၣ်ကဟဲစိာ်အတၢ်ထူး တၢ်တီၤဆူအဝဲဒၣ်အပူၤလီၤ.