စံးထီၣ်ပတြၢၤ 137:3 - Sgaw Karen Common Bible

³ အဂ့ၢ်ဒ်အံၤ, ဖဲန့ၣ်ပှၤလၢအမၢကဲကုၢ်ပှၤတဖၣ် ဃ့ဝဲလၢပကသးဝံၣ်တၢ်လီၤ. ဒီးပှၤလၢအမၤကိၢ်မၤဂီၤပှၤတဖၣ်, မၢပမၤသူၣ်ဖှံသးညီအီၤစံးဝဲ, “သးဝံၣ်န့ၢ်ပှၤလၢစံယိၣ်အတၢ်သးဝံၣ် တယုၢ်ယုၢ်တက့ၢ်.”

စံးထီၣ်ပတြၢၤ 137:3 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 15:27

စီၤဒၤဝံးသိးဆ့ကၤဖးထီတဘ့ၣ်လၢတၢ်ဆးအီၤလၢဖှီဝါကဆှၣ် အဂ့ၤကတၢၢ်, ဒီးပှၤသးဝံၣ်တၢ်ဖိတဖၣ်, ဒီးအဝဲသ့ၣ်အပှၤအခိၣ်စီၤကနၤနယၤဒီးပှၤလ့ၤဝံဖိတဖၣ်လၢအစိာ် တလါစီဆှံသိးစ့ၢ်ကီးဆ့ဒ်န့ၣ်တဖၣ်လီၤ. စီၤဒၤဝံးသိးစ့ၢ်ကီးဝဲအ့ဖိးဖှီဝါကဆှၣ်တဘ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:7

တၢ်န့ၣ်မ့ၢ်တၢ်ဆၢကတီၢ်အဆိကတၢၢ်လၢစီၤဒၤဝံးစးထီၣ်ဟ့ၣ်စီၤ အၤစာ်ဒီးအပှၤလ့ၤဝံဖိကဒဲကဒဲတဖၣ်အမူအဒါလၢတၢ်သးဝံၣ်စံး ထီၣ်ပတြၢၤယွၤအဂီၢ်န့ၣ်လီၤ.

လံာ်စီၤနဃ့မယၤ 4:2

ဒီးလၢအတံၤသကိးသ့ၣ်တဖၣ်, ဒီးၡၤမရံအပှၤသုးဖိသ့ၣ်တဖၣ် အမဲာ်ညါန့ၣ်စံးဝဲ, “ပှၤယူဒၤဖိလၢအတဂိာ်တသီၣ်တၢ်သ့ၣ်တဖၣ်အံၤမ့ၢ်အဆိကမိၣ်ဝဲ လၢအမၤတၢ်မနူၤန့ၣ်လဲၣ်. မ့ၢ်အဝဲသ့ၣ်အဲၣ်ဒိးသူၣ်ထီၣ်ကဒါက့ၤဝ့ၢ်န့ၣ်ဧါ. မ့ၢ်အဆိကမိၣ်ဝဲဒၣ်လၢခီဖျိအတၢ်လုၢ်ထီၣ်ပာ်ထီၣ်တၢ်န့ၣ်မၤတၢ် လၢတနံၤဃီအတီၢ်ပူၤကဝံၤန့ၣ်ဧါ. မ့ၢ်အမၤကဲထီၣ်လၢၢ်လၢတၢ်တဂိာ်တသီၣ်လၢမ့ၣ်အူအီၣ်အီၤအကျါ န့ၣ်ကသ့စ့ၢ်ကီးဧါ.”

စံးထီၣ်ပတြၢၤ 65:1

ကစၢ်ယွၤဧၢ, ဂ့ၤဝဲလၢပကစံးထီၣ်ပတြၢၤနၤလၢစံယိၣ် ဒီးပၢၤဃာ်ပတၢ်အၢၣ်လီၤဒီးနၤ,

စံးထီၣ်ပတြၢၤ 79:1

ကစၢ်ယွၤဧၢ, ပှၤတဘူၣ်ထီၣ်ဘါထီၣ်နၤတဖၣ်ဟဲနုာ်တ့ၢ်လံလၢ နတၢ်န့ၢ်သါအပူၤလံ. အဝဲသ့ၣ်မၤဘၣ်အၢဘၣ်သီနတၢ်လုၢ်ဟံၣ်စီဆှံလံ. အဝဲသ့ၣ်ပာ်တ့ၢ်ကွံာ်ဝ့ၢ်လံယရူၤၡလ့ၣ်လၢအတၢ်ဟးဂီၤအပူၤ လံ.

စံးထီၣ်ပတြၢၤ 80:6

နပာ်ပှၤလၢတၢ်အ့ၣ်လိာ်ဆိးက့လိာ်အလီၢ် လၢပှၤလၢပဃၢၤ, ဒီးပဒုၣ်ပဒါနံၤဘၣ်ပှၤလၢအကျါဒၣ်ဝဲန့ၣ်လီၤ.

စံးထီၣ်ပတြၢၤ 9:14

ဒ်သိးယကဆၢထၢၣ်ဘၣ်ယဲလၢ ဝ့ၢ်ယရူၤၡလ့ၣ်အပှၤဂီၢ်မုၢ်အမဲာ်ညါ ဒီးစံးဘၣ်အဝဲသ့ၣ်ခဲလၢာ်လၢ ယဘၣ်စံးထီၣ်ပတြၢၤ နၤအဂ့ၢ်န့ၣ်တက့ၢ်. ယကသူၣ်ဖှံသးညီလၢနအုၣ်က့ၤခီၣ်က့ၤယၤအဃိလီၤ.

တၢ်ကတိၤဒိ. 25:20

တၢ်သးဝံၣ်န့ၢ်တၢ်လၢပှၤအသးလီၤစၢ်လီၤဘှါတဂၤအဂီၢ်န့ၣ်, လီၤဂာ်ဒ်တၢ်ဘ့ၣ်ကွံာ်အကူအသိးတဖၣ်လၢတၢ်ဂိၢ်အမုၢ်တနံၤ, မ့တမ့ၢ်, တၢ်လံာ်လူာ်အံသၣ်လၢတၢ်ပူၤလီၢ်တပူၤအသိးန့ၣ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်လူၤကၣ် 21:6

“တၢ်သ့ၣ်တဖၣ်အံၤခဲလၢာ်န့ၣ်, သုထံၣ်ဘၣ်သုဝဲလီၤ. တၢ်ဆၢကတီၢ်ကဟဲတုၤအိၣ်ဝဲဖဲလၢၢ်ထဲတဖျၢၣ်ဧိၤဒၣ်လဲာ် တဘၣ်တၢ်ပာ်လီၤတဲာ်တ့ၢ်အီၤလၢအလီၢ်လၢၤဘၣ်. လၢၢ်ကိးဖျၢၣ်ဒဲးကဘၣ်တၢ်တ့ၢ်လီၤကွံာ်အီၤလၢအလီၢ်န့ၣ်လီၤ.”