စံးထီၣ်ပတြၢၤ 137:1 - Sgaw Karen Common Bible

¹ ပဆ့ၣ်နီၤလၢဘၤဘူၤလိၣ်အထံကျိတဖၣ်အနံၤ, ဒီးတုၤပသ့ၣ်နီၣ်ထီၣ်က့ၤစံယိၣ်ဒီး, ပမဲာ်ထံလီၤဝဲန့ၣ်လီၤ.

စံးထီၣ်ပတြၢၤ 137:1 Iomraidhean Croise

လံာ်စီၤဧ့စြၤ 8:21

ဖဲအၤဟဝၤထံကျိအကပၤန့ၣ်, ယဟ့ၣ်လီၤယကလုၢ်လၢပဝဲ ခဲလၢာ်ပကဒုၣ်တၢ်အီၣ်တၢ်အီဒီးဆီၣ်လီၤပသးလၢပကစၢ်ယွၤအမဲာ် ညါ, ဒီးဃ့အီၤလၢကဆှၢပှၤလၢပတၢ်လဲၤအပူၤဒီးကဒီဒၣ်အိၣ်ပှိၤပှၤ ဒီးပဖိတဖၣ်ဒီးကယဲၢ်တၢ်လၢအအိၣ်ဒီးပှၤတဖၣ်န့ၣ်လီၤ.

လံာ်စီၤဧ့စြၤ 8:31

ဒီးလၢလါအခီၣ်ထံးတလါထီၣ်တဆံခံသီတသီန့ၣ်ပဟးထီၣ်လၢထံ ကျိၤအၤဟဝၤဒီးပလဲၤဆူဝ့ၢ်ယရူၤရှလ့ၣ်န့ၣ်လီၤ. ပကစၢ်ယွၤအိၣ်ဒီးပှၤဒီးဒီဒၣ်အိၣ်ပှိၤပှၤလၢဒုၣ်ဒါအတၢ်ဟဲ ထီၣ်ဒုးပှၤဒီးခိးခူသူၣ်ဒုးပှၤလၢပတၢ်လဲၤအပူၤန့ၣ်လီၤ.

လံာ်စီၤနဃ့မယၤ 2:3

ဒီးယစံးဆၢစီၤပၤ, “မ်ယစီၤပၤဖးဒိၣ်မူဝဲလီၤထူလီၤယိာ်တက့ၢ်. ဝ့ၢ်တဖျၢၣ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤတ့ၢ်အီၤ အံၤအိၣ်လၢတၢ်ဟးဂူာ်ဟးဂီၤအပူၤဒီးအပဲတရီတဖၣ်ဘၣ်တၢ်မၤဟး ဂီၤကွံာ်အီၤလၢမ့ၣ်အူန့ၣ်, ယမဲာ်တလီၤသပှၢ်ဘၣ်န့ၣ်ယအိၣ်ကသ့ဒ်လဲၣ်.”

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

လံာ်ယၡါယၤ 66:10

သူၣ်ခုသးခုဃုာ်ဒီးဝ့ၢ်ယရူၤၡလ့ၣ်, သူၣ်ဖှံသးညီလၢအဃိသု ဝဲပှၤလၢအအဲၣ်ဘၣ်ဝ့ၢ်အံၤခဲလၢာ်သ့ၣ်ဧၢ သူၣ်ခုသးခုဃုာ်ဒီးအီၤခဲအံၤ, သုဝဲပှၤလၢအသူၣ်အုးသးအုး လၢအဃိခဲလၢာ်သ့ၣ်ဧၢ.

လံာ်ယံးရမံယၤ 13:4

“လဲၤဆူထံကျိဖးဒိၣ်ဖရၤသးဒီးပာ်ခူသူၣ်ဖျီၣ်ခံအဖုၣ်တဖၣ်န့ၣ် လၢတၢ်ပူၤတပူၤလၢလၢၢ်ကျါလ့ကျါန့ၣ်တက့ၢ်.”

လံာ်ယံးရမံယၤ 15:17

ယတမၤလၢာ်ယတၢ်ဆၢကတီၢ်ဒီးပှၤအဂၤတဖၣ်လၢတၢ်နံၤကဝဲၤ ပျီၢ်ကဒီဒီးတၢ်မၤမုာ်လၤယသးအပူၤန့ၣ်ဘၣ်. လၢယတၢ်စူၢ်နတၢ်ဟ့ၣ်လီၤနကလုၢ်တဖၣ်အပူၤန့ၣ်, ယအိၣ်ဒၣ်ယတၢ်ဒၣ်ယဲဒီးယပှဲၤဆၢၣ်ကလာ်ဒီးတၢ်သူၣ်ဒိၣ်သးဖျိးန့ၣ်လီၤ.

လံာ်ယံးရမံယၤ 51:13

ထံကီၢ်အဝဲန့ၣ်အိၣ်ဒီးအထံကျိတဖၣ်ဒီး အတၢ်ထူးတၢ်တီၤတဖၣ် အါမးဘၣ်ဆၣ်, အတၢ်ဆၢကတီၢ်လၢာ်ကွံာ်လံ, ဒီးအသးသမူအလုၣ်ဖျ့ဘၣ်တၢ်မၤထီၣ်တဲာ်ကွံာ်အီၤလံ.

လံာ်ယံးရမံယၤ 8:19

ဒိကနၣ်တက့ၢ်. ယနၢ်ဟူယပှၤဂီၢ်မုၢ်ကိးပသူထီၣ်လၢထံကီၢ် ဒီဘ့ၣ်ညါလီၤ. “မ့ၢ်ယွၤတအိၣ်လၢၤလၢဝ့ၢ်စံယိၣ်ဘၣ်ဧါ မ့ၢ်ဝ့ၢ်စံယိၣ်အစီၤပၤတအိၣ်လၢၤဖဲန့ၣ်ဘၣ်ဧါ.” ယွၤ, အဝဲသ့ၣ်အစီၤပၤ, စံးဆၢတၢ်ဒီးစံးဝဲ, “ဘၣ်မနုၤအဃိသုမၤသးဒိၣ်ထီၣ်ယၤခီ ဖျိသုဘူၣ်ထီၣ်ဘါထီၣ်သုတၢ်ဂီၤတၢ်ဖီၣ် ဒီးသကူးလီၤသုသးလၢသုပှၤတခီဘီမုၢ်ဖိအကစၢ်တဖၣ်လၢအဘျုး တအိၣ်ဘၣ်အမဲာ်ညါန့ၣ်လဲၣ်.”

လံာ်သးသယုၢ်တၢ် 1:16

လၢတၢ်န့ၣ်အဃိဒီးယမဲာ်ချံတဖၣ်ပုာ်ထီၣ်ယွၤလီၤလၢယမဲာ်ထံ မဲာ်နိန့ၣ်လီၤ. ပှၤမၤမုာ်ထီၣ်ယသးတသ့ဘၣ်နီတဂၤဘၣ်. ပှၤဟ့ၣ်ဆူၣ်ထီၣ်ယဂံၢ်ယဘါတသ့ဘၣ်နီတဂၤဘၣ်. ဒုၣ်ဒါတဖၣ်မၤနၢၤတ့ၢ်ယၤလံ. တၢ်တအိၣ်လီၤတဲာ်ဘၣ်ဒီးယပှၤဂီၢ် မုၢ်လၢတၢ်နီတမံၤလၢၤဘၣ်.

လံာ်သးသယုၢ်တၢ် 2:18

အိဝ့ၢ်ယရူၤၡလ့ၣ်ဧၢ, မ်နခိၣ်ဒူတဖၣ်ကိးပသူထီၣ်ဆူယွၤအအိၣ် တက့ၢ်. ပျဲနမဲာ်ထံတဖၣ်ယွၤလီၤဝဲဒ်ထံကျိတဖၣ်လၢမုၢ်ဆါဒီးလၢမုၢ် နၤတက့ၢ်. မၤလၢာ်မၤဂီၤကွံာ်နသးလၢတၢ်ဟီၣ်တၢ်ယၢၤဒီးတၢ်သူၣ်အုးသး အုးတက့ၢ်.

လံာ်သးသယုၢ်တၢ် 3:48

ယမဲာ်ထံတဖၣ်ကယွၤလီၤလၢယမဲာ်ချံတဖၣ်အပူၤဒ်ထံကျိတဖၣ်အသိး လၢယပှၤဂီၢ်မုၢ်အတၢ်ဟးဂူာ်ဟးဂီၤအဃိန့ၣ်လီၤ.

လံာ်သးသယုၢ်တၢ် 3:51

ယသးအံၤသူၣ်အုးသးအုးဖဲယထံၣ်ဘၣ်တၢ်မၤတ့ၢ်အသးဒီးပိာ်မုၣ် တဖၣ်လၢဝ့ၢ်ပူၤလီၤ.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 1:3

ဖဲန့ၣ်လၢကီၢ်ဘၤဘူၤလိၣ်အပူၤ, လၢထံကျိကဘၢ်အနံၤန့ၣ်, ယနၢ်ဟူယွၤကတိၤတၢ်ဒီးယၤလီၤ. ဒီးယကလၢၢ်ဘၣ်အစိကမီၤလီၤ.

လံာ်ယဃ့းစက့လး 3:15

လၢတၢ်န့ၣ်အဃိ, ယဟဲဆူဝ့ၢ်တ့ၤလၤဘံးလၢထံကျိကဘၢ်အနံၤ, ဖဲပှၤဘၣ်တၢ်စိာ်မၢကဲကုၢ်တဖၣ် အိၣ်ဆိးဝဲ, ဒီးယအိၣ်ဖဲန့ၣ် နွံသီ, ဒီးတၢ်လၢယထံၣ်ဘၣ်ဒီး နၢ်ဟူဘၣ်တ့ၢ်တဖၣ် မၤလီၤသဘှံး ယသးန့ၣ်လီၤ.

လံာ်ဒၤနံးယ့လး 9:3

ဒီးယဘါထုကဖၣ်တၢ်လၢသူၣ်လၢသးသပှၢ်ပှၢ်ဆူယွၤ, ကစၢ်ယွၤအအိၣ်ဒီးဒုၣ်တၢ်အီၣ်တၢ်အီ, ကူထီၣ်သိးထီၣ်ဆ့ဆးအသးလၢတၢ် ကံးယာ်ဒီးဆ့ၣ်နီၤလၢဖၣ်ဆါကျါဒီးဃ့ကညးအီၤလီၤ.

လံာ်လူၤကၣ် 19:41

အဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်, ဒီးဖဲအထံၣ်ဘၣ်ဝ့ၢ်န့ၣ်, ဟီၣ်ဝဲလၢအဃိဒီး

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”