စံးထီၣ်ပတြၢၤ 136:11 - Sgaw Karen Common Bible

¹¹ ဒီးဒုးဟးထီၣ်ကွံာ်အံၣ်စရ့လးလၢကီၢ်အဲၤကူပတူးအပူၤ လီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 136:11 Iomraidhean Croise

စံးထီၣ်ပတြၢၤ 105:37

အန့ၣ်ဝံၤဒီး အဝဲဒုးဟးထီၣ်ကွံာ်ပှၤအံၣ်စရ့လးဖိတဖၣ်, အဝဲသ့ၣ်စိာ်ဃုာ်ဒီး စ့ဒီထူ, ဒီးအဝဲသ့ၣ်ခဲလၢာ်အိၣ်ဒီး တၢ်အိၣ်ဆူၣ်အိၣ်ချ့ ဒီးဂံၢ်ဆူၣ်ဘါဆူၣ်ဝဲဒၣ်လီၤ.

စံးထီၣ်ပတြၢၤ 78:52

အန့ၣ်ဒီး အဝဲဆှၢထီၣ်အပှၤဂီၢ်မုၢ် ဒ်ပှၤကွၢ်သိတဂၤအသိး ဒီးဆှၢခီဖျိအီၤလၢ ပှၢ်မုၢ်ကနၢန့ၣ်လီၤ.

လံာ်တၢ်ဟးထီၣ်ကွံာ် 12:41

မုၢ်တနံၤဖဲအနံၣ်လွံၢ်ကယၤသၢဆံကတၢၢ်ဝဲန့ၣ်, ယွၤအပှၤဂီၢ်မုၢ်လၢဒူၣ်ကိးဒူၣ်ဒဲးအပူၤဟးထီၣ်ကွံာ်လၢကီၢ် အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 12:42

အဝဲန့ၣ်မ့ၢ်မုၢ်တနၤလၢယွၤအိၣ်ခိးကွၢ်ဝဲဒ်သိးအကထုးထီၣ် ကွံာ်အဝဲသ့ၣ်လၢကီၢ်အဲၤကူပတူးအပူၤအဂီၢ်န့ၣ်လီၤ. မုၢ်တနၤဃီအံၤန့ၣ်မ့ၢ်မုၢ်တနၤလၢပှၤအံၣ်စရ့လးဖိအစၢၤ အသွဲၣ်တဖၣ်ကဘၣ်တိၢ်န့ၢ်အီၤဒီးပာ်စီဆှံအီၤလၢယွၤအဂီၢ်အစိၤ စိၤအဃၣ်ဃၣ်န့ၣ်လီၤ.

လံာ်တၢ်ဟးထီၣ်ကွံာ် 12:51

ဒီးလၢမုၢ်နံၤအဝဲန့ၣ်, ယွၤထုးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:16

တၢ်အလုၢ်အတၢ်အံၤကမ့ၢ်တၢ်ဒုးသ့ၣ်နီၣ်ထီၣ်က့ၤတၢ်တမံၤ, လၢအလီၤဂာ်ဒ်တၢ်တမံၤလၢအစၢတံၢ်အသးလၢပစုအလိၤမ့ၢ်ဂ့ၤ, ပခိၣ်တိသၣ်အလိၤမ့ၢ်ဂ့ၤန့ၣ်လီၤ. တၢ်အံၤကဒုးသ့ၣ်နီၣ်ထီၣ် က့ၤပှၤလၢယွၤထုးထီၣ်ကွံာ်ပှၤလၢကီၢ်အဲၤကူပတူးအပူၤခီဖျိ အတၢ်စိတၢ်ကမီၤဖးဒိၣ်န့ၣ်လီၤ.’ ”

လံာ်တၢ်ဟးထီၣ်ကွံာ် 13:17

ဒီးဖဲကီၢ်အဲၤကူပတူးအစီၤပၤပျဲပှၤဂီၢ်မုၢ်လဲၤတၢ်န့ၣ်, ကျဲလၢအလဲၤဆူပှၤဖလ့ၡသးဖိအကီၢ်မ့မ့ၢ်ကျဲလၢအဖုၣ်ဘၣ်ဆၣ် ကစၢ်ယွၤတဆှၢအဝဲသ့ၣ်လၢကျဲအဝဲန့ၣ်ဘၣ်. အဂ့ၢ်ဒ်အံၤ, ကစၢ်ယွၤစံးဝဲဒၣ်, “ယတအဲၣ်ဒိးလၢပှၤဂီၢ်မုၢ် ကလဲလိာ်ကွံာ်အသးဒီးဟဲက့ၤကဒါက့ၤဆူကီၢ်အဲၤကူပတူးဖဲ အဝဲသ့ၣ်ထံၣ်ဝဲဒၣ်လၢအကဘၣ်ဒုးတၢ်န့ၣ်ဘၣ်.”

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 13:9

တၢ်အလုၢ်အလၢ်အံၤကမ့ၢ်တၢ်ဒုးသ့ၣ်နီၣ်ထီၣ်တၢ်, ဒ်တၢ်တမံၤလၢအဘၣ်တၢ်စၢဃးအီၤလၢသုစုလိၤမ့ၢ်ဂ့ၤလၢသု ခိၣ်တိသၣ်လိၤမ့ၢ်ဂ့ၤ, ဒ်သိးကဒုးသ့ၣ်နီၣ်ထီၣ်သုလၢသုကတိၢ် န့ၢ်ဒီးမၤလိထွဲယွၤအတၢ်သိၣ်တၢ်သီလၢအဟ့ၣ်လီၤပှၤယူဒၤဖိ န့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်သုလၢကီၢ်အဲၤကူပတူးပတူးအပူၤလၢအတၢ်စိ တၢ်ကမီၤဖးဒိၣ်န့ၣ်လီၤ.