စံးထီၣ်ပတြၢၤ 135:9 - Sgaw Karen Common Bible

⁹ ဖဲန့ၣ်, အဝဲဒၣ်မၤတၢ်တၢ်ပနီၣ်လီၤလးတဖၣ်ဒီးတၢ်လီၤလိၢ် လီၤလးတဖၣ် လၢကစံၣ်ညီၣ်စီၤပၤဒီး အပဒိၣ်ပပှၢ်တဖၣ်အဂီၢ်လီၤ.

စံးထီၣ်ပတြၢၤ 135:9 Iomraidhean Croise

လံာ်စီၤနဃ့မယၤ 9:10

နမၤတ့ၢ်တၢ်လီၤကမၢကမၣ်လီၤလးတဖၣ်ထီဒါစီၤပၤ, ထီဒါအပဒိၣ်ပပှၢ်တဖၣ်ဒီးပှၤဂီၢ်မုၢ်လၢအထံအကီၢ် န့ၣ်လီၤ. အဂ့ၢ်ဒ်အံၤ, နသ့ၣ်ညါတ့ၢ်လံအဝဲသ့ၣ်အတၢ်မၤအၢနပှၤကလုာ်ဒ်လဲၣ် န့ၣ်လီၤ. နမံၤဟူထီၣ်သါလီၤတ့ၢ်စးထီၣ်ဖဲန့ၣ်ဒီးအိၣ်ဝဲတုၤမုၢ်မဆါ တနံၤအံၤန့ၣ်လီၤ.

စံးထီၣ်ပတြၢၤ 136:15

မ့မ့ၢ်မၤလီၤအုးသံကွံာ်ဖၤရိၤဒီးအသုးမုၢ် လၢပီၣ်လဲၣ်ဂီၤအပူၤလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 78:12

လၢအပၢ်တဖၣ်အမဲာ်ညါန့ၣ်, ကစၢ်ယွၤမၤတၢ်လီၤလးတဖၣ် လၢကီၢ်အဲၤကူပတူးအပူၤ, ဒီးစိၤဧၣ်အပျီပူၤန့ၣ်လီၤ.

မၤတၢ် 7:36

အဝဲဒၣ်ထုးထီၣ်ကွံာ်ပှၤအံၣ်စရ့လးဖိတဖၣ်လၢကီၢ်အဲၤကူပတူး အပူၤဒီးမၤဝဲတၢ်လီၤလးဒီးတၢ်ပနီၣ်လီၤလးတဖၣ်လၢကီၢ် အဲၤကူပတူးအပူၤ, ဖဲပီၣ်လဲၣ်ဂီၤ, ဒီးလၢအနံၣ်လွံၢ်ဆံအတီၢ်ပူၤလၢပှၢ်မုၢ်ကနၢန့ၣ်လီၤ.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်သိၣ်လီၤသီလီၤတၢ် 6:22

လၢပမဲာ်ချံဒၣ်ဝဲန့ၣ်ပထံၣ်ဘၣ်အဝဲမၤတၢ်လီၤလးတဖၣ်ဒီးမၤ ပျံၤမၤဖုးပှၤအဲၤကူပတူးဖိတဖၣ်, ဒီးအဝဲသ့ၣ်အစီၤပၤဒီးကယဲၢ်အပဒိၣ်ပပှၢ်တဖၣ်န့ၣ်လီၤ.