စံးထီၣ်ပတြၢၤ 135:7 - Sgaw Karen Common Bible

⁷ အဝဲဒၣ်န့ၣ်ဒုးဟဲထီၣ်တၢ်စူၤအတၢ်အၢၣ်လၢဟီၣ်ခိၣ်အကတၢၢ်, ဒီးတ့လီၤလီဝၢ်အဒံးလၢ ကလံၤမုၢ်အဂီၢ်, ဒီးဒုးဟဲထီၣ်ကလံၤလၢ အတၢ်ပာ်ဖှိၣ်အလီၢ်န့ၣ်လီၤ.

စံးထီၣ်ပတြၢၤ 135:7 Iomraidhean Croise

လံာ်စီၤပၤအခီၣ်ထံးတဘ့ၣ် 18:1

တယံာ်ဘၣ်ဝံၤအလီၢ်ခံ, လၢတၢ်ယီၤဃ့သၢနံၣ်တနံၣ်အပူၤန့ၣ်ယွၤ စံးဘၣ်စီၤအ့ၤလံယၤ, “လဲၤဒီးဒုးနဲၣ်နသးလၢစီၤပၤအၤဃာ်, ဒီးယကဒုးဟဲစူၤလီၤတၢ်လီၤ.”

လံာ်စီၤယိၤဘး 5:10

ကစၢ်ယွၤဒုးဟဲစူၤလီၤတၢ်လၢဟီၣ်ခိၣ်ချၢဒီးဒုးဘၣ်စီၣ်ပျီ တဖၣ်န့ၣ်လီၤ.

စံးထီၣ်ပတြၢၤ 107:25

အဂ့ၢ်ဒ်အံၤ, ယွၤဟ့ၣ်လီၤအကလုၢ်, ဒီးဒုးအူထီၣ်ကလံၤမုၢ်တွၤလၢ အမၤဒိၣ်ထီၣ်ပီၣ်လဲၣ်အလပီတဖၣ်လီၤ.

စံးထီၣ်ပတြၢၤ 148:8

လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်, ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,

စံးထီၣ်ပတြၢၤ 78:26

အဝဲဒုးအူကလံၤမုၢ်ထီၣ်လၢမူခိၣ် ဒီးလၢအစိအကမီၤန့ၣ် ဒုးအူထီၣ်ကလံၤလၢကလံၤထံးန့ၣ်လီၤ.

လံာ်ယံးရမံယၤ 10:13

တုၤအဝဲဟ့ၣ်လီၤအကလုၢ်ဒီးထံတဖၣ်လၢမူကပိာ်လိၤအဖီခိၣ် သီၣ်ထီၣ်ရုၢ်ရုၢ်န့ၣ်လီၤ. အဝဲဟဲစိာ်တၢ်အၢၣ်တဖၣ်လၢဟီၣ်ခိၣ်အကတၢၢ်လီၤ. အဝဲတ့လီဝၢ်ဒံးဃုာ်ဒီးတၢ်စူၤဒီးဆှၢထီၣ်ကလံၤ လၢအတၢ်ပာ်ဖှိၣ်အလီၢ်လီၤ.

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 51:16

ဖဲအဝဲထုထီၣ်အကလုၢ်န့ၣ်, ထံတဖၣ်လၢ မူကပိာ်လိၤ အဖီခိၣ်သီၣ်ထီၣ်ဝဲရုၢ်ရုၢ်လီၤ. အဝဲဟဲစိာ်တၢ်အၢၣ်တဖၣ်လၢ ဟီၣ်ခိၣ်အကတၢၢ်လီၤ. အဝဲဒုးအိၣ်ထီၣ်လီၤဝၢ်ဒံးလၢ တၢ်စူၤအပူၤ ဒီးဆှၢထီၣ်ကလံၤလၢ အတၢ်ပာ်ဖှိၣ်အလီၢ်န့ၣ်လီၤ.

လံာ်ယိၤနါ 1:4

ဘၣ်ဆၣ်ဒီးယွၤဒုးလီၤကလံၤမုၢ်ဖးဒိၣ်လၢပီၣ်လဲၣ်ပူၤ, ဒီးကလံၤမုၢ်အံၤဆူၣ်ဒိၣ်မးတုၤဒၣ်လဲာ်ကဘီဘူးကဟးဂီၤန့ၣ်လီၤ.

လံာ်စကၤရယၤ 10:1

ဃ့တၢ်စူၤထံလၢယွၤ, တၢ်စူၤထံလၢနံၣ်တနံၣ်န့ၣ်အတၢ်မဲထီၣ်အကတီၢ်အဂီၢ်တက့ၢ်. အဂ့ၢ်ဒ်အံၤ, ယွၤမ့ၢ်ပှၤလၢအဟ့ၣ်လီၤတၢ်စူၤအတၢ်အၢၣ်တဖၣ်ဒီးတၢ် စူၤအထံတဖၣ်လၢကဒုးလါဟ့ထီၣ်စံာ်ပျီတဖၣ်လၢပှၤကိးဂၤဒဲး အဂီၢ်န့ၣ်လီၤ.

လံာ်ယိၤဟၣ် 3:8

ကလံၤန့ၣ်ဖဲအမိၣ်အူအသးဒီးအူဝဲလီၤ. နနၢ်ဟူအသီၣ် ဘၣ်ဆၣ်ဟဲလၢလဲၣ်မ့တမ့ၢ်လဲၤဆူလဲၣ်န့ၣ်နတသ့ၣ်ညါဘၣ်. ပှၤကိးဂၤဒဲးလၢအအိၣ်ဖျဲၣ်လၢယွၤအသးန့ၣ်မၤအသးဒ်န့ၣ် အသိးလီၤ.”