စံးထီၣ်ပတြၢၤ 135:5 - Sgaw Karen Common Bible

⁵ ယသ့ၣ်ညါလၢယွၤန့ၣ်ဒိၣ်ဝဲ ဒိၣ်န့ၢ်ကစၢ်အဂၤခဲလၢာ်တက့ၢ်လီၤ.

စံးထီၣ်ပတြၢၤ 135:5 Iomraidhean Croise

စံးထီၣ်ပတြၢၤ 147:5

ပယွၤန့ၣ်ဒိၣ်ဝဲ, ဒီးအစိအကမီၤအိၣ်အါမးလီၤ. အတၢ်ကူၣ်သ့ကူၣ်ဘၣ်န့ၣ်တၢ်ထိၣ်အီၤတဲာ်အီၤ တသ့ဘၣ်.

စံးထီၣ်ပတြၢၤ 48:1

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤအဒိၣ်အအါ လၢပကစၢ်ယွၤအဝ့ၢ်ပူၤ, လၢအကစၢၢ်စီဆှံအလိၤန့ၣ်လီၤ.

စံးထီၣ်ပတြၢၤ 89:6

အဂ့ၢ်ဒ်အံၤ, မ့ၢ်မတၤအိၣ်လၢမူခိၣ်လၢပက ထိၣ်သတြီၤအီၤဒီးယွၤန့ၣ်လဲၣ်. လၢပှၤမူခိၣ်ဖိတဖၣ်အကျါန့ၣ်, မ့ၢ်မတၤလီၤဂာ်ဒီးယွၤန့ၣ်လဲၣ်.

စံးထီၣ်ပတြၢၤ 95:3

အဂ့ၢ်ဒ်အံၤ, ယွၤမ့ၢ်ကစၢ်ယွၤဖးဒိၣ်တဂၤ, ဒီးစီၤပၤဖးဒိၣ်တဂၤလၢကယဲၢ်ကစၢ် ခဲလၢာ်အဖီခိၣ်န့ၣ်လီၤ.

စံးထီၣ်ပတြၢၤ 97:9

တၢ်စိဒိၣ်ကမီၤထီယွၤဧၢ, နမ့ၢ်ပှၤပၢဟီၣ်ခိၣ်ဒီဘ့ၣ်ညါ ဒီးနဒိၣ်န့ၢ်ဒံးကယဲၢ်ကစၢ်ခဲလၢာ်န့ၣ်လီၤ.

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 40:25

တၢ်ထိၣ်သတြီၤကစၢ်ယွၤစီဆှံတဂၤအံၤဒီးမတၤကသ့န့ၣ်လဲၣ်. မ့ၢ်ပှၤလၢအလီၤဂာ်ဒီးအီၤအိၣ်ဒံးတဂၤဂၤဧါ.

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.