စံးထီၣ်ပတြၢၤ 135:21 - Sgaw Karen Common Bible

²¹ စံးထီၣ်ပတြၢၤယွၤလၢ စံယိၣ်အပူၤ, လၢအဟံၣ်လၢ ယရူၤရှလ့ၣ်အပူၤန့ၣ်တက့ၢ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 135:21 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 23:25

စီၤဒၤဝံးစံးဝဲ, “ယွၤ, အံၣ်စရ့လးအကစၢ်ယွၤဟ့ၣ်တ့ၢ်တၢ်ဃူ တၢ်ဖိးဆူအပှၤဂီၢ်မုၢ်, ဒီးအဝဲအနီၢ်ကစၢ်ဒၣ်ဝဲကအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤလီၤစိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”

လံာ်စီၤဧ့စြၤ 7:16

နကဘၣ်လဲၤစိာ်ဃုာ်စ့ၢ်ကီးကယဲၢ်စ့ဒီးထူလၢနထၢဖှိၣ်လၢကီၢ် ဘၤဘူၤလိၣ်ဒီဘ့ၣ်ညါဒီးတၢ်မၤဘူၣ်တဖၣ်လၢအံၣ်စရ့လးအပှၤဂီၢ် မုၢ်ဒီးအဝဲသ့ၣ်အပှၤလုၢ်တၢ်အခိၣ်တဖၣ်ဟ့ၣ်လီၤဝဲလၢအကစၢ်ယွၤ အတၢ်လုၢ်ဟံၣ်လၢအအိၣ်လၢဝ့ၢ်ယရူၤၡလ့ၣ်အပူၤအဂီၢ်န့ၣ်လီၤ.

စံးထီၣ်ပတြၢၤ 128:5

မ်ယွၤဆိၣ်ဂ့ၤနၤလၢစံယိၣ်, မ်နထံၣ်ဘၣ်ယရူၤၡလ့ၣ်အတၢ်အီၣ်ကုးအီပှဲၤ တစိၤဒၣ်နၤတက့ၢ်.

စံးထီၣ်ပတြၢၤ 134:3

ယွၤလၢအတ့လီၤမူခိၣ်, ဒီးဟီၣ်ခိၣ်တဂၤန့ၣ် မ်အဆိၣ်ဂ့ၤနၤလၢစံယိၣ်တက့ၢ်.

စံးထီၣ်ပတြၢၤ 48:1

ယွၤန့ၣ်ဒိၣ်ဝဲ, ဒီးကဘၣ်တၢ်စံးထီၣ်ပတြၢၤအီၤအဒိၣ်အအါ လၢပကစၢ်ယွၤအဝ့ၢ်ပူၤ, လၢအကစၢၢ်စီဆှံအလိၤန့ၣ်လီၤ.

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 48:3

ကစၢ်ယွၤပာ်ဖျါတ့ၢ်ဝဲလၢတၢ်ပူၤဖျဲးအလီၢ်အိၣ်ဒီးအီၤလၢ ဝ့ၢ်အတိာ်ဧိၤတာ်ဧိၤအပူၤန့ၣ်လီၤ.

စံးထီၣ်ပတြၢၤ 48:9

ကစၢ်ယွၤဧၢ, လၢနတၢ်လုၢ်ဟံၣ်အပူၤန့ၣ် ပဆိကမိၣ်ထီၣ်နတၢ်အဲၣ်အဂၢၢ်အကျၢၤန့ၣ်လီၤ.

စံးထီၣ်ပတြၢၤ 76:2

အဝဲအိၣ်ဒီးအဟံၣ်လၢဝ့ၢ်ယရူၤၡလ့ၣ်အပူၤ, ဒီးအိၣ်ဝဲဆိးဝဲလၢကစၢၢ်စံယိၣ်လီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်တၢ်ဂံၢ် 23:21

ယထံၣ်ဆိပာ်တၢ်လၢကီၢ်အံၣ်စရ့လးအတၢ်အိၣ်မူဆူညါတဟဲစိာ်န့ၢ် အီၤတၢ်တတၢးတနါမ့တမ့ၢ်, တၢ်ကီတၢ်ခဲနီတမံၤန့ၣ်ဘၣ်. ယွၤ, အဝဲသ့ၣ်အကစၢ်ယွၤန့ၣ်အိၣ်ဒီးအဝဲသ့ၣ်လီၤ. အဝဲသ့ၣ်ကိးထီၣ်ဘိးဘၣ်သ့ၣ်ညါဝဲလၢယွၤမ့ၢ် အဝဲသ့ၣ်အစီၤပၤန့ၣ်လီၤ.