စံးထီၣ်ပတြၢၤ 133:2 - Sgaw Karen Common Bible

² မၤသးဒ်သိလုၢ်ဒိၣ်ပှ့ၤဒိၣ်အိၣ်လၢအခိၣ်လၢအယွၤ လီၤပၢၢ်လၢအခၣ်ဆူၣ်, စီၤအၤဟရိၣ်အခၣ်ဆူၣ်, လၢအ ယွၤလီၤပၢၢ်လၢအဆ့အခီၣ်ထံးအသိးန့ၣ်,

စံးထီၣ်ပတြၢၤ 133:2 Iomraidhean Croise

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

လံာ်တၢ်ဟးထီၣ်ကွံာ် 28:33

လၢအခီၣ်ထံးဝးတရံးအသရ့ၤန့ၣ်, ဆးန့ၢ်သလဲသၣ်အလွဲၢ်လါတဖၣ်, အလွဲၢ်လုးတကုာ်တဖၣ်ဒီးသိဆူၣ် ဂီၤဃုာ်ဒီးဒၢလွဲထူဖိတဖၣ်အိၣ်လၢအဘၢၣ်စၢၤန့ၣ်တက့ၢ်.

လံာ်တၢ်ဟးထီၣ်ကွံာ် 29:7

အန့ၣ်ဝံၤဒီးဟံးန့ၢ်သိဖှူတၢ်, ဒီးလူလီၤလၢအခိၣ်လိၤဒီးဖှူ အီၤတက့ၢ်.

လံာ်တၢ်ဟးထီၣ်ကွံာ် 30:35

သူအီၤလၢနကမၤကဲထီၣ်တၢ်နၢမူ, ဃါဃုာ်အသးဒ်ဒီးသိနၢမူ အသိးန့ၣ်တက့ၢ်. ဒၢနုာ်ဃုာ်အံသၣ်လၢတၢ်ပာ်ကဆှီဒီးပာ်စီဆှံအီၤအဂီၢ်တက့ၢ်.

လံာ်တၢ်ဟးထီၣ်ကွံာ် 39:24

ဆ့ကၤဖးထီအခီၣ်ထံးဝးတရံးန့ၣ်တၢ်ဆးထီၣ်ဝဲသလဲသၣ်တဖၣ်လၢ လုၣ်အလွဲၢ်လါအဲး, အလွဲၢ်လုးတကုာ်ဒီးသိဆူၣ်အလွဲၢ်ဂီၤဒီးတၢ်ကံးညာ်ပိၤဘံ ပကံးအသးဂ့ၤဂ့ၤတဖၣ်န့ၣ်လီၤ.

တၢ်ကတိၤဒိ. 27:9

တၢ်နၢမူဒီးသိနၢမူမၤမုာ်မၤခုၣ်အါထီၣ်နသးလီၤ. မ့မ့ၢ်တၢ်ကိၢ်တၢ်ဂီၤမၤလီၤကလဲကွံာ်နသးအတၢ်ဃူတၢ်မုာ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်တၢ်ဘူၣ်ထီၣ်ဘါထီၣ် 8:12

ဒီးပာ်စုစီၤအၤဟရိၣ်ခီဖျိတၢ်လူလီၤသိဖှူတၢ်တနီၤလၢအခိၣ်လိၤန့ၣ်လီၤ.

လံာ်ယိၤဟၣ် 12:3

နီၢ်မၤရံဟံးန့ၢ်သိနၢမူလုၢ်ဒိၣ်ပှ့ၤဒိၣ်လၢတၢ်မၤန့ၢ်အီၤလၢနၢ်ဒူး အဂံၢ်ဒီပလီညါဒီးလူလီၤဝဲလၢယ့ၣ်ၡူးအခီၣ်အလိၤဒီး ထွါကွံာ်ဝဲလၢအခိၣ်သူလီၤ. သိနၢမူအံၤနၢမူထီၣ်ဝဲပှဲၤဟံၣ်ဒီ ဖျၢၣ်ညါန့ၣ်လီၤ.