စံးထီၣ်ပတြၢၤ 132:9 - Sgaw Karen Common Bible

⁹ မ်နပှၤလုၢ်တၢ်အခိၣ်တဖၣ် မၤတၢ်အဘၣ်ထီဘိတထံၣ်ဃီတက့ၢ်. မ်နပှၤဂီၢ်မုၢ်ကိးထီၣ်လၢ တၢ်သးခုအပူၤတက့ၢ်.

စံးထီၣ်ပတြၢၤ 132:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:41

ယွၤ, ကစၢ်ယွၤဧၢ, ဂဲၤထၢၣ်ခဲကနံၣ်အံၤ, ဒီးလဲၤနုာ်ဆူယွၤအတၢ် လုၢ်ဟံၣ်ပူၤဃုာ်ဒီးတၢ်အၢၣ်လီၤအီလီၤအတလါစီဆှံ, တၢ်အဒိဘၣ်ထွဲဒီးနတၢ်စိတၢ်ကမီၤဒီးအိၣ်နဲဆိးနဲဖဲအံၤ လီၤစိၤလီၤထီတက့ၢ်. ဆိၣ်ဂ့ၤနပှၤလုၢ်တၢ်အခိၣ်တဖၣ်လၢကယဲၢ်တၢ်ခဲလၢာ်လၢအမၤဝဲအပူၤ ဒီးမ်နပှၤဂီၢ်မုၢ်ခဲလၢာ်သူၣ်ဖှံသးညီ, မ့ၢ်လၢနတၢ်မၤဂ့ၤဘၣ်အဝဲသ့ၣ်အဃိန့ၣ်တက့ၢ်.

လံာ်စီၤယိၤဘး 29:14

ယမၤတၢ်လၢတၢ်စံၣ်ညီၣ်တီဒီးတၢ်တီတၢ်လိၤအပူၤထီဘိန့ၣ်လီၤ.

စံးထီၣ်ပတြၢၤ 104:1

ယသးဧၢ, စံးထီၣ်ပတြၢၤယွၤတက့ၢ်. ယွၤယကစၢ်ယွၤဧၢ, နဒိၣ်ဝဲဒိၣ်နီၢ်မးလီၤ. နကူနသိးဒီးတၢ်လၤတၢ်ကပီၤ ဒီးတၢ်ကဟုကညီၢ်လီၤ.

စံးထီၣ်ပတြၢၤ 132:16

ယကဆိၣ်ဂ့ၤအပှၤလုၢ်တၢ်အခိၣ်တဖၣ် လၢအတၢ်မၤခဲလၢာ်အပူၤ, ဒီးအပှၤဂီၢ်မုၢ်ကသးဝံၣ်တၢ်ဒီး ကိးထီၣ်လၢတၢ်သးခုအပူၤလီၤ.

စံးထီၣ်ပတြၢၤ 149:5

မ်ကစၢ်ယွၤအပှၤဂီၢ်မုၢ်သူၣ်ဖှံသးညီ လၢအတၢ်မၤနၢၤအပူၤ, ဒီးသးဝံၣ်တၢ်လၢ တၢ်သးခုဒီနၤညါတက့ၢ်.

စံးထီၣ်ပတြၢၤ 47:1

ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု, ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ အတၢ်သးဝံၣ်တဖၣ်န့ၣ်တက့ၢ်.

စံးထီၣ်ပတြၢၤ 68:3

မ့မ့ၢ်ပှၤတီပှၤလိၤန့ၣ်မ်အသးခုတက့ၢ်. မ်အဝဲသ့ၣ်သူၣ်ဖှံသးညီလၢကစၢ်ယွၤ အမဲာ်ညါတက့ၢ်. မ်အဝဲသ့ၣ်ကိးထီၣ်လၢတၢ်သးခုန့ၣ်တက့ၢ်.

စံးထီၣ်ပတြၢၤ 70:4

ပှၤလၢအဃုနၤခဲလၢာ်န့ၣ် မ်အသူၣ်ဖှံသးညီဒီးသူၣ်ခုသးခုလၢနပူၤတက့ၢ်. မ်ပှၤလၢအအဲၣ်နတၢ်အုၣ်က့ၤခီၣ်က့ၤတဖၣ်န့ၣ် စံးဝဲထီဘိ “ကစၢ်ယွၤန့ၣ်ဒိၣ်ဝဲ” န့ၣ်တက့ၢ်.

စံးထီၣ်ပတြၢၤ 93:1

ယွၤမ့ၢ်စီၤပၤလီၤ. အဝဲကူသိးဝဲတၢ်ကဟုကညီၢ် ဒီးတၢ်ဂံၢ်တၢ်ဘါလီၤ. ဟီၣ်ခိၣ်ဘၣ်တၢ်ပာ်ဂၢၢ်ပာ်ကျၢၤအီၤ ဒီးဘၣ်တၢ်မၤဟူးဝးအီၤတန့ၢ်ဘၣ်.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်ယၡါယၤ 65:14

အဝဲသ့ၣ်ကသးဝံၣ်တၢ်လၢတၢ်သးခုအဃိ, မ့မ့ၢ်သုဝဲ သုကဟီၣ်လၢတၢ်သူၣ်ကၢ်သးလီၤအပူၤလီၤ.

လံာ်စဖါနယၤ 3:14

အံၣ်စရ့လးအပှၤဂီၢ်မုၢ်ဧၢ, သးဝံၣ်ဒီးကိးထီၣ်လၢတၢ်သူၣ်ဖှံသးညီ အပူၤတက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, သူၣ်ခုသးခုလၢနသးဒီဖျၢၣ်ညါန့ၣ်တက့ၢ်.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

ရိမ့ၤ 13:14

မ့မ့ၢ်ဟံးထီၣ်ကစၢ်ယ့ၣ်ၡူးခရံာ်အစုကဝဲၤတဖၣ်ဒီးဆိ ကတီၢ်သုတၢ်မၤမံသူၣ်မံသးလီၤက့ၤသုနီၢ်ခိဒီးအတၢ် မိၣ်န့ၢ်သးလီတဖၣ်န့ၣ်တက့ၢ်.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)

လံာ်ပှၤစံၣ်ညီၣ်ကွီၢ် 5:31

မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.