စံးထီၣ်ပတြၢၤ 132:2 - Sgaw Karen Common Bible

² ယွၤဧၢ, သ့ၣ်နီၣ်ထီၣ်က့ၤတၢ်လၢအဝဲအၢၣ်လီၤတ့ၢ်ဝဲ, တၢ်ဆိၣ်လၢအမၤတ့ၢ်ဝဲဒီးနၤ, စီၤယၤကိာ်အကစၢ်ယွၤလၢအဂံၢ်ဆူၣ်ဘါဆူၣ်,

စံးထီၣ်ပတြၢၤ 132:2 Iomraidhean Croise

လံာ်တၢ်ကဲထီၣ်အခီၣ်ထံး 49:24

ဘၣ်ဆၣ်ဒီးအဝဲအချံၣ်အိၣ်ဂၢၢ်ကျၢၤဝဲဒီးအစုဒုၣ်တဖၣ်ဘၣ်တၢ် ဒုးဆူၣ်ထီၣ်အီၤလၢတၢ်စိတၢ်ကမီၤလၢအဟဲဝဲလၢသ့တၢ်လၢာ်, ပှၤကွၢ်သိ, ဒီးပှၤကဟုကယာ်ကီၢ်အံၣ်စရ့လးတဂၤအအိၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:1

စီၤပၤဒၤဝံးအိၣ်ဂၢၢ်ဆိးကျၢၤဝဲလၢအနူၢ်ပူၤစီၤပူၤဒီး ယွၤကဟုဘံၣ်ကယာ်ဘၢအီၤပူၤဖျဲးဒီးကယဲၢ်အဒုၣ်အဒါတဖၣ်န့ၣ် လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:2

တုၤနုၤတစုစီၤပၤစံးဘၣ်ဝံနၤသၣ်, “ယအိၣ်ဆိးဖဲအံၤလၢ ဟံၣ်တဖျၢၣ်လၢအဘၣ်တၢ်ဘှီထီၣ်အီၤလၢသ့ၣ်ဆှိအ့ရ့းအပူၤလီၤ. မ့မ့ၢ်ကစၢ်ယွၤအတၢ်အၢၣ်လီၤအီလီၤအတလါစီဆှံန့ၣ်ဘၣ်တၢ်ပာ် အီၤလၢဒဲတဖျၢၣ်အပူၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 28:2

စီၤဒၤဝံးဆၢထၢၣ်လၢအဝဲသ့ၣ်အမဲာ်ညါ, ဒီးကတိၤလီၤတၢ်ဆူ အဝဲသ့ၣ်အအိၣ်, “ယပှၤထံဖိကီၢ်ဖိသ့ၣ်ဧၢ, ဒိကနၣ်ယၤတက့ၢ်. တၢ်မိၢ်သူၣ်ထီၣ်တ့ၢ်ဘၣ်ယသးလၢဟံၣ်အဂၢၢ်အကျၢၤတဖျၢၣ်လၢယွၤ အတလါစီဆှံ, ယွၤပကစၢ်ယွၤအခီၣ်ယီၢ်လီၤအလီၢ်အဂီၢ်န့ၣ်လီၤ. လၢတၢ်မၤလၤမၤကပီၤအီၤအဂီၢ်, ယကတဲာ်ကတီၤတ့ၢ်တၢ်တဖၣ်လၢတၢ်ကသူၣ်ထီၣ်တၢ်လုၢ်ဟံၣ်တဖျၢၣ်,

စံးထီၣ်ပတြၢၤ 119:106

ယမၤတၢ်ဆိၣ်တမံၤဒီး ပာ်ဂၢၢ်ပာ်ကျၢၤအီၤလၢယကပိာ်ထွဲနတၢ်သိၣ်တၢ် သီတဖၣ်လၢ အတီအလိၤန့ၣ်လီၤ.

စံးထီၣ်ပတြၢၤ 132:5

တချုးဒံးဘၣ်လၢ ယမၤန့ၢ်ပာ်စၢၤ တၢ်လီၢ်တတီၤလၢ ယွၤအဂီၢ်, ဟံၣ်တဖျၢၣ်လၢ စီၤယၤကိာ်အကစၢ်ယွၤလၢ အဂံၢ်ဆူၣ်ဘါဆူၣ်အဂီၢ်န့ၣ်ဘၣ်.”

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 50:1

ယွၤ, တၢ်အစိဒိၣ်ကမီၤထီကစၢ်ယွၤကတိၤတၢ်လီၤ. ကိးပှၤဟီၣ်ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ.

စံးထီၣ်ပတြၢၤ 56:12

ကစၢ်ယွၤဧၢ, တၢ်လၢယဆိၣ်တၢ်လၢနဂီၢ်သ့ၣ်တဖၣ်န့ၣ်, ယကပာ်ဖျါထီၣ်အီၤ, ယကဟ့ၣ်ထီၣ်တၢ်စံးထီၣ်ပတြၢၤ အတၢ်မၤဘူၣ်သ့ၣ်တဖၣ်ဆူနၤလီၤ.

စံးထီၣ်ပတြၢၤ 65:1

ကစၢ်ယွၤဧၢ, ဂ့ၤဝဲလၢပကစံးထီၣ်ပတြၢၤနၤလၢစံယိၣ် ဒီးပၢၤဃာ်ပတၢ်အၢၣ်လီၤဒီးနၤ,

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.