စံးထီၣ်ပတြၢၤ 13:1 - Sgaw Karen Common Bible

¹ ဆံးယံာ်လဲၣ်, ယွၤဧၢ, နကသးပ့ၤနီၣ်ယၤလီၤထူလီၤယိာ်ဧါ. နကပာ်တဒၢနမဲာ်ဒီးယၤဆံးယံာ်လဲၣ်.

စံးထီၣ်ပတြၢၤ 13:1 Iomraidhean Croise

လံာ်စီၤယိၤဘး 13:24

ဘၣ်မနုၤလၢနပာ်ခူသူၣ်နမဲာ်ဒီးပာ်ယၤဒ်နဒုၣ်နဒါတဂၤအသိးန့ၣ် လဲၣ်.

စံးထီၣ်ပတြၢၤ 10:12

ယွၤဧၢ, ဂဲၤဆၢထၢၣ်တက့ၢ်. ကစၢ်ယွၤဧၢ, ယူာ်ထီၣ်နစုတက့ၢ်. သးပ့ၤနီၣ်ပှၤလၢအဘၣ်တၢ်မၤနးမၤဖှီၣ်အီၤ န့ၣ်တဂ့ၤ.

စံးထီၣ်ပတြၢၤ 35:17

ယွၤဧၢ, မ့ၢ်နကကွၢ်ဒၣ်တၢ်ဒ်အံၤဆံးယံာ်လဲၣ်. မၤပူၤမၤဖျဲးယၤလၢအဝဲသ့ၣ်အတၢ် မၤဟးဂူာ်ဟးဂီၤတၢ်တဖၣ် ဒီးယသးသမူလၢခ့ယုၢ်တဖၣ်န့ၣ်တက့ၢ်.

စံးထီၣ်ပတြၢၤ 44:24

ဘၣ်မနုၤလၢနပာ်သဒၢနသးလၢပှၤန့ၣ်လဲၣ်. တဘၣ်သးပ့ၤနီၣ်ပတၢ်နးတၢ်ဖှီၣ်ဒီး ပတၢ်ကိၢ်တၢ်ဂီၤန့ၣ်တဂ့ၤ.

စံးထီၣ်ပတြၢၤ 6:3

ယသးကိၢ်နးမးလီၤ. ယွၤဧၢ, နကခိးနဲဆံးယံာ်လၢနကမၤစၢၤယၤအဂီၢ်န့ၣ်လဲၣ်.

စံးထီၣ်ပတြၢၤ 74:1

ကစၢ်ယွၤဧၢ, ဘၣ်မနုၤလၢနညိကွံာ်ပှၤ လီၤထူလီၤယိာ်န့ၣ်လဲၣ်. ဘၣ်မနုၤလၢနတၢ်သးထီၣ်အမ့ၣ်အူခုၣ်ထီၣ်ထီဒါ နတၢ်အီၣ်ဆၣ်အလီၢ်အသိတဖုန့ၣ်လဲၣ်.

စံးထီၣ်ပတြၢၤ 80:4

ယွၤသ့တၢ်လၢာ်အကစၢ်ယွၤဧၢ, မ့ၢ်နကသးထီၣ်နပှၤဂီၢ်မုၢ် အတၢ်ထုကဖၣ်န့ၣ်ဆံးယံာ်လဲၣ်.

စံးထီၣ်ပတြၢၤ 85:5

မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နကမၤယံာ်ထီၣ်နတၢ်သးထီၣ်ဆူ ကယဲၢ်စိၤခဲလၢာ်န့ၣ်ဧါ.

စံးထီၣ်ပတြၢၤ 89:46

ဆံးယံာ်လဲၣ်, ယွၤဧၢ, မ့ၢ်နကပာ်တဒၢနသးလီၤထူလီၤယိာ်လီၤဧါ. မ့ၢ်နတၢ်သးထီၣ် ကအီၣ်တၢ်ဒ်မ့ၣ်အူအသိးဆံးယံာ်လဲၣ်.

စံးထီၣ်ပတြၢၤ 90:14

မၤပှဲၤပှၤလၢနတၢ်အဲၣ်ဂၢၢ်ကျၢၤကိးမုၢ်ဂီၤဒဲး, ဒ်သိးပကသးဝံၣ်ထီၣ်တၢ်ဒီးသးခုလၢ ပတၢ်အိၣ်မူတစိၤဒၣ်ပှၤန့ၣ်တက့ၢ်.

လံာ်ယၡါယၤ 59:2

တၢ်အံၤ, မ့ၢ်ဒၣ်လၢသုတၢ်ဒဲးဘးတဖၣ်အဃိဒီးအဝဲ တနၢ်ဟူသုန့ၣ်လီၤ. တၢ်အံၤမ့ၢ်သုတၢ်ဒဲးဘးတဖၣ်လၢ အမၤလီၤဖးသုဒီးကစၢ်ယွၤဖဲသုကျဲးစၢးဘူၣ်ထီၣ်ဘါထီၣ် အီၤအကတီၢ်န့ၣ်လီၤ.

လံာ်သးသယုၢ်တၢ် 5:20

ဘၣ်မနုၤအဃိလၢနညိကွံာ်ပှၤဖးယံာ်န့ၣ်လဲၣ်. မ့ၢ်နကသ့ၣ်နီၣ်ထီၣ်ပှၤတဘျီဘျီဒံးဧါ.

လံာ်သိၣ်လီၤသီလီၤတၢ် 31:17

တုၤတၢ်မၤအသးဒီး, ယကသးဒိၣ်ထီၣ်ဘၣ်အဝဲသ့ၣ်, ယကဲၤသဒၣ်ကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်မၤဟးဂီၤကွံာ်အီၤ လီၤ. တၢ်တတၢးတနါတဖၣ်လၢအလီၤပျံၤအါမံၤကလီၤဘၣ်လၢအဝဲသ့ၣ်အ လိၤ, ဒီးအန့ၣ်တစုအဝဲသ့ၣ်ကသ့ၣ်ညါနီၣ်ဝဲလၢတၢ်တဖၣ်အံၤမၤအသးဒီး အဝဲသ့ၣ်မ့ၢ်လၢ, ယၤ, အဝဲသ့ၣ်အကစၢ်ယွၤတအိၣ်လၢၤဘၣ်ဒီးအဝဲသ့ၣ်အဃိ န့ၣ်လီၤ.