စံးထီၣ်ပတြၢၤ 129:5 - Sgaw Karen Common Bible

⁵ မ်ပှၤလၢအသးဟ့စံယိၣ်ခဲလၢာ် ဘၣ်တၢ်မၤနၢၤမၤဃၣ်အီၤဒီး နီၣ်ကဒါက့ၤအီၤန့ၣ်တက့ၢ်.

စံးထီၣ်ပတြၢၤ 129:5 Iomraidhean Croise

လံာ်စီၤနဃ့မယၤ 6:16

ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.

လံာ်နီၢ်အ့ၤစတၢ် 6:13

အဝဲတဲဘၣ်အမါနီၢ်စ့ရ့ၣ်ဒီးအသကိးခဲလၢာ်လၢတၢ် ကိးမံၤဒဲးလၢအမၤအသးဒီးအီၤန့ၣ်လီၤ. အန့ၣ်တစု, အမါဒီးအတံၤသကိးလၢအကူၣ်တၢ်သ့တဖၣ်စံးဘၣ်အီၤ, “နတၢ်စိတၢ်ကမီၤစးထီၣ်လီၤမၢ်ကွံာ်ဆူစီၤမၢ်ဒကဲၤအအိၣ်လံ. အဝဲမ့ၢ်ပှၤယူဒၤဖိတဂၤဒီးနမၤနၢၤအီၤတသ့ဘၣ်. အဝဲကမၤနၢၤကွံာ်နၤသပှၢ်ကတၢၢ်န့ၣ်လီၤ.”

လံာ်နီၢ်အ့ၤစတၢ် 9:5

လၢတၢ်န့ၣ်အဃိပှၤယူဒၤဖိမၤအဒုၣ်အဒါတဖၣ်ဖဲအသးသ့ဝဲလီၤ. အဝဲသ့ၣ်ထီဒါအဒုၣ်အဒါတဖၣ်လၢနးတဖၣ်ဒီးမၤသံအီၤလီၤ.

စံးထီၣ်ပတြၢၤ 122:6

ဘါထုကဖၣ်န့ၢ်တၢ်လၢ ယရူၤၡလ့ၣ်အတၢ်ဃူတၢ်ဖိးအဂီၢ်န့ၣ်တက့ၢ်. ပှၤလၢအအဲၣ်နၤတဖၣ်န့ၣ် မ်အကဘီၣ်ထီၣ်ညီထီၣ်န့ၣ်တက့ၢ်.

စံးထီၣ်ပတြၢၤ 40:15

မ်ပှၤလၢအနံၤဘၣ်ဖၣ်လဲယၤတဖၣ်န့ၣ် အမဲာ်ဆှးလီၤက့ၤအသးတုၤ အမၤက့ၤတၢ်မၤတသ့ဘၣ်နီတမံၤန့ၣ်တက့ၢ်.

စံးထီၣ်ပတြၢၤ 71:13

ပှၤလၢအဃုယသး ဒ်သိးကမၤဟးဂီၤယၤန့ၣ် မ်အဘၣ်တၢ်မဲာ်ဆှးဒီးဟးဂီၤကွံာ်န့ၣ်တက့ၢ်. ပှၤလၢအဃုယတၢ်ဟးဂီၤတဖၣ်န့ၣ် မ်အဘၣ်တၢ်လုၣ်ဘၢကွံာ်အီၤလၢတၢ်ဒုၣ်ဒွဲၣ်, ဒီးတၢ်မၤမဲာ်ဆှးန့ၣ်တက့ၢ်.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 29:8

ပှၤကလုာ်ခဲလၢာ်လၢအပာ်ဖှိၣ်အသးလၢကလဲၤထီၣ်ဒုးဝ့ၢ်ယရူၤ ၡလ့ၣ်န့ၣ်, ကလီၤဂာ်ဒီးပှၤသၣ်ဝံၤလီၤဒိတဂၤလၢအမံမီၢ်ဝဲလၢ အီၣ်တၢ်, ဘၣ်ဆၣ်ပၢၢ်ထီၣ်ဝဲလၢတၢ်သူၣ်ဝံၤသၣ်စ့ၤန့ၣ်လီၤ. မ့တမ့ၢ်ဘၣ်ဒီးကလီၤဂာ်ဒ်ပှၤတဂၤလၢအသးသူထံဘူးကသံ တ့ၢ်မးအသိးဒီးမံမီၢ်ဝဲလၢအအီထံ, ဘၣ်ဆၣ်ပၢၢ်ထီၣ်လၢအကိာ်ယူၢ်ဃ့ထီဝဲန့ၣ်လီၤ.

လံာ်ယၡါယၤ 37:22

ယွၤစံးတ့ၢ်ဝဲဒၣ်, “ဝ့ၢ်ယရူၤၡလ့ၣ်နံၤဘၣ်ဖၣ်လဲနၤဒီးသး ဘၣ်အၢနၤလံ, စီၤပၤစီၤစၤနဃ့ရံာ်ဧၢ.

လံာ်ယၡါယၤ 37:35

ယကကဟုကယာ်ဝ့ၢ်အံၤဒီးဒီဒၣ်အိၣ်ပှိၤအီၤလၢယလၤကပီၤဒၣ်ယဲ အဂီၢ်, ဒီးလၢယမၤတ့ၢ်တၢ်အၢၣ်လီၤအီလီၤဒီးယခ့ ယပှၤစီၤဒၤဝံးအဃိန့ၣ်လီၤ.”

လံာ်မံကၤ 4:11

ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်စကၤရယၤ 12:3

ဘၣ်ဆၣ်ဒီးဖဲအဆၢကတီၢ်အဝဲန့ၣ်တုၤဃီၤဒီး, ယကဒုးကဲထီၣ်ဝ့ၢ်ယရူၤၡလ့ၣ်ဒ်လၢၢ်အဃၢတဖျၢၣ်အသိး, ဒီးကယဲၢ်ပှၤတကလုာ်ဂ့ၤတကလုာ်ဂ့ၤလၢအကျဲးစၢးစိာ်ထီၣ်အီၤန့ၣ် ကဘၣ်ဒိဘၣ်ထံးဝဲဒၣ်လီၤ. ပှၤကလုာ်ခဲလၢာ်လၢဟီၣ်ခိၣ်ချၢကပာ်ဖှိၣ်ထီၣ်အသုးမုၢ်သံၣ်ဘိ တဖၣ်ဒီးကဒုးတၢ်ထီဒါအီၤလီၤ.

လံာ်စကၤရယၤ 12:6

ဖဲအဆၢကတီၢ်အဝဲန့ၣ်, ယကဒုးကဲထီၣ်ကီၢ်ယူဒၤ အဒူၣ်ထၢတဖၣ်ဒ်မ့ၣ်အူလၢပှၢ်တပှၢ်အပူၤအသိး, မ့တမ့ၢ်ဒ်, ဘုလၢအမံထီၣ်အစံာ်ပျီပူၤတပူၤအသိး, ဒီးအဝဲသ့ၣ်ကမၤဟးဂီၤကွံာ်ပှၤကလုာ်အိၣ်ဝးတရံးအီၤခဲလၢာ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်ကအိၣ်တ့ၢ်ပူၤဖျဲးဝဲလၢဝ့ၢ်အပူၤန့ၣ်လီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.