စံးထီၣ်ပတြၢၤ 129:2 - Sgaw Karen Common Bible

² “စးထီၣ်လၢယသးစၢ်လံၤလံၤန့ၣ် ယဒုၣ်ယဒါတဖၣ် မၤနးမၤဖှီၣ်ယၤ နးနးကျံၤကျံၤ, ဘၣ်ဆၣ်အဝဲသ့ၣ်တမၤနၢၤယၤဘၣ်.

စံးထီၣ်ပတြၢၤ 129:2 Iomraidhean Croise

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 118:13

ယဘၣ်တၢ်ဆီၣ်လီၤတ့ၢ်ယၤနးမး ဒ်သိးယကလီၤဃံၤလီၤ. ဘၣ်ဆၣ်ယွၤမၤစၢၤတ့ၢ်လံယၤလံ.

စံးထီၣ်ပတြၢၤ 125:1

ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ်စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ်ဝဲဆိးဝဲလီၤထူလီၤယိာ်လီၤ.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

စံးထီၣ်ပတြၢၤ 42:1

ကစၢ်ယွၤဧၢ, ဒ်တၤဟိဆၢန့ၢ်ထံကျိဖိလၢ အယွၤလီၤအသိး, ယသးဆၢန့ၢ်ဘၣ်နၤလီၤ.

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်မးသဲ 16:18

ဒီးယဲဒၣ်အံၤယစံးလၢနမ့ၢ်ပ့းတရူး, လၢၢ်တဖျၢၣ်, ဒီးလၢလၢၢ်အံၤအဖီခိၣ်န့ၣ်, ယကသူၣ်ထီၣ်ယတၢ်အိၣ်ဖှိၣ်, ဒီးတၢ်သံအစိကမီၤဒၣ်လဲာ်မၤနၢၤအီၤတန့ၢ်ဘၣ်လီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.