စံးထီၣ်ပတြၢၤ 129:1 - Sgaw Karen Common Bible

¹ အံၣ်စရ့လးဧၢ, တဲဘၣ်ပှၤလၢ နဘၣ်တၢ်မၤနးမၤဖှီၣ်နၤလၢနဒုၣ်နဒါတဖၣ်, စးထီၣ်လၢ နသးစၢ်လံၤလံၤဒ်လဲၣ်အဂ့ၢ်န့ၣ်တက့ၢ်.

စံးထီၣ်ပတြၢၤ 129:1 Iomraidhean Croise

စံးထီၣ်ပတြၢၤ 120:1

လၢယဘၣ်တၢ်ကီတၢ်ခဲအပူၤန့ၣ် ယကိးထီၣ်ယွၤ ဒ်သိးကစံးဆၢယၤလီၤ.

စံးထီၣ်ပတြၢၤ 121:1

ယကကျ့ထီၣ်ယမဲာ်ဆူကစၢၢ်ကလိ ဖဲတၢ်မၤစၢၤယၤဟဲဝဲလီၤ.

စံးထီၣ်ပတြၢၤ 122:1

တုၤပှၤစံးဘၣ်ယၤ, မ်ပလဲၤထီၣ်သကိးဆူယွၤအဟံၣ်တက့ၢ်န့ၣ်ယသူၣ်ခုယသးခု လီၤ.

စံးထီၣ်ပတြၢၤ 123:1

ပှၤလၢအပၢတၢ်လၢမူခိၣ်ဧၢ, ယကျ့ထီၣ်ယမဲာ်ဆူနၤလီၤ.

စံးထီၣ်ပတြၢၤ 124:1

မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး တၢ်ကမၤအသးဒ်လဲၣ် အံၣ်စရ့လးဧၢ, စံးဆၢတက့ၢ်.

စံးထီၣ်ပတြၢၤ 125:1

ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ်စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ်ဝဲဆိးဝဲလီၤထူလီၤယိာ်လီၤ.

စံးထီၣ်ပတြၢၤ 126:1

တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤပသးဒ်ပှၤလၢအမံမီၢ်တၢ်အသိးန့ၣ်လီၤ.

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 128:1

ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 88:15

လၢယဖိၣ်သၣ်ခွါထီၣ်လံၤလံၤဒၣ်လဲာ်, ယဘၣ်တ့ၢ်လံ တၢ်နးတၢ်ဖှီၣ်ဒီးဘူးလၢယကသံန့ၣ်လီၤ. ယလီၤဘှံးတ့ၢ်လံယဲလၢနတၢ်သိၣ်ဃီၣ်တဖၣ် အတၢ်ဝံတၢ်ယိးအဃိန့ၣ်လီၤ.

လံာ်တၢ်ဟးထီၣ်ကွံာ် 1:11

မၤသးဒ်န့ၣ်ဒီး, ပှၤအဲၤကူပတူးဖိတဖၣ်ပာ်လီၤပှၤအခိၣ်တဖၣ်လၢ တၢ်မၢကဲကုၢ်တၢ်အဂီၢ်လၢပှၤအံၣ်စရ့လးဖိသ့ၣ်တဖၣ်အဖီခိၣ်ဒ် သိးကမၤဟးဂီၤကွံာ်အသူၣ်အသးခီဖျိတၢ်မၤဆူၣ်မၤနၢၤန့ၣ် လီၤ. ဒီးပှၤအံၣ်စရ့လးဖိသ့ၣ်တဖၣ်သူၣ်ထီၣ်ဝ့ၢ်ပံသိၣ်ဒီးဝ့ၢ်ရၤ မစ့လၢကကဲထီၣ်တၢ်ပာ်ဖှိၣ်တၢ်အလီၢ်ခၢၣ်သးတဖၣ်လၢစီၤပၤအဂီၢ် န့ၣ်လီၤ.

လံာ်တၢ်ဟးထီၣ်ကွံာ် 1:22

လၢခံကတၢၢ်န့ၣ်, စီၤပၤဟ့ၣ်လီၤအကလုၢ်ဆူပှၤအဲၤကူပတူးဖိ ဒီးစံးဝဲ, “ဟံးန့ၢ်ပှၤဧ့ၤဘြံၤဖိသၣ်ပိာ်ခွါဖိလၢအအိၣ် ဖျဲၣ်ထီၣ်သီကိးဂၤဒဲးဒီးတ့ၢ်လီၤကွံာ်အီၤဆူထံကျိနံၤလါ အပူၤတက့ၢ်. မ့မ့ၢ်ဖိသၣ်ပိာ်မုၣ်ဖိတဖၣ်န့ၣ်ပျဲအမူကိးဂၤဒဲး တက့ၢ်.”

လံာ်ယၡါယၤ 47:12

ပၢၤဃာ်ကယဲၢ်နတၢ်မၤကဒါပှၤအမဲာ်, ဒီးနတၢ်အူတၢ်သမူတၢ်တဖၣ်တက့ၢ်. နသူတ့ၢ်တၢ်တဖၣ်န့ၣ်စးထီၣ်လၢနသးစၢ်အကတီၢ်လံၤလံၤန့ၣ်လီၤ. ဘၣ်သ့ၣ်သ့ၣ်, တၢ်တဖၣ်န့ၣ်ကမ့ၢ်တၢ်မၤစၢၤလၢနဂီၢ်တနီၤနီၤဒီး နမၤပျံၤမၤဖုးနဒုၣ်နဒါတဖၣ်ကသ့န့ၣ်လီၤ.

လံာ်ယံးရမံယၤ 2:2

လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ယံးရမံယၤ 22:21

ယွၤကတိၤတၢ်ဒီးနၤဖဲနဘီၣ်ထီၣ်ညီထီၣ်အခါ, ဘၣ်ဆၣ်နတဒိကနၣ်ဘၣ်. တၢ်န့ၣ်မ့ၢ်တၢ်လၢနမၤတ့ၢ်အီၤလၢနသးသမူဒီကတီၢ်ညါလီၤ. နတစူၢ်ဘၣ်ယွၤနီတစုဘၣ်.

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်ပှၤစံၣ်ညီၣ်ကွီၢ် 2:15

ဖဲအဝဲသ့ၣ်လဲၤဒုးတၢ်တဘျီဘျီလၢ်လၢ်န့ၣ်, ယွၤထီဒါအဝဲသ့ၣ်, ဒ်အစံးတ့ၢ်ဝဲအသိးန့ၣ်လီၤ. ဒီးအဝဲသ့ၣ်အိၣ်လၢတၢ်သးဟးဂီၤဖးဒိၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:8

မၤသးဒ်န့ၣ်ဒီးယွၤသးဒိၣ်ထီၣ်ပှၤအံၣ်စရ့လးဖိဒီးပျဲကီၢ်မ့းစပတၤမံအစီၤပၤကူၡၣ်ရံးၡၤသဲၣ် မၤနၢၤအဝဲသ့ၣ်ဒီးအဝဲပၢပှၤအံၣ်စရ့လးဖိဃိးနံၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:19

လၢကီၢ်အံၣ်စရ့လးအပူၤန့ၣ်ပှၤပိာ်ထးတဖၣ်တအိၣ်ဘၣ်. အဂ့ၢ်ဒ်အံၤ, ပှၤဖလ့ၡသးဖိတဖၣ်ပာ်လီၤအသးလၢကမၤဝဲ ဒ်သိးပှၤဧ့ၤဘြံၤဖိတဖၣ်ဘှီနးဒီးဘီတဖၣ်အသုတသ့အဂီၢ်န့ၣ်လီၤ.