စံးထီၣ်ပတြၢၤ 128:5 - Sgaw Karen Common Bible

⁵ မ်ယွၤဆိၣ်ဂ့ၤနၤလၢစံယိၣ်, မ်နထံၣ်ဘၣ်ယရူၤၡလ့ၣ်အတၢ်အီၣ်ကုးအီပှဲၤ တစိၤဒၣ်နၤတက့ၢ်.

စံးထီၣ်ပတြၢၤ 128:5 Iomraidhean Croise

စံးထီၣ်ပတြၢၤ 118:26

ပှၤတဂၤလၢအဟဲလၢယွၤအမံၤန့ၣ် မ်အဘၣ်တၢ်ဆိၣ်ဂ့ၤတက့ၢ်. ပဆိၣ်ဂ့ၤသုလၢယွၤအဟံၣ်ပူၤလီၤ.

စံးထီၣ်ပတြၢၤ 122:6

ဘါထုကဖၣ်န့ၢ်တၢ်လၢ ယရူၤၡလ့ၣ်အတၢ်ဃူတၢ်ဖိးအဂီၢ်န့ၣ်တက့ၢ်. ပှၤလၢအအဲၣ်နၤတဖၣ်န့ၣ် မ်အကဘီၣ်ထီၣ်ညီထီၣ်န့ၣ်တက့ၢ်.

စံးထီၣ်ပတြၢၤ 134:3

ယွၤလၢအတ့လီၤမူခိၣ်, ဒီးဟီၣ်ခိၣ်တဂၤန့ၣ် မ်အဆိၣ်ဂ့ၤနၤလၢစံယိၣ်တက့ၢ်.

စံးထီၣ်ပတြၢၤ 135:21

စံးထီၣ်ပတြၢၤယွၤလၢ စံယိၣ်အပူၤ, လၢအဟံၣ်လၢ ယရူၤရှလ့ၣ်အပူၤန့ၣ်တက့ၢ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 20:2

မ်အဆှၢလီၤတၢ်မၤစၢၤနၤလၢတၢ်လီၢ်စီဆှံ ဒီးဟ့ၣ်လီၤနၤတၢ်မၤစၢၤ လၢကစၢၢ်စံယိၣ်န့ၣ်တက့ၢ်.

စံးထီၣ်ပတြၢၤ 20:3

မ်အသ့ၣ်နီၣ်ထီၣ်က့ၤနတၢ်မၤဘူၣ်ခဲလၢာ် ဒီးသးခုတူၢ်လိာ်နတၢ်လုၢ်မ့ၣ်အူတဖၣ်န့ၣ်တက့ၢ်. စ့လၤ

လံာ်ယၡါယၤ 2:3

ဒီးအပှၤဂီၢ်မုၢ်တဖၣ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်, ဆူအံၣ်စရ့လးအကစၢ်ယွၤအတၢ်လုၢ်ဟံၣ်န့ၣ်တက့ၢ်. အဝဲကသိၣ်လိပှၤတၢ်လၢအဝဲသးအိၣ်လၢပကမၤအီၤ ဒီးပကလဲၤတၢ်လၢကျဲတဖၣ်လၢအဝဲဃုထၢတ့ၢ်ဝဲလီၤ. အဂ့ၢ်ဒ်အံၤ, ယွၤအတၢ်သိၣ်လိသီလိဟဲလၢ ဝ့ၢ်ယရူၤရှလ့ၣ် ဒီးလၢကစၢၢ်စံယိၣ်န့ၣ်အဝဲကတိၤတၢ်ဒီး အပှၤဂီၢ်မုၢ်လီၤ.”

လံာ်ယၡါယၤ 33:20

ကွၢ်ဃီၤစံယိၣ်, ဝ့ၢ်လၢပမၤပတၢ်ဘူၣ်တၢ်ဘါအမူးတဖၣ်န့ၣ် တက့ၢ်. ကွၢ်ဃီၤဝ့ၢ်ယရူၤရှလ့ၣ်တက့ၢ်. ကမ့ၢ်ဝဲတၢ်ပူၤဖျဲး အလီၢ်တတီၤလၢပကအိၣ်လၢအပူၤမးလဲၣ်. ကလီၤဂာ်ဒီးဒဲတဖျၢၣ်လၢတၢ်တသုးအလီၢ်နီတဘျီဘၣ်, အနီၣ်စဲတဖၣ်တဘၣ်တၢ်ထဲးထီၣ်ကွံာ်အီၤနီတဘျီဘၣ်, ဒီးလၢအပျံၤတဖၣ်တဘၣ်တၢ်မၤတဲာ်ကွံာ်အီၤနီတဘျီဘၣ် န့ၣ်လီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.