စံးထီၣ်ပတြၢၤ 128:2 - Sgaw Karen Common Bible

² နကအီၣ်နစုအတၢ်ဖံးတၢ်မၤအတၤသၣ်, နကသူၣ်ဖှံသးညီဒီးနကအိၣ်မုာ်လီၤ.

စံးထီၣ်ပတြၢၤ 128:2 Iomraidhean Croise

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 109:11

မ်ဒ့ၣ်ကမၢ်ကစၢ်တဖၣ်ဟံးန့ၢ်တၢ်အိၣ်ဒီးအီၤခဲလၢာ်, မ်ပှၤတခီဘီမုၢ်ဖိဂုာ်န့ၢ်အတၢ်ဖံးတၢ်မၤ အတၤသၣ်တဖၣ်န့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 8:12

ပှၤဒဲးဘးဖိတဂၤမ့ၢ်မၤတၢ်ထီဒါတၢ်သိၣ်တၢ်သီအဘျီတက ယၤနာ်က့အိၣ်မူဒံးဝဲလီၤ. အိ, မ့ၢ်, ယသ့ၣ်ညါတၢ်လၢအဝဲသ့ၣ် စံးဝဲ, “နမ့ၢ်စူၢ်ကစၢ်ယွၤဒီး, တၢ်ခဲလၢာ်ကဘၣ်ဘျီးဘၣ်ဒါဝဲလီၤ.”

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယၡါယၤ 62:8

ယွၤမၤတ့ၢ်တၢ်အၢၣ်လီၤအီလီၤသမှံၤသပှၢ်တမံၤ, ဒီးလၢအစိကမီၤဒၣ်ဝဲန့ၣ်ကဒုးကဲထီၣ်လိၣ်ထီၣ်ဝဲလီၤ. အဝဲစံးဝဲဒၣ်လၢ, နဘုဧိၤဟုဧိၤတကဲထီၣ်လၢၤဘၣ်တၢ်အီၣ် လၢနဒုၣ်နဒါတဖၣ်အဂီၢ်, ဒီးပှၤတခီဘီမုၢ်ဖိတဖၣ်တအီလၢၤဘၣ်နစပံးထံဘၣ်.

လံာ်ယၡါယၤ 65:13

လၢတၢ်န့ၣ်အဃိ, ယစံးဘၣ်တဲဘၣ်သုလၢပှၤလၢအဘူၣ်ထီၣ် ဘါထီၣ်ဒီးစူၢ်ယၤန့ၣ်ကအိၣ်ဒီးတၢ်အီၣ်ကုးအီပှဲၤ, မ့မ့ၢ်, သုဝဲသုကသၣ်ဝံၤလီၤဒိန့ၣ်လီၤ. အဝဲသ့ၣ်ကသူၣ်ဖှံ သးညီဝဲ, မ့မ့ၢ်သုဝဲသုကဘၣ်တၢ်မၤမဲာ်ဆှးကွံာ်သုလီၤ.

လံာ်ယံးရမံယၤ 22:15

နမ့ၢ်သူၣ်ထီၣ်ဟံၣ်တဖၣ်လၢသ့ၣ်ဆှိအ့ရ့းလၢအဂ့ၤန့ၢ်ဒံးပှၤအဂၤ အဟံၣ်တဖၣ်ဒီး, တၢ်န့ၣ်ကဒုးကဲထီၣ်နၤလၢစီၤပၤအဂ့ၤအါဒိၣ်တဂၤဧါ. နပၢ်မုာ်လၤသးခုလၢတၢ်အိၣ်မူအလၢအပှဲၤလီၤ. ထီဘိတထံၣ်ဃီန့ၣ်, အဝဲစံၣ်ညီၣ်တီတၢ်ဒီးတကွၢ်မဲာ်တၢ်ဘၣ်. ဒီးအဝဲဘီၣ်ထီၣ်ညီထီၣ်တ့ၢ်လၢတၢ်ကိးမံၤဒဲးလၢအဝဲမၤတ့ၢ်ဝဲအပူၤန့ၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

အ့းဖ့းစူး 6:3

“လၢသုကဘီၣ်ထီၣ်ညီထီၣ်ဒီးသုကအိၣ်မူဘၣ်အါနံၣ်အါ လါလၢကီၢ်အပူၤန့ၣ်လီၤ.”

လံာ်သိၣ်လီၤသီလီၤတၢ် 28:11

ယွၤကဟ့ၣ်သုလၢဖိတဖၣ်အါအါဂီၢ်ဂီၢ်, ဂီၤဘုၣ်ဂီၤဖံးအါအါ ဂီၢ်ဂီၢ်, ဒီးတၢ်မုၢ်တၢ်ဘိတၤသူတၤသၣ်အါအါကလဲာ်လၢကီၢ် တဘ့ၣ်လၢအဝဲအၢၣ်လီၤတ့ၢ်သုမိၢ်ပၢ်ဖံဖုလၢပျၢၤတဖၣ်လၢ ကဟ့ၣ်လီၤသု, အပူၤန့ၣ်လီၤ.

လံာ်သိၣ်လီၤသီလီၤတၢ် 28:39

သုကသူၣ်လီၤဖျးလီၤစပံးလီၢ်တဖၣ်ဒီးအံးထွဲကွၢ်ထွဲအဝဲ သ့ၣ်, ဘၣ်ဆၣ်သုတဒဲးဘၣ်အစပံးသၣ်တဖၣ်မ့ၢ်ဂ့ၤ, အီဘၣ်စပံးထံလၢအီၤမ့ၢ်ဂ့ၤဘၣ်, မ့ၢ်လၢသံမိၢ်ပီၤတဖၣ်ကအီၣ် ကွံာ်စပံးအမုၢ်တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 28:4

ယွၤကဆိၣ်ဂ့ၤသုလၢဖိတဖၣ်အါအါဂီၢ်ဂီၢ်, ဒီးတၢ်မုၢ်တၢ်ဘိ တၤသူတၤသၣ်အါအါဂီၢ်ဂီၢ်, ဒီးဂီၤဘုၣ်ဂီၤဖံးဒီးသိဂီၢ် မုၢ်ဂီၢ်ပၤန့ၣ်လီၤ.

လံာ်သိၣ်လီၤသီလီၤတၢ် 28:51

အဝဲသ့ၣ်ကအီၣ်ကွံာ်သုဆၣ်ဖိကီၢ်ဖိလၢသုဘုၣ်အီၤတဖၣ်ဒီးသု တၢ်မုၢ်တၢ်ဘိ, တၤသူတၤသၣ်တဖၣ်, ဒီးသုကသၣ်ဝံၤလီၤဒိသံကွံာ်န့ၣ်လီၤ. အဝဲသ့ၣ်တပာ်တ့ၢ်န့ၢ်သုလၢဘုဧိၤဟုဧိၤ, စပံးထံ, သ့ၣ်စၤယံးအသိ, ဆၣ်ဖိကီၢ်ဖိလၢသုဘုၣ်အီၤမ့ၢ်ဂ့ၤ, သိမ့ၢ်ဂ့ၤနီတမံၤဘၣ်, ဒီးသုကဘၣ်သံန့ၣ်လီၤ.

လံာ်သိၣ်လီၤသီလီၤတၢ် 28:8

ယွၤ, သုကစၢ်ယွၤကဆိၣ်ဂ့ၤသုတၢ်မၤဒီးမၤပှဲၤသုသိၣ်ဧိၤဖီ ဧိၤဒီးသုဘုသၣ်ဘုချံဒီးအဝဲကဆိၣ်ဂ့ၤသုလၢကီၢ်လၢအဝဲ ဟ့ၣ်လီၤသုအပူၤန့ၣ်လီၤ.