စံးထီၣ်ပတြၢၤ 127:2 - Sgaw Karen Common Bible

² သုဂဲၤဆၢထၢၣ်ဂီၤဂီၤ, သုကီၤမံဃဲးဃဲး, သုအီၣ်တၢ်သူၣ်ကိၢ်သးဂီၤအကိၣ်န့ၣ် မ့ၢ်တၢ်ကလီကလီလီၤ. အဂ့ၢ်ဒ်အံၤ, ပှၤလၢယွၤအဲၣ်အီၤတဖၣ်န့ၣ် ယွၤဟ့ၣ်အီၤလၢအမံဝဲဒ်န့ၣ်အသိးလီၤ.

စံးထီၣ်ပတြၢၤ 127:2 Iomraidhean Croise

လံာ်စီၤယိၤဘး 11:18

နကအိၣ်မူအိၣ်ဂဲၤလၢတၢ်ပူၤဖျဲးအပူၤဒီးပှဲၤဒီးတၢ်မုၢ်လၢ် န့ၣ်လီၤ. ကစၢ်ယွၤကကဟုဘံၣ်ကယာ်ဘၢနၤဒီးကဟ့ၣ်နၤတၢ် အိၣ်ဘှံးအိၣ်သါန့ၣ်လီၤ.

စံးထီၣ်ပတြၢၤ 3:5

ယမံလီၤယဲ, ဒီးယွၤကဟုဘံၣ်ကယာ်ဘၢယၤ ဒီတနၤညါလၢယတၢ်မံအပူၤလီၤ.

စံးထီၣ်ပတြၢၤ 4:8

ယကမံလီၤဒီးမံယဲမုာ်မုာ်လီၤ. ယွၤဧၢ, နမ့ၢ်ပှၤထဲတဂၤဧိၤလၢအကဟုဘံၣ် ကယာ်ဘၢယၤလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 60:5

ဒ်သိးပှၤလၢနအဲၣ်အီၤတဖၣ်ကပူၤဖျဲးအဂီၢ်န့ၣ်, ဟ့ၣ်တၢ်မၤနၢၤလၢနစုထွဲဒီးစံးဆၢလၢ်ပှၤတက့ၢ်.

တၢ်ကတိၤဒိ. 10:22

ယွၤအတၢ်ဆိၣ်ဂ့ၤန့ၣ်, ဒုးထူးတီၤထီၣ်နၤလီၤ. ဒီးအဝဲတပာ်ဖှိၣ်တၢ်သူၣ်အုးသးအုးဆူနတၢ်ထူးတၢ်တီၤန့ၣ်ဘၣ်.

လံာ်ပှၤစံၣ်တဲၤတဲလီၤတၢ် 1:14

ယထံၣ်တ့ၢ်တၢ်ခဲလၢာ်လၢတၢ်မၤတ့ၢ်လံအီၤလၢဟီၣ်ခိၣ်အံၤ, ဒီးယစံးဘၣ်နၤ, တၢ်ခဲလၢာ်န့ၣ်အဘျုးတအိၣ်ဘၣ်. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:12

ပှၤလၢအမၤတၢ်တဂၤန့ၣ်, တၢ်အီၣ်ကအိၣ်ဒီးအီၤလၢလၢပှဲၤပှဲၤ, မ့တမ့ၢ်တအိၣ်ဒီးအီၤသ့ၣ်သ့ၣ်လီၤ. ဘၣ်ဆၣ်, အစှၤကတၢၢ်န့ၣ်, အဝဲကမံဘၣ်ဝဲမုာ်မုာ်န့ၣ်လီၤ. မ့မ့ၢ်, ပှၤအထူးအတီၤတဂၤန့ၣ်အတၢ်အိၣ်အါတုၤဒၣ်လဲာ်ဘၣ်ကိၢ်ဘၣ် ဂီၤဒီးမံဝဲတန့ၢ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 6:7

ပှၤကညီတဂၤမၤအတၢ်မၤခဲလၢာ်မ့ၢ်ဒၣ်လၢကမၤန့ၢ်တၢ်တမံၤမံၤလၢ ကအီၣ်ဝဲအဂီၢ်, ဘၣ်ဆၣ်အဝဲတအိၣ်ဒီးတၢ်လၢလၢလီၣ်လီၣ်လၢအဂီၢ်နီတဘျီဘၣ်.

လံာ်ယံးရမံယၤ 31:26

အန့ၣ်ဒီး, ပှၤဂီၢ်မုၢ်ကစံးဝဲ, ‘ယမံတ့ၢ်ယဲမုာ်ဒိၣ်မးဒီး ယပၢၢ်ထီၣ် အိၣ်ဒီးတၢ်ဂံၢ်တၢ်ဘါန့ၣ်လီၤ.’

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.