စံးထီၣ်ပတြၢၤ 127:1 - Sgaw Karen Common Bible

¹ ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 127:1 Iomraidhean Croise

လံာ်စီၤပၤအခီၣ်ထံးတဘ့ၣ် 5:12

ယွၤဟံးဃာ်ဂၢၢ်ကျၢၤအတၢ်အၢၣ်လီၤဒီးဟ့ၣ်လီၤစီၤၡလိၤမိၤလၢ တၢ်ကူၣ်သ့န့ၣ်လီၤ. ဒီးတၢ်ဃူတၢ်ဖိးအိၣ်ဝဲလၢစီၤဃူရၣ်ဒီးစီၤၡလိၤမိၤအဘၢၣ် စၢၤဒီးအဝဲသ့ၣ်မၤတၢ်အၢၣ်လီၤလိာ်သးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:10

နကဘၣ်သ့ၣ်ညါလၢယွၤဃုထၢတ့ၢ်နၤလၢနကသူၣ်ထီၣ်အတၢ်လုၢ်ဟံၣ်စီ ဆှံအဂီၢ်န့ၣ်လီၤ. ခဲကနံၣ်အံၤမၤအီၤ, ဒီးမၤအီၤအိၣ်ဒီးတၢ်ပာ်လီၤသးကျၢၤမုဆှုတက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 28:20

စီၤပၤစီၤဒၤဝံးစံးဘၣ်အဖိခွါစီၤၡလိၤမိၤ, “နာ်န့ၢ်လီၤနသးဒီးပာ်နသးကျၢၤမုဆှုတက့ၢ်. စးထီၣ်နတၢ်မၤဒီးပျဲတၢ်နီတမံၤဒုးဆိကတီၢ်နၤတဂ့ၤ. ယွၤ, ကစၢ်ယွၤလၢယမၤအတၢ်ကအိၣ်ဒီးနၤလီၤ. အဝဲတပာ်လီၤတဲာ်နၤဘၣ်. မ့မ့ၢ်အဝဲကအိၣ်ဒီးနၤတုၤနသူၣ်ထီၣ်ယွၤအတၢ်လုၢ်ဟံၣ်ဝံၤဝဲ တစုန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 29:19

ယဟ့ၣ်လီၤယဖိခွါစီၤၡလိၤမိၤလၢကစူၢ်တၢ်တမံၤလၢ်လၢ်လၢန မၤလိာ်အီၤလၢအသးဒီဖျၢၣ်ညါလၢတၢ်သးအိၣ်, ဒီးလၢကသူၣ်ထီၣ်ယွၤအတၢ်လုၢ်ဟံၣ်လၢယကတဲာ်ကတီၤတ့ၢ်တၢ်သ့ၣ်တဖၣ် အံၤလၢအဂီၢ်န့ၣ်တက့ၢ်.”

စံးထီၣ်ပတြၢၤ 120:1

လၢယဘၣ်တၢ်ကီတၢ်ခဲအပူၤန့ၣ် ယကိးထီၣ်ယွၤ ဒ်သိးကစံးဆၢယၤလီၤ.

စံးထီၣ်ပတြၢၤ 121:1

ယကကျ့ထီၣ်ယမဲာ်ဆူကစၢၢ်ကလိ ဖဲတၢ်မၤစၢၤယၤဟဲဝဲလီၤ.

စံးထီၣ်ပတြၢၤ 122:1

တုၤပှၤစံးဘၣ်ယၤ, မ်ပလဲၤထီၣ်သကိးဆူယွၤအဟံၣ်တက့ၢ်န့ၣ်ယသူၣ်ခုယသးခု လီၤ.

စံးထီၣ်ပတြၢၤ 123:1

ပှၤလၢအပၢတၢ်လၢမူခိၣ်ဧၢ, ယကျ့ထီၣ်ယမဲာ်ဆူနၤလီၤ.

စံးထီၣ်ပတြၢၤ 124:1

မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး တၢ်ကမၤအသးဒ်လဲၣ် အံၣ်စရ့လးဧၢ, စံးဆၢတက့ၢ်.

စံးထီၣ်ပတြၢၤ 125:1

ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ်စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ်ဝဲဆိးဝဲလီၤထူလီၤယိာ်လီၤ.

စံးထီၣ်ပတြၢၤ 126:1

တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤပသးဒ်ပှၤလၢအမံမီၢ်တၢ်အသိးန့ၣ်လီၤ.

စံးထီၣ်ပတြၢၤ 72:1

ကစၢ်ယွၤဧၢ, ဟ့ၣ်လီၤနတၢ်စံၣ်ညီၣ်ဆူစီၤပၤ, ဒီးနတၢ်တီတၢ်လိၤဆူစီၤပၤအဖိခွါတက့ၢ်.

စံးထီၣ်ပတြၢၤ 78:69

ဖဲန့ၣ်အဝဲဘှီထီၣ်အတၢ်လုၢ်ဟံၣ် ဒ်အဟံၣ်လၢမူခိၣ်အသိး, မၤကျၢၤအီၤဒ်ဟီၣ်ခိၣ်လၢ အအိၣ်ဂၢၢ်ကျၢၤ အစိၤစိၤဃၣ်ဃၣ်န့ၣ်လီၤ.

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

လံာ်ပှၤစံၣ်တဲၤတဲလီၤတၢ် 9:11

ယသ့ၣ်ညါလီၤတံၢ်တၢ်အဂၤတမံၤလၢ, ဟီၣ်ခိၣ်အံၤပှၤဃ့ၢ် သတြီၤတၢ်ချ့တဖၣ်တမၤနၢၤတၢ်ပြၢထီဘိဘၣ်ဒီးပှၤအဒူတဖၣ် တမၤနၢၤတၢ်ဒုးထီဘိဘၣ်. ပှၤကူၣ်တၢ်သ့တဖၣ်မၤအီၣ်မၤအီ တကဲထီၣ်လိၣ်ထီၣ်ဘၣ်ထီဘိဘၣ်. ပှၤလၢအအိၣ်ဒီးတၢ်ကူၣ်တၢ်ဆးတဖၣ် တထူးထီၣ်တီၤထီၣ်တဘိယူၢ်ဃီဘၣ်. ဒီးပှၤလၢအမၤတၢ်သ့တဖၣ်တမၤန့ၢ်လီၢ်ဒိၣ်လၤထီထီဘိဘၣ်. ဘူၣ်တီၢ်အၢသီမၤအသးလၢပှၤကိးဂၤဒဲးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:3

ပှၤပၢၤတၢ်ဖိလၢအဟးတရံးလၢဝ့ၢ်ပူၤတဖၣ်ထံၣ်ဘၣ်ယၤန့ၣ်လီၤ. ယသံကွၢ်အဝဲသ့ၣ်, “သုထံၣ်န့ၢ်ပှၤလၢယအဲၣ်အီၤတဂၤစ့ၢ်ကီး ဧါ.”

လံာ်တၢ်သးဝံၣ်တဖၣ်အတၢ်သးဝံၣ် 5:7

ပှၤခိးတၢ်ဖိလၢဝ့ၢ်ပူၤတဖၣ်ထံၣ်န့ၢ်ယၤ, အဝဲသ့ၣ်တီၢ်ယၤဒီးမၤဘၣ်ဒိယၤလီၤ. ပှၤပၢၤတၢ်ဖိလၢဝ့ၢ်ခိၣ်ဒူတဖၣ်ဖှီညာ်ကွံာ်ယဆ့ကၤကျၢၢ်ဘၢ မဲာ်လီၤ.

လံာ်ယၡါယၤ 27:3

“ယကွၢ်ထွဲအီၤဒီးလူအီၤလၢထံတပယူာ်ဃီလီၤ. ယပၢၤအီၤမုၢ်ဆါဆဲးလၢမုၢ်နၤဒ်သိးပှၤသုတမၤဘၣ်ဒိဘၣ်ထံး အီၤနီတဂၤတဂ့ၤအဂီၢ်လီၤ.

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ယၡါယၤ 62:6

ဝ့ၢ်ယရူၤၡလ့ၣ်ဧၢ, လၢနဝ့ၢ်ခိၣ်ဒူတဖၣ်အလိၤန့ၣ်, ယပာ်လီၤတ့ၢ်လံပှၤခိးတၢ်ဖိတဖၣ်လီၤ. လၢမုၢ်ဆါမ့ၢ်ဂ့ၤ, မုၢ်နၤမ့ၢ်ဂ့ၤ, အဝဲသ့ၣ်တဘၣ်အိၣ်ဘှ့ၣ် အိၣ်ဘှီၣ်နီတစုဘၣ်. အဝဲသ့ၣ်ကဘၣ်ဒုးသ့ၣ်နီၣ်ယွၤလၢအတၢ်အၢၣ်လီၤအီလီၤတဖၣ်, ဒီးတဘၣ်ပျဲအဝဲသးပ့ၤနီၣ်ကွံာ်တၢ်တဖၣ်န့ၣ်နီတစုဘၣ်.

လံာ်ယံးရမံယၤ 51:12

ဟ့ၣ်လီၤတၢ်ပနီၣ်လၢ တၢ်ကထီၣ်ဒုးဝ့ၢ်ဘၤဘူၤလိၣ်အခိၣ်ဒူတဖၣ် အဂီၢ်န့ၣ်တက့ၢ်. မၤဆူၣ်ထီၣ်ပှၤပၢၤတၢ်ဖိအတိၤ, ဒီးပာ်လီၤပှၤခိးတၢ်ဖိတဖၣ်တက့ၢ်. ကတဲာ်ကတီၤပှၤခိးခူ သူၣ်တၢ်တဖၣ်တက့ၢ်. ယွၤမၤတ့ၢ်လံတၢ်လၢ အဝဲစံးဝဲလၢ ကမၤဘၣ်ကီၢ်ဘၤဘူၤလိၣ် အပှၤဂီၢ်မုၢ်န့ၣ်လီၤ.”

လံာ်ယံးရမံယၤ 51:31

ပှၤစိာ်တၢ်ကစီၣ်တဂၤဝံၤတဂၤဃ့ၢ်ဝဲဒ်သိးကတဲဘၣ်ကီၢ်ဘၤဘူၤလိၣ် အစီၤပၤလၢအထံၣ်, ဝ့ၢ်ဘၣ်တၢ်မၤလီၤပှီၢ်ကွံာ်ကိးကပၤလံန့ၣ်လီၤ.

1 ကရံၣ်သူး 15:14

ဒီးခရံာ်မ့ၢ်တဘၣ်တၢ်ဒုးဂဲၤဆၢထၢၣ်က့ၤအီၤလၢတၢ်သံဘၣ် န့ၣ်, ပတအိၣ်ဒီးတၢ်လၢပကစံၣ်တဲၤတဲလီၤအဂီၢ်နီတမံၤ, ဒီးသုတအိၣ်ဒီးတၢ်လၢသုကစူၢ်ကနာ်အဂီၢ်နီတမံၤဘၣ်လီၤ.

1 ကရံၣ်သူး 3:7

ပှၤတဂၤလၢအဖှံလီၤတၢ်ချံမ့ၢ်ဂ့ၤ, ပှၤတဂၤလၢအလူထံမ့ၢ်ဂ့ၤ, တမ့ၢ်တၢ်လၢအကါဒိၣ်နီၢ်နီၢ်ဘၣ်. ပှၤလၢအကါဒိၣ်န့ၣ်မ့ၢ်ကစၢ်ယွၤ, အဂ့ၢ်မ့ၢ်လၢအဝဲဒုးဒိၣ်ထီၣ်တၢ်မုၢ်တၢ်ဘိအဃိန့ၣ်လီၤ.

ကလၤတံ 4:11

ယသူၣ်ကိၢ်သးဂီၤလၢသုဂီၢ်လီၤ. မ့ၢ်ကယဲၢ်တၢ်လၢယမၤ တ့ၢ်အီၤလၢသုဂီၢ်ကဲထီၣ်တၢ်ကလီကလီလံဧါ.

လံာ်သိၣ်လီၤသီလီၤတၢ် 8:18

သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.

လံာ်စီၤယိၤၡူ 2:2

ဝ့ၢ်ယရံၤဃိအစီၤပၤနၢ်ဟူဝဲလၢပှၤအံၣ်စရ့လးဖိတနီၤဟဲဝဲလၢမုၢ်နၤအံၤ လၢအကကွၢ်ဟုၣ်ကွၢ်စုးထံကီၢ်,