စံးထီၣ်ပတြၢၤ 126:4 - Sgaw Karen Common Bible

⁴ ယွၤဧၢ, မၤဘီၣ်ထီၣ်ညီထီၣ်က့ၤကဒီးပှၤ ဒ်တၢ်စူၤလီၤဟဲစိာ်ကဒါက့ၤထံဆူ ထံကျိကၢၢ်နံၤလၢအဃ့ထီအသိးန့ၣ်တက့ၢ်.

စံးထီၣ်ပတြၢၤ 126:4 Iomraidhean Croise

စံးထီၣ်ပတြၢၤ 126:1

တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤပသးဒ်ပှၤလၢအမံမီၢ်တၢ်အသိးန့ၣ်လီၤ.

စံးထီၣ်ပတြၢၤ 85:4

တၢ်အုၣ်က့ၤခီၣ်က့ၤပှၤကစၢ်ယွၤဧၢ, ဒုးက့ၤကဒါက့ၤပှၤဆူ ပအိၣ်ပဆိးအလီၢ် ဆိကတီၢ်နတၢ်သးထီၣ်ပှၤန့ၣ်တက့ၢ်.

လံာ်ယၡါယၤ 35:6

ပှၤခီၣ်ဟးဂီၤကစံၣ်ထီၣ်ဒီးဂဲၤကလံၣ် ဒီးပှၤအုးအးကတာ်ပျ့ၤတဖၣ် ကကိးထီၣ်ဝဲလၢတၢ်သးခုအပူၤလီၤ. ထံကျိဖိအထံတဖၣ်ကယွၤလီၤဝဲခီဖျိမဲးမုၢ်ခိၣ်လီၤ.

လံာ်ယၡါယၤ 41:18

ယကဒုးအိၣ်ထီၣ်ထံကျိတဖၣ်လၢအယွၤလီၤဝဲလၢတၢ်လူၢ်ဃ့ထီလီၤ ဖျိတဖၣ်အကျါ ဒီးထံထီၣ်ပၢၢ်အကျိတဖၣ်ကယွၤလီၤဝဲလၢတၢ်တြီၤတဖၣ်အပူၤလီၤ. ယကဒုးကဲထီၣ်မဲးမုၢ်ခိၣ်ဆူထံအနိၣ်တဖၣ် ဒီးဟီၣ်ခိၣ်လၢအဃ့ထီဆူထံမူထီၣ်ပၢၢ်တဖၣ်လၢအယွၤလီၤဝဲ န့ၣ်လီၤ.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:3

အဂ့ၢ်ဒ်အံၤ, တၢ်ဆၢကတီၢ်ဟဲဝဲဖဲ ယကပာ်ကဒါက့ၤယပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤလၢ အလီၢ်န့ၣ်လံ. ယကဟဲက့ၤစိာ် ကဒါက့ၤ အဝဲသ့ၣ်ဆူ ကီၢ်တဘ့ၣ်န့ၣ်လၢ ယဟ့ၣ်သါတ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်ကန့ၢ်ဘၣ်က့ၤကဒီးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 1:11

ကီၢ်ယူဒၤအပှၤဂီၢ်မုၢ်ဒီးကီၢ်အံၣ်စရ့လးအပှၤဂီၢ်မုၢ်သ့ၣ်တဖၣ် ကပာ်ဖှိၣ်က့ၤကဒီးအသးန့ၣ်လီၤ. အဝဲသ့ၣ်ကဃုထၢပှၤအခိၣ်တ ဂၤလၢအဂီၢ်ဒၣ်ဝဲဒီးအဝဲသ့ၣ်ကဒိၣ်ထီၣ်အါထီၣ်ကဒီးအသီတ ဘျီဒီးကဘီၣ်ထီၣ်ညီထီၣ်လၢအထံအကီၢ်အပူၤန့ၣ်လီၤ. မ့ၢ်လီၤ, ယံးစရ့လးအမုၢ်တနံၤကမ့ၢ်မုၢ်နံၤအဒိၣ်တနံၤန့ၣ်လီၤ.

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.