စံးထီၣ်ပတြၢၤ 125:1 - Sgaw Karen Common Bible

¹ ပှၤလၢအသန့ၤအသးလၢယွၤန့ၣ် မၤအသးဒ်ကစၢၢ်စံယိၣ်အသိးန့ၣ်လီၤ. တဟူးတဝးဘၣ်ဝဲဘၣ်, ဒီးအိၣ်ဝဲဆိးဝဲလီၤထူလီၤယိာ်လီၤ.

စံးထီၣ်ပတြၢၤ 125:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 5:20

အဝဲသ့ၣ်အိၣ်ဒီးတၢ်နာ်လၢကစၢ်ယွၤအပူၤ, ဘါထုကဖၣ်ဆူအအိၣ်လၢတၢ်မၤစၢၤအဂီၢ်ဒီးကစၢ်ယွၤစံးဆၢအဝဲ သ့ၣ်အတၢ်ထုကဖၣ်တဖၣ်ဒီးယွၤဟ့ၣ်အီၤတၢ်မၤနၢၤလၢပှၤဟၤကၢ်ဖိ ဒီးအသိၣ်အမှံၤတဖၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

စံးထီၣ်ပတြၢၤ 120:1

လၢယဘၣ်တၢ်ကီတၢ်ခဲအပူၤန့ၣ် ယကိးထီၣ်ယွၤ ဒ်သိးကစံးဆၢယၤလီၤ.

စံးထီၣ်ပတြၢၤ 121:1

ယကကျ့ထီၣ်ယမဲာ်ဆူကစၢၢ်ကလိ ဖဲတၢ်မၤစၢၤယၤဟဲဝဲလီၤ.

စံးထီၣ်ပတြၢၤ 122:1

တုၤပှၤစံးဘၣ်ယၤ, မ်ပလဲၤထီၣ်သကိးဆူယွၤအဟံၣ်တက့ၢ်န့ၣ်ယသူၣ်ခုယသးခု လီၤ.

စံးထီၣ်ပတြၢၤ 123:1

ပှၤလၢအပၢတၢ်လၢမူခိၣ်ဧၢ, ယကျ့ထီၣ်ယမဲာ်ဆူနၤလီၤ.

စံးထီၣ်ပတြၢၤ 124:1

မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး တၢ်ကမၤအသးဒ်လဲၣ် အံၣ်စရ့လးဧၢ, စံးဆၢတက့ၢ်.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

စံးထီၣ်ပတြၢၤ 20:8

ပှၤဒ်အံၤတဖၣ်အခီၣ်ကဘၣ်တိၢ်ဒီးကလီၤဃံၤဝဲ ဘၣ်ဆၣ်ပကဂဲၤထၢၣ်ဒီးဆၢထၢၣ်ဂၢၢ်ကျၢၤန့ၣ်လီၤ.

စံးထီၣ်ပတြၢၤ 25:2

ယကစၢ်ယွၤဧၢ, ယနာ်နၤလီၤ. မ်ယသုတဘၣ်တၢ်မၤမဲာ်ဆှးယၤတဂ့ၤ. မ်ယဒုၣ်ယဒါအသုတသးခုလၢယဖီခိၣ်တဂ့ၤ.

စံးထီၣ်ပတြၢၤ 25:8

အဂ့ၢ်ဒ်အံၤ, ယွၤန့ၣ်တီဝဲလိၤဝဲဒီးဂ့ၤဝဲ, ဒုးနဲၣ်ပှၤတၢ်ဒဲးဘးဖိသ့ၣ်တဖၣ်လၢကျဲန့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 34:22

ယွၤပှ့ၤက့ၤအခ့အပှၤတဖၣ်အသးသမူလီၤ. ဒီးပှၤလၢအသန့ၤအသးလၢအီၤန့ၣ်, တဘၣ်ဘၣ်တၢ်စံၣ်ညီၣ်နီတဂၤဘၣ်.

စံးထီၣ်ပတြၢၤ 46:5

ကစၢ်ယွၤအိၣ်လၢအသးကံၢ်ပူၤ, ဒီးတဘၣ်တၢ်သုးကွံာ်အီၤဘၣ်. ကစၢ်ယွၤကမၤစၢၤအီၤဖဲမုၢ်ဆ့ၣ်ဝါထီၣ် အကတီၢ်န့ၣ်လီၤ.

စံးထီၣ်ပတြၢၤ 46:6

ပှၤကလုာ်တဖၣ်သီၣ်ထီၣ်ရုၢ်ရုၢ်, ဒီးဘီမုၢ်တဖၣ်ဟူးဝးဝဲလီၤ. ကစၢ်ယွၤထုထီၣ်ကလုာ်, ဒီးဟီၣ်ခိၣ်ပှံၢ်ဝဲလီၤ.

စံးထီၣ်ပတြၢၤ 62:2

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်ဧိၤလီၤ. ယတဟူးတဝးဘၣ်နီတစဲးဘၣ်.

စံးထီၣ်ပတြၢၤ 62:3

သုဝဲခဲလၢာ်မ့ၢ်သုကထီဒါပှၤတဂၤ လၢအတဆူၣ်န့ၢ်ဒံးကရၢၢ်လၢအလီၤပှီၢ်ဘၣ်န့ၣ်ဆံးယံာ်လဲၣ်.

စံးထီၣ်ပတြၢၤ 62:6

ယလၢၢ်ဒီးတၢ်အုၣ်က့ၤခီၣ်က့ၤယၤ, ယတၢးထီၣ်ထီန့ၣ်မ့ၢ်ထဲအဝဲဒၣ်တဂၤဧိၤန့ၣ်လီၤ. ယတဟူးတဝးဘၣ်.

စံးထီၣ်ပတြၢၤ 62:7

တၢ်အုၣ်က့ၤခီၣ်က့ၤယၤ, ဒီးယလၤကပီၤန့ၣ် အိၣ်ဝဲဒီးကစၢ်ယွၤန့ၣ်လီၤ. ယဂံၢ်ယဘါအလၢၢ်, ယတၢ်ပူၤဖျဲးအလီၢ်န့ၣ်မ့ၢ်ကစၢ်ယွၤလီၤ.

တၢ်ကတိၤဒိ. 10:25

ကလံၤသီၣ်ဂီၤဟဲလီၤဝဲဒီးပှၤတတီတလိၤတဖၣ်ဒံကွံာ်ဒံဖျိး ကွံာ်ဝဲလီၤ. မ့မ့ၢ်, ပှၤအတီအလိၤတဖၣ်အိၣ်ဂၢၢ်ဆိးကျၢၤဝဲတဘိ ယူာ်ဃီလီၤ.

လံာ်ယၡါယၤ 12:6

မ်ပှၤကိးဂၤဒဲးလၢအအိၣ်လၢဝ့ၢ်စံ ယိၣ်ကိးထီၣ်ဒီးသးဝံၣ်တၢ်တက့ၢ်. အံၣ်စရ့လးအကစၢ်ယွၤစီဆှံအံၤဒိၣ်နီၢ်မးလီၤ. ဒီးအဝဲဒၣ်အိၣ်ဝဲလၢအပှၤဂီၢ်မုၢ်အကျါလီၤ.”

လံာ်ယၡါယၤ 14:32

မ့ၢ်ပကစံးဆၢပှၤစိာ်တၢ်ကစီၣ်တဖၣ်လၢအဟဲဆူပအိၣ်လၢကီၢ် ဖလ့ၡသးတခီန့ၣ်ဒ်လဲၣ်. ပကတဲဘၣ်အဝဲသ့ၣ်လၢယွၤဒုးအိၣ်ထီၣ် ဒီးပာ်ဂၢၢ်ပာ်ကျၢၤလံဝ့ၢ်စံယိၣ်လီၤ. ဒီးအပှၤဂီၢ်မုၢ်လၢ အတူၢ်ဘၣ်တၢ်နးတၢ်ဖှီၣ်တဖၣ်ကထံၣ်န့ၢ်တၢ်ပူၤဖျဲးဖဲန့ၣ်န့ၣ်လီၤ.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ယၡါယၤ 26:4

နာ်ယွၤတဘိယူၢ်ဃီတက့ၢ်. ဒီးအဝဲကဒီဒၣ်အိၣ်ပှိၤပှၤထီဘိလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 51:16

ယသလၣ်ထီၣ်မူခိၣ်မူကပိာ်လိၤ ဒီးပာ်လီၤဟီၣ်ခိၣ်အခီၣ်ထံးတဖၣ်လီၤ. ယစံးဘၣ်ဝ့ၢ်ယရူၤၡလ့ၣ်, နမ့ၢ်ယပှၤဂီၢ်မုၢ်လီၤ. ယဟ့ၣ်နၤယတၢ်သိၣ်လိတဖၣ်, ဒီးယဒီဒၣ်အိၣ်ပှိၤနၤလၢယစုဒၣ်ယဲလံ.”

လံာ်ယၡါယၤ 51:8

အဝဲသ့ၣ်ကဟါမၢ်ကွံာ်ဝဲဒ်တၢ် ကူတၢ်ကၤလၢအဃၢ်အီၣ်ကွံာ်အီၤအသိးလီၤ. မ့မ့ၢ်, တၢ်မၤပူၤဖျဲးလၢယဟဲစိာ်န့ၢ်သုန့ၣ်, ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ. ယတၢ်မၤနၢၤကအိၣ်ဂၢၢ်အိၣ်ကျၢၤ ကိးဆၢကိးကတီၢ်ဒဲးလီၤ.”

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ဧိၤဘါဒယၤ 1:21

ဝ့ၢ်ယရူၤၡလ့ၣ်အပှၤမၤနၢၤတၢ်တဖၣ်ကဟဲထီၣ်ဒုးကီၢ်အဒိၣ်ဒီးမၤနၢၤကွံာ်အီၤလီၤ. ဒီးယွၤအနီၢ်ကစၢ်ဒၣ်ဝဲကမ့ၢ်စီၤပၤန့ၣ်လီၤ.

လံာ်မံကၤ 4:2

ဒီးအပှၤဂီၢ်မုၢ်ကစံးဝဲ, “မ်ပလဲၤထီၣ်သကိးဆူယွၤအကစၢၢ်အဒီခိၣ်, ဆူအံၣ်စရ့လးအကစၢ်ယွၤအတၢ်လုၢ်လီၢ်တက့ၢ်. အဂ့ၢ်ဒ်အံၤ, ကသိၣ်လိပှၤလၢတၢ်လၢအအဲၣ်ဒိး ပကမၤအီၤတဖၣ်, ပကလဲၤတၢ်လၢကျဲတဖၣ်လၢအဃုထၢန့ၢ်ပှၤလီၤ. အဂ့ၢ်ဒ်အံၤ, ယွၤအတၢ်သိၣ်လိဟဲလၢဝ့ၢ်ယရူၤၡလ့ၣ်, ဒီးကတိၤတၢ်လၢစံယိၣ်ဆူအပှၤဂီၢ်မုၢ်အအိၣ်လီၤ”.

လံာ်စကၤရယၤ 1:14

ဒီးကလူးန့ၣ်တဲဘၣ်ယၤလၢယကတဲဖျါထီၣ် တၢ်လၢသ့တၢ်လၢာ်ယွၤစံးတ့ၢ်ဒ်အံၤ, “ယအိၣ်ဒီးတၢ်အဲၣ်ဒီးတၢ်သးအိၣ်လၢအဒိၣ်ဝဲယိာ်ဝဲတမံၤလၢ ဝ့ၢ်ယရူၤရှလ့ၣ်, ယဝ့ၢ်စီဆှံအဂီၢ်,

လံာ်စကၤရယၤ 1:17

ကလူးန့ၣ်တဲဘၣ်စ့ၢ်ကီးယၤလၢယကတဲဖျါထီၣ်တၢ်ဒ်အံၤ, “သ့တၢ်လၢာ်ယွၤစံးဝဲလၢ, အဝ့ၢ်တဖၣ်ကဘီၣ်ထီၣ်ညီထီၣ်ကဒီးတဘျီ, ဒီးအဝဲကမၤစၢၤကဒီးဝ့ၢ်ယရူၤရှလ့ၣ်တဘျီဒီးတဲဖျါလၢဝ့ၢ်ယရူၤရှလ့ၣ် မ့ၢ်အဝ့ၢ်န့ၣ်လီၤ.”

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.

လံာ်လီၣ်ဖျါ 14:1

တုၤနုၤတစု, ယကွၢ်တၢ်, ဒီးသိဖိန့ၣ်အိၣ်ဆၢထၢၣ်လၢ ကစၢၢ်စံယိၣ်အလိၤ, ပှၤအိၣ်ဒီးအီၤအဂၤ ၁၄၄,ဝ၀၀ လၢ အအိၣ်ဒီးအဝဲအမံၤ, ဒီးအဝဲအပၢ်အမံၤအိၣ်ကွဲးအသးလၢအခိၣ်တိသၣ်တဖၣ် အလိၤန့ၣ်လီၤ.