စံးထီၣ်ပတြၢၤ 124:4 - Sgaw Karen Common Bible

⁴ ဒီးထံဒိၣ်ထီၣ်ကစိာ်ကွံာ်ပှၤ ဒီးထံကလုၣ်ဘၢပှၤ,

စံးထီၣ်ပတြၢၤ 124:4 Iomraidhean Croise

လံာ်စီၤယိၤဘး 22:11

တၢ်ခဲလၢာ်ခံးလီၤကွံာ်ဝဲတုၤနထံၣ်တၢ်တသ့လၢၤဘၣ်ဒီး ထံလုၣ်ဘၢကွံာ်နၤလီၤ.

စံးထီၣ်ပတြၢၤ 144:7

ယူာ်လီၤနစုလၢ တၢ်ထီၣ်ထီ, ထုးထီၣ်ကွံာ်ယၤလၢ ထံယိာ်ပူၤဒီးမၤပူၤဖျဲးယၤ, အုၣ်က့ၤခီၣ်က့ၤယၤလၢ ပှၤတခီဘီမုၢ် တဖၣ်အစိကမီၤအပူၤတက့ၢ်.

စံးထီၣ်ပတြၢၤ 18:4

တၢ်သံအတၢ်လီၤပျံၤလီၤဖုးအံၤအိၣ်ဝးတရံးယၤ, တၢ်မၤဟးဂီၤအလပီတဖၣ်လုၣ်ဘၢယၤလီၤ.

စံးထီၣ်ပတြၢၤ 18:5

တၢ်သံအပျံၤတဖၣ်ဘံဘူယၤ ဒီးတၢ်သွၣ်ခိၣ်ပာ်လီၤပျံၤသကွီၤလၢယဂီၢ်လီၤ.

စံးထီၣ်ပတြၢၤ 32:6

လၢတၢ်န့ၣ်အဃိ, ပှၤလၢအသးတီဒီးနၤခဲလၢာ် ဃ့ထုကဖၣ်လၢနၤဖဲ အဝဲသ့ၣ်လိၣ်ဘၣ်တၢ်အကတီၢ်, တုၤတၢ်ဘၣ်ယိၣ်ဘၣ်ဘီအိၣ်ထီၣ်ချ့သဒံးန့ၣ်ဒီး တၢ်ဘၣ်ယိၣ်ဘၣ်ဘီအံၤတတုၤအိၣ်အီၤဘၣ်.

စံးထီၣ်ပတြၢၤ 42:7

နဆှၢလီၤတၢ်သူၣ်အုးသးအုးအလပီသ့ၣ်တဖၣ်လၢ ယသးအလိၤ, တၢ်သဘံၣ်ဘုၣ်ကိးပသူထီၣ်ဆူ ယအိၣ်ဒ်တၢ်လုၣ်ဘၢတၢ်အသိးန့ၣ်လီၤ.

စံးထီၣ်ပတြၢၤ 42:8

ယွၤပာ်ဖျါအတၢ်အဲၣ်ဂၢၢ်ကျၢၤလၢမုၢ်နံၤအကတီၢ် ဒ်သိးတၢ်သးဝံၣ်ကအိၣ်ဒီးယၤလၢမုၢ်နၤ, တၢ်ထုကဖၣ်ဆူယသးသမူ အကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 69:15

မ်ထံသုတလုၣ်ဘၢယၤတဂ့ၤ. မ်ထံယိာ်အသုတယူၢ်လီၤကွံာ်ယၤတဂ့ၤ. မ်တၢ်ပူၤအသုတကျၢၢ်ဘၢအကိာ်ပူၤလၢယၤတဂ့ၤ.

စံးထီၣ်ပတြၢၤ 69:2

ယလီၤဘျၢလၢကပံာ်ယိာ်အကျါ, ဒီးဆၢထၢၣ်အလီၢ်တအိၣ်ဘၣ်. ယဟဲနုာ်တ့ၢ်လၢထံယိာ်အကျါ, ဒီးထံလုၣ်ဘၢယၤလီၤ.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

လံာ်ယၡါယၤ 59:19

လၢမုၢ်ထီၣ်တုၤလၢမုၢ်နုာ်န့ၣ်ပှၤကိးဂၤ ဒဲးကပျံၤအီၤဒီးအတၢ်စိဒိၣ်ကမီၤဒိၣ်န့ၣ်လီၤ. အဝဲကဟဲဝဲဒ်ထံကျိတဘိလၢအယွၤသဖှိလီၤအသိး, ဒ်ကလံၤလၢအဆူၣ်ဝဲအသိးန့ၣ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်လီၣ်ဖျါ 17:1

တုၤနုၤတစု, ကလူးနွံဂၤလၢအအိၣ်ဒီးသလၢနွံဖျၢၣ်န့ၣ် အကျါတဂၤဟဲဆူယအိၣ်ဒီးစံးဝဲ, “ဟဲ, ဒီးယကဒုးနဲၣ်နၤလၢဃဲသဲမုၣ်မံၤဟူသၣ်ဖျါတဂၤ, ဝ့ၢ်ဖးဒိၣ်တဖျၢၣ်လၢအဘၣ်တၢ်သူၣ်ထီၣ်အီၤဘူးဒီးထံကျိအါဘိန့ၣ်လီၤ. ကဘၣ်တၢ်စံၣ်ညီၣ်အီၤဒ်လဲၣ်န့ၣ်လီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.