စံးထီၣ်ပတြၢၤ 123:4 - Sgaw Karen Common Bible

⁴ ပသးပှဲၤဆၢၣ်ကလာ်ဒီး ပှၤလၢအဘၣ်မုာ်ဘၣ်ခုၣ်တဖၣ် အတၢ်နံၤဘၣ်ဖၣ်လဲ ဒီးပှၤလၢအပာ်ထီၣ်ထီအသးတဖၣ် အတၢ်မၤတရီတပါန့ၣ်လီၤ.

စံးထီၣ်ပတြၢၤ 123:4 Iomraidhean Croise

လံာ်စီၤနဃ့မယၤ 2:19

ဒီးတုၤစီၤစၤနဘၤလး, စီၤတိၤဘံယၤဒီးပှၤဧ့ရ့းဖိစီၤ က့ၤၡ့ၣ်နၢ်ဟူဝဲတၢ်လၢပသုးကျဲၤလၢပကမၤအီၤန့ၣ်အဝဲသ့ၣ်နံၤ ဘၣ်ပှၤဒီးစံးဝဲ, “တၢ်လၢသုကမၤန့ၣ်သုဆိကမိၣ်လၢအမ့ၢ်တၢ်မနုၤလဲၣ်. မ့ၢ်သုကပူထီၣ်ထီဒါစီၤပၤဖးဒိၣ်န့ၣ်ဧါ.”

လံာ်စီၤယိၤဘး 12:5

တၢ်နးတၢ်ဖှီၣ်တအိၣ်ဒီးနၤဘၣ်ဆၣ်နမၤကလိာ်ကလာ်ယၤလီၤ. ပှၤတဂၤလၢဘူးကလီၤဃံၤန့ၣ်နမၤဘၣ်ဒိအီၤလီၤ.

လံာ်စီၤယိၤဘး 16:4

သုမ့ၢ်အိၣ်ဘၣ်လၢယလီၢ်, ဒီးယမ့ၢ်အိၣ်ဘၣ်လၢသုလီၢ်သတး ဒီးတၢ်လၢသုစံးခဲလၢာ်န့ၣ်ယကစံးယဲစ့ၢ်ကီးလီၤ. ယဂံၤဂုၤ ယခိၣ်လၢတၢ်ကူၣ်သ့ဒီးမၤလီၤအုးသုလၢယတၢ်ကတိၤတဖၣ် သ့ဝဲလီၤ.

စံးထီၣ်ပတြၢၤ 119:51

ပှၤပာ်ထီၣ်ထီအသးတဖၣ်န့ၣ်ဒုၣ်ဒွဲၣ်ယၤ နးမးတထံၣ်ဃီလီၤ. ဘၣ်ဆၣ်ယတဟးဖးဒီး နတၢ်သိၣ်တၢ်သီန့ၣ်ဘၣ်.

လံာ်ယၡါယၤ 32:11

သုအိၣ်မူတ့ၢ်တၢ်အိၣ်မူမံသူၣ် မုာ်သးဒၣ်သုဝဲဒီးတကိၢ်တဂီၤ တၢ်နီတမံၤဘၣ်. မ့မ့ၢ်, အခဲအံၤ ကနိးကစုာ်လၢတၢ်ပျံၤတၢ်ဖုးအပူၤတက့ၢ်. ဘ့ၣ်လီၤကွံာ်သုဆ့ကၤတဖၣ်ဒီးစၢဃာ်တၢ် ယာ်ဖျ့တဖၣ်လၢသုယီၢ်ဒ့အလိၤန့ၣ်တက့ၢ်.

လံာ်ယၡါယၤ 32:9

သုဝဲပိာ်မုၣ်လၢအအိၣ်မံသူၣ်မုာ်သးဒၣ်သုဝဲဒီးတကိၢ် တဂီၤတၢ်နီတမံၤသ့ၣ်သုဧၢ, ဒိကနၣ်တၢ်လၢယ စံးယဲန့ၣ်တက့ၢ်.

လံာ်ယံးရမံယၤ 48:11

ယွၤစံးဝဲဒၣ်, “ကီၢ်မိၤအးအအိၣ်ဂၢၢ်ဆိးကျၢၤဝဲထီဘိ ဒီး တဘၣ်တၢ်စိာ်မၢကဲကုၢ်အီၤ နီတစုဘၣ်. ကီၢ်မိၤအးလီၤဂာ်ဒီး စပံးထံလၢတၢ်ပာ်အီၤဒီး တၢ်တမၤတံာ်တာ်အီၤအသိး, ဒီးတဘၣ်တၢ်လူလီၤအီၤလၢ ကတံၤတဖျၢၣ်ဆူအဂၤတဖျၢၣ်အပူၤနီတစုဘၣ်. အတၢ်ဝံၣ်တၢ်ဆၢန့ၣ်တဟးဂီၤကွံာ်နီတစုဘၣ်ဒီး အတၢ်ဘိၣ်တၢ်ဘဲ ဂ့ၤဒၣ်ထီဘိန့ၣ်လီၤ.

လံာ်ယံးရမံယၤ 48:27

ကီၢ်မိၤအးဧၢ, သ့ၣ်နီၣ်ထီၣ်က့ၤနကတိၤဆါ ကီၢ်အံၣ်စရ့လး ပှၤဂီၢ်မုၢ်ဒ်လဲၣ်န့ၣ်တက့ၢ်. နမၤတ့ၢ်အဝဲသ့ၣ်ဒ် ပှၤလၢအဘၣ်တၢ်ဖီၣ်န့ၢ် ဃုာ်အီၤဒီးတမျိၤတမျာ်အသိးန့ၣ်လီၤ.

လံာ်ယံးရမံယၤ 48:29

ကီၢ်မိၤအးပာ်ထီၣ်ထီအသးဒိၣ်မးလီၤ. ယနၢ်ဟူတ့ၢ်လၢ အပာ်ထီၣ်ထီအသးထဲလဲၣ်, ဒီးပာ်အသးကဖိလိ, ဒီးအပှၤဂီၢ်မုၢ်မ့ၢ်ပှၤတဖၣ်လၢအပာ်ကဖၢလၢအသးထဲလဲၣ်ဒီး ဆိကမိၣ်ဒိၣ်လီၤ အသးထဲလဲၣ်န့ၣ်လီၤ.

လံာ်ဧၤမိၣ် 6:1

ပှၤအိၣ်မံသူၣ်မံသးလၢကစၢၢ်စံယိၣ်အပူၤ, ဒီးပှၤလၢအပာ်တၢ်အိၣ်သဒၢအလီၢ်လၢကီၢ်ၡၤမရံ, သုဝဲကီၢ်အံၣ်စ ရ့လးအပှၤကလုာ်ဖးဒိၣ်အခိၣ်အနၢ်တဖၣ်လၢပှၤ ဂီၢ်မုၢ်လဲၤဆူအအိၣ်လၢတၢ်မၤစၢၤအဂီၢ်သ့ၣ်ဧၢ, သုဘၣ်အဖှီၣ်လီၤ.

မၤတၢ် 17:21

(အဂ့ၢ်ဒ်အံၤ, အၤသ့ၣ်အပှၤဝ့ၢ်ဖိဒီးပှၤထံဖိကီၢ်ဖိလၢ အအိၣ်ဖဲန့ၣ်ကိးဂၤဒဲးသးအိၣ်သူအဆၢကတီၢ်ခဲလၢာ်ခီဖျိ အတၢ်တဲသကိး, တၢ်ဒိကနၣ်သကိးတၢ်ဂ့ၢ်လီၤတိၢ်လီၤဆီလၢအပၢၢ်ထီၣ်သီ ဒီးပၢၢ်ထီၣ်လၢခံကတၢၢ်တဖၣ်န့ၣ်လီၤ.)

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 26:24

ဖဲစီၤပီလူးကတိၤဒီဒၣ်အသးဒ်အံၤအဖၢမုၢ်န့ၣ်, စီၤဖ့စတူးကိးဃါအီၤလၢအကလုၢ်ဖးဒိၣ်, “စီၤပီလူးဧၢ, နပျုၢ်လီၤ. နတၢ်မၤလိမၤဒိးအဒိၣ်အထီဒုးပျုၢ်နၤလံ.”

1 ကရံၣ်သူး 4:13

ဖဲပဘၣ်တၢ်ကတိၤဒုၣ်ဒွဲၣ်ပှၤန့ၣ်, ပစံးဆၢပဝဲလၢတၢ်ကတိၤအမုာ် တဖၣ်လီၤ. ပမ့ၢ်ဒၣ်ဟီၣ်ခိၣ်တဘ့ၣ်အံၤအတၢ်ကမှံၤတဖၣ်လီၤ. တုၤလီၤလၢဆၢကတီၢ်ခဲအံၤဒၣ်လဲာ်န့ၣ်, ပမ့ၢ်ဒၣ်ဟီၣ်ခိၣ်တဘ့ၣ်အံၤအတၢ်တဂိာ်တသီၣ်တဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:42

ဒီးဖဲအထံၣ်ဘၣ်စီၤဒၤဝံးဂ့ၤဂ့ၤလံန့ၣ်, အဝဲပှဲၤဒီးတၢ်ကတိၤနံၤဘၣ်ဖၣ်လဲ, ဒုၣ်ဒွဲၣ်အီၤ, မ့ၢ်လၢ, အဝဲမ့ၢ်ဒံးဒၣ်ဖိသၣ်ပိာ်ခွါတဂၤလၢဘၣ်ဖဲနကွၢ်အီၤ ဂ့ၤန့ၣ်လီၤ.