စံးထီၣ်ပတြၢၤ 123:2 - Sgaw Karen Common Bible

² ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

စံးထီၣ်ပတြၢၤ 123:2 Iomraidhean Croise

လံာ်တၢ်ကဲထီၣ်အခီၣ်ထံး 32:26

ပှၤတဂၤန့ၣ်စံးဘၣ်အီၤ, “ပျၢ်ယၤတက့ၢ်. မုၢ်ဆ့ၣ်ထီၣ်လံ.” ဒီးစီၤယၤကိာ်စံးဆၢအီၤ, “မ့တမ့ၢ်ဘၣ်လၢနဆိၣ်ဂ့ၤယၤဘၣ် န့ၣ်, ယတပျၢ်နၤဘၣ်.”

လံာ်တၢ်ကဲထီၣ်အခီၣ်ထံး 49:18

ယွၤဧၢ, ယအိၣ်ခိးကွၢ်လၢ်နတၢ်မၤပူၤမၤဖျဲးယၤလီၤ.

လံာ်စီၤပၤအခီၣ်ထံးတဘ့ၣ် 1:20

တၢ်ဒိၣ်ကစၢ်စီၤပၤဧၢ, ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ် ကွၢ်ထီၣ်တၢ်ဆူနအိၣ်လၢနကတဲဘၣ်အဝဲသ့ၣ်လၢမ့ၢ်မတၤကကဲ ထီၣ်စီၤပၤလၢနလီၢ်လဲၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:12

နမ့ၢ်ပကစၢ်ယွၤလီၤ. စံၣ်ညီၣ်အဝဲသ့ၣ်တက့ၢ်. အဂ့ၢ်ဒ်အံၤ, လၢသုးမုၢ်ဖးဒိၣ်လၢအဟဲထီၣ်ဒုးပှၤအမဲာ်ညါန့ၣ်, ပမၤစၢၤလီၤက့ၤပသးတဘၣ်ဘၣ်. ပကဘၣ်မၤတၢ်မနုၤလဲၣ်န့ၣ်ပတသ့ၣ် ညါဘၣ်. မ့မ့ၢ်ပကွၢ်ထီၣ်တၢ်ဆူနအိၣ်လၢတၢ်မၤစၢၤအဂီၢ်န့ၣ်လီၤ.”

စံးထီၣ်ပတြၢၤ 119:82

ယမဲာ်ချံတဖၣ်ဘှံးဝဲလၢအခိးကွၢ်လၢ် နတၢ်အၢၣ်လီၤဖဲယစံး, “နကမၤစၢၤယၤအကတီၢ်ဖဲလဲၣ်” န့ၣ်လီၤ.

စံးထီၣ်ပတြၢၤ 25:15

ယကွၢ်ထီၣ်တၢ်ဆူယွၤအအိၣ်လၢတၢ်မၤစၢၤအဂီၢ်ကိးဆၢကိး ကတီၢ်ဒဲးန့ၣ်လီၤ. ဒီးအဝဲဒၣ်မၤပူၤမၤဖျဲးယၤလၢ တၢ်လီၤပျံၤလီၤဖုးအလီၢ်န့ၣ်လီၤ.

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

လံာ်စီၤယိၤၡူ 10:6

ဒီးပှၤကံးဘိၣ်ဖိတဖၣ်ဆှၢလီၤတၢ် ကစီၣ်ဆူစီၤယိၤၡူလၢအသူၣ်ဒဲလၢဝ့ၢ်ကံးလကၤလးအအိၣ်ဒီးစံး ဝဲ, “တဘၣ်ပာ်တီၢ်ပှၤတဂ့ၤ. ဟဲတဘျီဃီဒီးမၤစၢၤပှၤတက့ၢ်. ဟဲမၤပူၤဖျဲးပှၤလၢပှၤအမိၢ်ဖိအစီၤပၤလၢအအိၣ်လၢကစၢၢ်ခံကလိ လိၤလၢအပာ်ဖှိၣ်အသးဒီးဒုးတၢ်ဒီးပှၤတဖၣ်အစုပူၤတက့ၢ်.”

လံာ်စီၤယိၤၡူ 9:23

မ့ၢ်လၢသုမၤတၢ်ဒ်အံၤအဃိ, သုဘၣ်တၢ်ဆိၣ်အၢဒီးသုကမ့ၢ်ဒၣ်ကုၢ်ထီဘိဒီးသုကဘၣ်ကျီ သ့ၣ်မုၣ်ဒီးဒၢၣ်ထံလၢယကစၢ်ယွၤအဟံၣ်အဂီၢ်န့ၣ်လီၤ.”

လံာ်စီၤယိၤၡူ 9:27

ဘၣ်ဆၣ်ဒီး, တကတီၢ်ဃီန့ၣ်အဝဲဒုးကဲထီၣ်အဝဲသ့ၣ်လၢကုၢ်တဖၣ် လၢအကျီသ့ၣ်မုၣ်ဒီးဒၢၣ်ထံလၢပှၤအံၣ်စရ့လးဖိတဖၣ်အဂီၢ်ဒီး လၢယွၤအတၢ်လုၢ်လီၢ်အဂီၢ်န့ၣ်လီၤ. အဝဲသ့ၣ်မၤတၢ်မၤအံၤတုၤလီၤလၢမုၢ်မဆါတနံၤအံၤလၢတၢ်လီၢ် ဖဲယွၤဃုထၢလၢပှၤကဘူၣ်ထီၣ်ဘါထီၣ်အီၤအဂီၢ်န့ၣ်လီၤ.