စံးထီၣ်ပတြၢၤ 122:7 - Sgaw Karen Common Bible

⁷ မ်တၢ်ဃူတၢ်ဖိးအိၣ်လၢနခိၣ်ဒူအပူၤ ဒီးတၢ်ဘီၣ်တၢ်ညီအိၣ်လၢ နစီၤပၤအဟံၣ်ပူၤန့ၣ်တက့ၢ်.”

စံးထီၣ်ပတြၢၤ 122:7 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:18

ကစၢ်ယွၤအသးဟဲလီၤဘၣ်လၢပှၤလၢအဝဲသ့ၣ်အကျါတဂၤ, စီၤဧၤမၤစဲအလိၤလီၤ. ပှၤအံၤလၢခံကဲထီၣ်ပှၤသၢဆံအသုး ခိၣ်, ဒီးအဝဲဒၣ်ကိးထီၣ်ဝဲ, “စီၤယံးၡဲအဖိခွါစီၤဒၤဝံးဧၢ, ပမ့ၢ်နပှၤတဖၣ်လီၤ. မ်နၤဒီးပှၤလၢအမၤစၢၤနၤတဖၣ်မၤန့ၢ်မၤနၢၤတၢ်တက့ၢ်. ကစၢ်ယွၤအိၣ်လၢနအိၣ်တခီလီၤ.” စီၤဒၤဝံးတူၢ်လိာ်မုာ်အဝဲသ့ၣ်ဒီးဒုးကဲထီၣ်အဝဲသ့ၣ်လၢသုး ခိၣ်တဖၣ်လၢအသုးမုၢ်အပူၤန့ၣ်လီၤ.

စံးထီၣ်ပတြၢၤ 48:13

တိၢ်နီၣ်တၢ်ဒူၣ်တဖၣ်ဒီးဃုသ့ၣ်ညါတိာ်တဖၣ် ဒ်သိးနကစံးဘၣ်ပှၤလၢခံတစိၤ,

စံးထီၣ်ပတြၢၤ 48:3

ကစၢ်ယွၤပာ်ဖျါတ့ၢ်ဝဲလၢတၢ်ပူၤဖျဲးအလီၢ်အိၣ်ဒီးအီၤလၢ ဝ့ၢ်အတိာ်ဧိၤတာ်ဧိၤအပူၤန့ၣ်လီၤ.

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

ယၤကိာ် 3:18

ဒီးတၢ်ဂ့ၤတၢ်ဝါမ့ၢ်တၤသၣ်လၢအဟဲကဲထီၣ်ဝဲလၢတၢ်အချံ တဖၣ်လၢပှၤမၤဃူမၤဖိးတၢ်တဖၣ်သူၣ်လီၤဖျးလီၤဝဲလၢ တၢ်ဃူတၢ်ဖိးအပူၤန့ၣ်လီၤ.